Bordi drejtues i Bankës Botërore (BB) premtoi t’i japë Irakut 900 milionë dollarë. Programi i ndihmës financiare, i planifikuar për katër vitet e ardhshme, u zhvillua së bashku me ekspertë nga qeveria e Irakut, njoftuan në Bankë.

Fondet do të përdoren për krijimin e vendeve të reja të punës dhe për forcimin e instituteve të shoqërisë civile. Banka Botërore vëren, në veçanti, se Iraku duhet të rrisë efektivitetin e menaxhimit të burimeve të veta, të sigurojë diversifikimin e madh të ekonomisë dhe të mbështesë sektorin privat.

Kryeministri turk, Rexhep Tajip Erdoan, deklaroi se rezervat e Bankës Qendrore të Turqisë në valutë kanë arritur në 119 miliardë dollarë. Numri 1 i Ankarasë zyrtare nënvizoi se ky sukses është shënuar duke e shpëtuar shtetin nga korrupsioni.

Erdoan mbajti një fjalim drejtuar qytetarëve të Konjës, ku shkoi për të marrë pjesë në ceremonitë e Sheb-i Arusit (Nata e Bashkimit) dhe përuruar disa vepra.

Pjesën kryesore të fjalimit të kryeministrit turk e përbënte ekonomia. Ai ndau për herë të parë me opinionin publik disa të dhëna mbi rezervat e Bankës Qendrore të Turqisë.

“Këto shifra po i bëj publike për herë të parë. Rezervat e Bankës Qendrore arritën nivelin më të lartë të historisë, 119 miliardë dollarë. Ja pra, këtu mbërrini duke e shpëtuar shtetin nga korrupsioni. Ne këtë e arritëm me sukses, ia premë rrugën korrupsionit dhe e flakëm tutje”, tha shefi qeverisë turke.

Në fund të fjalimit të tij drejtuar banorëve të qytetit Konja, Kryeministri Erdoan përsëriti dëshirën e tij që çdo çift turk të bëjë të paktën tre fëmijë dhe shtoi: “Ne do të rrisim një gjeneratë dinamike.”/trt/kohaislame

“Gazprom” ditën e djeshme shënoi një rekord historik të furnizimeve të gazit në Evropë, njoftoi Kryetari i bordit drejtues të kompanisë ruse të gazit Aleksei Miller.

“Që në fillim të dhjetorit vihet re një rritje e pashembullt e furnizimeve në tregun evropian, ndërkohë gjatë ditës së djeshme u vendos rekordi historik i vëllimeve të furnizimeve të gazit rus në Evropë – 550.1 milionë metra kub. Kjo është edhe një dëshmi tjetër e kërkueshmërisë dhe imperativitetit të projekteve të tilla si “Nord Stream” dhe “South Stream”, – tha Aleksei Miller.

Hulumtuesit e kompanisë së konsultimeve WealthInsight përqendruan vëmendjen e tyre në segmentin e të pasurve, pasuria e të cilëve i kalon 30 milonë $.

Në Pekin jetojnë 1318 persona të tillë. Në Shanghai – 2028. Los Anxhelos, një nga qytetet e argëtimit shtrenjtë, nuk arrin të matet dot me asnjërin prej qyteteve të mëdha kineze, duke numëruar 950 super të pasur. 2929 persona me një kapital prej më shumë se 30 milionë $ jetojnë në Nju Jork.

Por vendet e BRICS-it janë duke i arritur në mënyrë aktive vendet e zhvilluara.

Sao Paulo në Brazil numëron 1310 persona super të pasur. Moska u barazua me Chicago-n për nga numri i multimilionerëve – 821, ndërsa Mumbai arriti Dallas-in (577 të pasur).

Gjithsej në vendet anëtare të BRICS-it në fund të vitit 2011rezultonin 1.9 milionë persona super të pasur.

Eksportet serbe janë rritur me 3,4 përqind nga vitin i kaluar. Gjithashtu në lajmet nga biznesi: Qiproja do të shkurtojë pagat e sektorit publik dhe parlamenti i BiH miratoi buxhetin e vitit 2013.

Eksportet serbe pritet të rriten me të paktën 25 përqind në vitin 2013 falë rritjes së shitjeve së makinave dhe produkteve të naftës jashtë vendit, tha ministri i financave Mladjan Dinkiç. Në 10 muajt e parë të këtij viti, eksportet e Serbisë arritën në 7,24 miliardë euro, 3,4 përqind më shumë nga e njëjta periudhë e një viti më parë.

Konfederata e Sipërmarrësve dhe Botës Turke të Biznesit (TÜRKONFED) deklaroi se 14 qytete të Turqisë në total kanë lënë prapa gjigande botërore si Zvicra, Singapori.

Sipas një raporti të përgatitur nga kjo konfederatë (TÜRKONFED) Turqia ka 14 qytete të industrializuara dhe të zhvilluara që konkurrojnë me ekonomitë më të mëdha të botës.

Qytete si Stambolli, Ankaraja, Izmiri, Bursa, Koxhaeli përveçse kontribuojë në produktin kombëtar, me pjesën e madhe të popullsisë që jeton në këto qytete ato janë kthyer edhe në qendra të fuqishme administrative, politike, ekonomike, tregtare, mediatike dhe industriale.

Kurse kontributi i qyteteve Stamboll, Ankara, Bursa, Eskishehir, Bilexhik, Koxhaeli, Sakarja, Bolu, Dyzxhe dhe Jallova në shumë totale të të ardhurave kombëtare arrin deri në 376 miliardë dollarë. Kurse ekonomia e këtyre qyteteve të marra të gjitha së bashku, është më e madhe se sa ekonomia e vendeve më të pasura të botës, si Singapori, Norvegjia dhe Zvicra./trt/kohaislame

Përafërsisht të hyrat nga TVSh-ja nga pikat doganore në kufirin me Serbinë në veri sillen nga 20 deri në 23 milionë euro në vit.

Nëse llogaritet 70 për qind ndarja buxhetore për veriun atëherë kjo i bie afro 15 milionë euro në vit.
Shtatëdhjetë për qind e të TVSH-së, pritet t’u ndahen serbëve, shkruan Kosova Sot.
Për këtë janë marrë vesh kryeministrat e dy vendeve, Kosovës dhe Serbisë, Hashim Thaçi dhe Ivica Daçiq.
Marrëveshja, sipas gazetës, do të hyjë në fuqi pas tre muajsh./Ind/kohaislame

Greqia zë vendin e parë për korrupsion midis 27 shteteve anëtare të BE-së, kjo sipas raportit të organizatës “Transparency International” që është publikuar paraditen e së mërkurës.

Megjithëse vendet e Bashkimit Europian dhe në veçanti ato të Eurozonës ndodhen në një nivel të mirë të transparencës, dmth në një të tretën e parë të listes me shtetet më pak të korruptuara, Greqia përbën një përjashtim duke qenë vendi i vetëm i BE-së që ndodhet në gjysmën e dytë të listës bashkë me shtetet më të korruptuara të botës.

Ajo ka zënë vendin e 94 nga e 80 që ishte vjet, duke u rreshtuar poshtë shteteve më të reja dhe më të varfra anëtare të BE, siç janë Bullgaria dhe Rumania.

Sipas indeksit të perceptimit të korrupsionit në listen prej 176 vendesh Greqia shfaqet të ketë korrupsionin më të madh në sektorin shtetëror nga shtetet e BE-së, të njëjtë me atë të Kolumbisë.

Në komentin që bën e përditëshmja gjermane “Der Spiegel” për listën e shteteve të korruptuara, thekson se në Greqi ka shumë zyrtarë dhe politikanë të korruptuar që blihen, duke e karakterizuar situatën në vend tepër alarmante, ndërsa përmendet se Greqia ndodhet poshtë nivelit të Xhamajkës, Kinës dhe Ruandës.

Sipas analistëve raporti është një tregues se korrupsioni përcakton edhe motorin ekonomik të një vendi, që do të thotë se aty ku ka korrupsion ka edhe probleme ekonomike.

Vendet më pak të korruptuara në botë janë Danimarka,Finlanda dhe Zelanda e Re, ndërsa vlerësohen si kampione të korrupsionit Koreja e Veriut dhe Afganistani.

Raporti është bazuar në statistikat e 13 organizatave ndërkombëtare midis tyre Banka Botërore, Institucione financiare të Azisë dhe Afrikës dhe Forumi Ekonomik Internacional.kohaislame

Në vitin 2011 119.6 milionë banorë të Bashkimit Europian ose 24.2% e popullsisë u gjendën në prag të izolimit social, çka do të thotë se ishin në pragun e varfërisë, përjetonin vështirësi serioze financiare ose kishin një intensitet shumë të ulët të punës, njoftoi të hënën shërbimi statistikor europian Eurostat.

Në vitin 2010 këtë kontigjent e përbënte 23.4% e popullsisë së BE-së, ndërsa në vitin 2008 – 23.5%, njofton Eurostat. Rreziku më i lartë i izolimit ndër 27 vendet e BE- së ekzistonte në Bullgari (49.1% e popullsisë), e ndjekur nga Rumania dhe Letonia me (40%), Lituania (33%), Greqia dhe Hungaria (31%). Më pak ky rrezik ka ekzistuar në Republikën Çeke (15%), Hollandë dhe Suedi (16%), Luksemburg dhe Austri (17%).

Komuna e Prishtinës dhe ajo e Suharekës sivjet kanë përfituar më së shumti grante nga donatorët në nivel vendi. Këto donacione janë përqendruar në shërbimet publike dhe në bujqësi. Përderisa në raportet financiare të Ministrisë së Financave nuk jepen detaje për orientimet e granteve të donatorëve nëpër komuna, burime të “Kohës Ditore” bëjnë të ditur se dy komunat e përmendura kanë përfituar më së shumti nga donatorët.
Drejtues të dy Komunave kanë konfirmuar se janë përfituese të donacioneve disamilionëshe për projekte të ndryshme. Por, vlera e donacioneve që janë dhënë për Komunën e Suharekës rezulton të jetë shumë më e madhe krahasuar me kryeqytetin.
Drejtori i Shërbimeve Publike, në Komunën e Prishtinës, Agim Gashi, tha se sivjet kanë përfituar donacione në vlerë prej afro 2 milionë eurosh për projekte të ndryshme, siç është përfitimi i dhjetë kamionëve për transportin e mbeturinave nga një organizatë japoneze, së bashku me një makineri për ndërrimin e gomave, që kapin vlerën prej mbi një milion eurosh, pastaj është financimi i fushatës së vetëdijesimit për ndarjen e mbeturinave, që po e financon GIZ-i gjerman, i cili po ashtu ka kontribuar edhe me blerjen e shportave të mbeturinave, për të cilin projekt ka dhënë donacione edhe USAID-i amerikan.

Gashi tutje ka pohuar se GIZ-i gjerman, po ashtu ka financuar edhe rregullimin e zyrave të kompanisë “Pastrimi”, si dhe projektin e instalimit të sistemit elektronik të financave dhe kontabilitetit në këtë kompani, i cili ka kushtuar afro 200 mijë euro.

Si projekt tjetër, i përfituar nga donatorët, ai ka përmendur edhe rregullimin e parkut të “Arbërisë” nga Komisioni Evropian, të cilin e ka implementuar IOM-i, si dhe projekti tjetër, mirëmbajtja e varrezave të qytetit dhe rregullimi i oborreve të dy shkollave: “Xhevdet Doda” dhe “Naim Frashëri”- donacion nga Banka Botërore.

Kurse, kryetari i Komunës së Therandës, Blerim Kuqi, i cili ka pohuar se në këto dy vjetët e fundit Komuna që ai drejton ka përfituar 15 milionë euro, të cilat janë implementuar edhe sivjet. “Kemi fituar donacione që kalojnë vlerën prej mbi 15 milionë eurosh, për projekte të filluara para dy vjetësh dhe që janë në proces e sipër të realizimit “, tha Kuqi.

Ai ka saktësuar se donatorët kanë financuar më së shumti projektet në bujqësi dhe donatori më i madh në këtë komunë, sipas tij, është ADA (Agjencia për Zhvillim e Austrisë), e cila ka dhënë së paku 3 milionë euro në projektet e kësaj fushe. “Pastaj kemi projekte të financuara nga Komisioni Evropian, USAID-i, Banka Gjermane për Zhvillim, etj”, ka theksuar Kuqi.

Një pjesë e këtyre mjeteve të donatorëve janë investuar në ujësjellës, dhe shumica prej tyre në bujqësi, ka bërë të ditur ai. “Në politika zhvillimore janë investuar shumë pak, përveç bujqësisë, e cila megjithatë është një sektor tepër me interes për komunën, dhe këto investime i duhen këtij sektori”, është shprehur Kuqi. /Koha Ditore