Presidenti i Pakistanit, Asif Ali Zardari, nis sot vizitën dyditore në Iran.

Ai do të takojë homologun e këtij vendi, Mahmud Ahmadinejad, me të cilin do të nënshkruajë marrëveshje për ndërtimin e tubacionit të gazit, i cili do ta çojë gazin iranian në Pakistan.

Teherani i ofron Islamabadit shitjen e 21.5 milionë metrave kubë gaz në ditë, si dhe kredi prej 500 milionë dollarësh për ndërtimin e seksionit të tubacionit në Pakistan.

Rafineria e naftës pritet të ketë kapacitet për të përpunuar rreth 400,000 fuçi në ditë.

Projektet kanë pasur problem me tërheqjen e investitorëve për shkak të kundërshtimeve të Shteteve të Bashkuara të Amerikës.

Qumështi i cili prodhohet në Kosovë është i sigurt për konsum, kështu kanë dalë mostrat e marra në katër prodhues vendorë. Rezultatet kanë treguar se alfatoksina ka dalë të jetë negative. Burime të gazetës “Zëri” brenda Agjencisë së Ushqimit dhe Veterinës të Kosovës (AUVK) bëjnë të ditur se qumështi dhe produktet e qumështit që prodhohen në Kosovë janë të sigurta për konsum.
“Analizat janë marrë te katër prodhues dhe në të gjitha mostrat alfatoksina ka dalë të jetë në bazë të parametrave të lejuar në Kosovë. Kështu që konsumi i prodhimeve vendore është tejet i sigurt”, tha burimi i besueshëm i gazetës brenda AUVK-së.

Sipas këtij burimi, inspektorët e AUVK-së kanë marrë mostrat e të gjithë prodhuesve vendorë, por edhe te të gjitha kompanitë që kanë importuar qumësht në vendin tonë, por sipas tij, një pjesë e analizave ende nuk janë të gatshme.

Në anën tjetër, zyrtarë të AUVK-së bëjnë të ditur se inspektorët e AVUK-ut vazhdojnë të mbajnë të bllokuara nëpër pikat kufitare, por edhe nëpër depo të kompanive private më shumë se 300 mijë litra qumësht me përmbajtje kancerogjene.

Zëdhënësi i AUVK-së Lamir Thaçi thotë se aktualisht në fuqi është vendimi i AUVK-së për të larguar nga tregu qumështin “Meggle“ me 3.2 për qind yndyrë me datë të skadimit 23.06.2013, e që ka origjinë nga Bosnjë dhe Hercegovina, qumësht “Fast“ me 3.5 për qind yndyrë me datë skadimi 03.06.2013 me origjinë nga Shqipëria, qumështi “Primalat” 3.8 për qind yndyrë me origjinë nga Shqipëria, me datë të skadimit 05.08.2013, qumësht “Primalat” me 1.5 për qind yndyrë me datë të skadimit 10.03.2013, qumësht “Primalat” me 1.6 për qind yndyrë me datë të skadimit 04.04.2013, si dhe qumështi “Primalat” me 3,5 për qind yndyrë e më datë të skadimit 01.08.2013. Sipas zyrtarëve të AUVK-së, nga tregu është hequr edhe qumështi “Zott” me 3.5 për qind yndyrë e me datë skadimi 10.06.2013 me origjinë nga Bosnja dhe Hercegovina.

Po ashtu AUVK ka hequr nga tregu edhe qumështin ”Dukat” me 2.8 për qind yndyrë me datë skadimi 12.05.2013, si dhe të gjitha seritë e qumështit “Dukat” për kafe me 3.8 për qind yndyrë. Thaçi thotë se AUVK-ja ka bërë analiza edhe të të gjitha llojeve të qumështit që importohen në Kosovë, por sipas tij deri më tash analizat nuk kanë përfunduar. “Inspektoret e AUVK-së janë në gatishmëri 24 orë dhe ata nuk lejojnë që në vendin tonë të futet qoftë një litër qumështit i dyshimtë”, tha ai. /Zëri/T

Nga 9,449 biznese sa janë regjistruar vitin e kaluar, mbi 1,100 biznese janë mbyllur, bëjnë të ditur zyrtarë të Ministrisë se Tregtisë dhe Industrisë, ndërsa arsyet e mbylljes, sipas tyre, janë vullnetare.

Një nga bizneset shërbyese që tashmë ka falimentuara, është një dyqan i floktarisë në Prishtinë. Fadil Mahmuti ka qenë pronar i këtij dyqani dhe me mjetet e fituara, është kujdesuar për familjen e tij gjashtë-anëtarëshe.

Ai tregon se ngarkesat e larta tatimore e kanë detyruar të çregjistrojë biznesin e tij, pasi thotë se më shumë është dashur të paguajë obligime, sesa që ka fituar.

“Obligimet, tatimet. Zanatlinjtë e kanë 9 për qind, ndërsa ëmbëltoret e kanë 3 për qind. Çfarë dallimi, ëmbëltorja i shet 200 kafe, unë i bëj 12 euro në ditë, ndërsa paguaj nëntë për qind, ndërsa zanatet tjera 3 për qind”, shprehet Fadil Mahumti.

Që nga viti 2000 e deri më tani, në Ministrinë e Tregtisë dhe Industrisë, janë regjistruar 120 575 biznese.

Po sipas të dhënave zyrtare, në nëntëmujorin e vitit 2011, janë shuar 934 ndërmarrje, ndërsa në vitin 2010 kanë falimentuar 1400.

Por, njohës të çështjeve ekonomike shpjegojnë se kamatat e larta të kredive, ekonomia joligjore, mungesa e një angazhimi më serioz të autoriteteve kompetente karshi sektorit privat, janë disa nga arsyet e shuarjes së bizneseve.

Naser Grajçevci vlerëson se numri prej mbi 1100 bizneseve të shuara është shumë i lartë, krahasuar me numrin e bizneseve aktive në vend. Kjo, sipas tij, paraqet ambientin e pavolitshëm të të bërit në biznesit në Kosovë.

Ai, gjithashtu, konsideron se numri më i madh i bizneseve që mbyllen janë biznese të vogla, pasi, siç shprehet ai, kompanitë e mëdha po gllabërojnë bizneset e vogla dhe po humbin arsyeshmërinë e ekzistimit të tyre.

“Konkurrenca jolegale që bëhet dhe prapë kjo konkurrencë në të shumtën e rasteve është pasojë e funksionimit jo të mirë të institucioneve kryesore që kanë për qëllim të mbrojnë këtë konkurrencë”.

“Është përvoja, bizneset e vogla ballafaqohen me mungesë të përvojës. Por, ajo që ka qenë numër një në këto vitet e pasluftës, është mungesa e përkrahjes financiare dhe klimës jo të favorshme kreditore që kemi në Kosovë”, thekson Grajçevci për Radion Evropa e Lirë.

Edhe përfaqësues të komunitetit të biznesit, theksojnë se politikat jo të favorshme për zhvillimin e sektorit privat, ekonomia joligjore dhe sistemi bankar, paraqesin si pengesa kryesore që çojnë drejt falimentimit të bizneseve në vend.

Aleanca Kosovare e Biznesit, vitin e kaluar ka bërë një analizë, për ndikimin e normave të interesit për kredi te ndërmarrjet private, thotë Agim Shahini, udhëheqës i këtij asociacioni.

“Arsye e tretë është interesi i lartë bankar, i cili sipas një hulumtimi që ka bërë AKB-ja, para një viti, rezulton se arsye e tretë, që ndikon në falimentimin e bizneseve, është mos përmbushja e detyrimeve ndaj bankave komerciale”.

“Kjo i detyron bizneset të falimentojnë. Prandaj gjithë kjo klimë jo e favorshme për rritjen e bizneseve të vogla dhe atyre mikro, që këto ndërmarrje dominojnë në Kosovë, kanë nevojë për mbështetje, për politika të mira, për kredi me afat më të gjatë dhe me interes më të ulët. Dhe, në këtë formë do të rritet mënyra e konkurrencës së drejtë, por edhe bizneset do ta marrin vetë veten”, vlerëson Shahini.

Ndryshe, në raportin e fundit të Bankës Botërore, Kosova është radhitur më mirë në fushën e të bërit biznes.

Madje, Ministria e Tregtisë dhe Industrisë, ka bërë shumë reforma në lehtësimin e procedurave në këtë fushë.

Por, Naser Grajçevci, dikur drejtor në Agjencinë për Ndërmarrjet e Vogla dhe të Mesme në Ministrinë e Tregtisë dhe Industrisë, thotë se Banka Botërore ka 10 fusha ku e mat të bërit biznes në vende të ndryshme të botës, por ato fusha, sipas tij, janë shumë formale.

Shumë gjëra, thotë ai, ndryshojnë në mes asaj që shkruhet dhe asaj që realizohet në praktikë:

“Edhe tash ne kur radhitemi shumë më mirë se herët tjera, në aspektin e promovimit biznesor për investitorët e huaj, mund të jetë shumë pozitive, por ambienti i biznesor, i cili është për një analizë shumë të thellë, sesa në këtë formën sipërfaqësore, mund të themi se është shumë larg për të dëshiruar”.

“Investitorët e huaj vijnë këtu dhe ballafaqohen me shumë pengesa, qoftë pengesa burokratike, abuzive, elemente korruptive dhe në këtë mënyrë, ata detyrohen të ikin nga ky vend, i cili ka shumë nevojë për investime”.

Ndryshe, për krijimin e një ndërmarrjeje të re dhe për vazhdimin e suksesit, Naser Grajçevci shprehet se në rend të parë duhet hartohet plani i biznesit.

Pa e krijuar këtë plan të detajuar, thotë ai, është e sigurt se bizneset janë më pranë dështimit se sa arritjes së suksesit.

Qeveria e Kosovës ka vendosur të marrë borxh nga buxheti i vitit 2013, për t’i mbuluar obligimet e pashlyera financiare të bartura nga viti 2012. Pavarësisht kësaj, ekzekutivi nuk e di saktë vlerën e borxheve që duhet paguar për vitin e kaluar, ani pse u ka dhënë urdhër zyrtarëve të Ministrisë së Financave që t’i kryejnë këto obligime.

Në një vendim të datës 30 janar, ekzekutivi i ka kërkuar kësaj ministrie mjete shtesë për mbulimin e borxheve të bartura për investime kapitale. E zyrtarë të Ministrisë së Financave nuk kanë pranuar ta bëjnë publike borxhin e bartur.

Në vendimin e Qeverisë thuhet se mjetet duhet të merren nga linja buxhetore për investimet kapitale të planifikuara për këtë vit.

“Aprovohen ndryshimet për përmbushjen e obligimeve të pakryera financiare nga vitit paraprak për projekte kapitale shumëvjeçare në bazë të nenin 7 të Ligjit për Buxhetin e Republikës së Kosovës për vitin 2013, ‘ në Tabelën 3.2 Projektet kapitale për vitin 2013”, thuhet në vendimin e Qeverisë në mbledhjen e mbajtur në fund të janarit.

Këtë veprim të Qeverisë, përfaqësuesit e institucioneve që “monitorojnë” lëvizjet financiare të shtetit, e konsiderojnë të papranueshëm meqë i njëjti vendim ngrejë shqetësime mbi trendin në rritje të borxheve të bartura të Qeverisë nga viti në vit.

Ali Sadrija, kryetar i Komisionit Parlamentar për Mbikëqyrjen e Financave Publike, gjatë një interviste të dhënë për gazetën, ka thënë se viteve të fundit është në rritje dukuria e Qeverisë për bartjen e borxheve nga vitit në vit.

“Në vitet e fundit e kemi një dukuri të cilën po e përjetoj me shqetësim. Në vitin 2009 i kemi pasur 4 milionë euro borxhe të bartura, vitin 2010 i kemi 28 milionë, vitin 2011, 40 milionë euro. Nëse vazhdon kështu, sipas kësaj logjike këtë vit do të jenë 80 deri 90 milionë euro borxhe të bartura, që tregon se institucionet u kanë hyrë obligimeve pa mbulesë financiare”, ka thënë gjatë intervistës, deputeti Ali Sadrija.

Në cilësinë e kryetarit të Komisionit Parlamentar për Mbikëqyrjen e Financave Publike, Sadrija është shprehur se njëri prej rasteve konkrete që dëshmon tendencën e Qeverisë për rritjen e borxheve të paplanifikuara, është ajo për çështjen e pajisjes së nxënësve me libra shkollorë.

“Ministria e Arsimit nga viti në vit ka pasur investime pa mbulesë.

Është fjala për projektet për tekste shkollore, ku Ministria hyn me projeksion prej 500 mijë eurosh dhe realizon investim prej 7 milionë e 500 mijë deri në 8 milionë e 500 mijë euro. Këso raste ka edhe në institucionet e tjera”, ka thënë Sadrija.

Sipas tij, Kosova duhet t’i ketë parasysh raportet me institucionet financiare ndërkombëtare, por edhe mangësitë në sigurimin e rezervave financiare.

Mbi vlerat financiare të borxheve të bartura nga vitit 2012 nuk është ofruar përgjigje nga Ministria e Financave.

Menderes Ibra, këshilltar për media në këtë ministri, në vend se të japë përgjigje për borxhin e bartur, ka kërkuar sqarime për publikimin e artikujve, të cilët gazeta është duke i trajtuar. Në përgjigjen zyrtare, Ibra ka thënë se përgatitja e përgjigjeve të tilla kërkon edhe kohë, edhe angazhim të stafit, dhe se të njëjtët zyrtarë komunikojnë edhe me dhjetëra mediume të tjera në vend./koha/kohaislame

Alpet shqiptare renditen mes 12 destinacioneve të zgjedhura turistike për vitin 2013, nga një prej organizatave më të njohura botërore të turizimit, “World Travel and Tourism Council”. Turizmi malor shqiptar ende i paeksploruar ka sjellë në Tiranë përfaqësuesit e kësaj organizate, të cilët kanë diskutuar rreth projektit “Majat e Ballkanit” me ministrin e Turizmit, Aldo Bumëin.

Kjo organizate i ka perfshire Alpet shqiptare në një konkurs botëror për destinacionin më të bukur turistik, në të cilin marrin pjesë 46 shtete të tjerë nga 6 kontinente.

Zonat turistike të Alpeve, pjesë e këtij projekti janë Thethi,Valbona, Rragami, Çeremi si dhe Bjeshkët e Doberdolit.

Mbështetja fillestare për këtë projekt është dhënë nga Ministria Gjermane për Bashkëpunim Ekonomik dhe Zhvillim. Shtegu “Majat e Ballkanit” konkurron për kategorinë e menaxhimit të destinacionit. Fituesi do të shpallet në samitin global të Ëorld Travel& Tourism Counsil, i cili do të mbahet në prill në AbuDhabi./koha/kohaislame

Në Kosovë që nga viti 2000 janë regjistruar më shumë se 120 mijë biznese, por numri i atyre që paguajnë tatime në arkën e shtetit nuk e tejkalon as 50 mijë biznese. Ekspertë të ekonomisë thonë se në vend janë krijuar shumë biznese fiktive, pasi nëpërmjet kësaj forme synohet ikja nga pagesa e tatimeve.
Zëdhënësja e Ministrisë së Tregtisë (MTI), Arta Istrefi ka thënë për Telegrafin se që nga vitit 2000 në Kosovë janë të regjistruar mbi 120 mijë biznese. “Sipas statistikave të agjencisë për Regjistrimeve të Bizneseve e cila funksionon në kuadër të MTI-së, numri total i bizneseve ne Kosovë është 120.570”, tha Istrefi për Telegrafin.

Sipas saj, numrin më të madh të bizneseve të regjistruar në Agjencinë për regjistrimin e Bizneseve në Kosovë (ARBK), janë bizneset individuale.

“Sipas statistikave 106858 biznese janë individuale, ortakëri e përgjithshme 3440, ortakëri e Kufizuar 86, shoqëri me përgjegjësi të kufizuar 9060, shoqëri aksionare, 391, kompani të huaja 599, ndërmarrje shoqërore 23, ndërmarrje publike 10, kooperativa bujqësore 76 kurse nënë Juridiksionin e Agjencisë Kosovare të Privatizimit, janë 33 biznese”, ka treguar zëdhënësja e MTI-së Arta Istrefi.

Pavarësisht statistikave të MTI-së për numër kaq të madh të bizneseve të regjistruara, në Administratën tatimore të Kosovës (ATK), thonë se numri i bizneseve të cilët kanë paguar tatime gjatë vitit të kaluar ka qenë vetë rreth 50 mijë biznese.

Zëdhënësja e ATK-së, Valentina Bytyçi – Sefa ka treguar për Telegrafin se gjatë vitit të kaluar në Kosovë kanë paguar tatimet më pak se 50 mijë biznese, me një shumë rreth 284 mijë euro. “Vitin 2012, kanë deklaruar dhe paguar tatimet rreth 50.000 tatimpagues dhe shuma e mbledhura është 283.9 milionë euro”, ka thënë ajo.

Bytyçi – Sefa tha se shuma e pagesave që kryej tatimpaguesit në bazë të periudhave, varet prej statusit që kanë ato.

E ekspertë të ekonomisë thonë se numri kanë i madh i bizneseve është edhe për shkak se pronarët e tyre mundohen tu ikin tatimeve nga krijimi i bizneseve të reja. Po ashtu sipas tyre edhe shpresa për afarizëm mbanë numrin kaq të madh të bizneseve.

Sekretari i Odës Ekonomike të Kosovës (OEK), Berat Rukiqi ka deklaruar për Telegrafin se numri kaq i madh i bizneseve në Kosovë është për shkak se sistemi i regjistrimit të bizneseve nuk është aq i përparuar.

“Sistemi i regjistrimit të bizneseve në Kosovë na ka krijuar shuam biznese fiktive pasi nuk ka pasur mundësin të llogariten bizneset të cilat kanë falimentuar apo nuk kanë funksionuar”, ka thënë Rukiqi.

Por ai, vlerëson se pas pajisjes me numra fiskal ka mundësuar të identifikohet saktë numri i bizneseve.

Ndërkaq, njohësi i çështjeve ekonomike Alejtin Berisha thotë për Telegrafin se regjistrimi kaq i madh i bizneseve dhe mos funksionimi i tyre, bëhet më shumë për t’u ikur pagesës së taksave. “Njerëzit hapin biznese por nuk kanë aktivitete, ata shpresojnë se në të ardhmen do të kenë ndonjë aktivitet”, thotë Berisha.

Ai rekomandon që të përmirësohet sistemi i regjistrimit të bizneseve. “Duhet të përmirësohet edhe sistemi i regjistrimit të bizneseve. Në disa vende të botës kur nuk është biznesi aktiv atëherë paralajmërohet personi se a donë të vazhdojë me biznes apo ta çregjistrojë”, thekson Aljetin Berisha nga Kolegji Universum. /Telegrafi/

Alpet shqiptare renditen mes 12 destinacioneve të zgjedhura turistike për vitin 2013, nga një prej organizatave më të njohura botërore të turizimit, “World Travel and Tourism Council”.

Turizmi malor shqiptar ende i paeksploruar ka sjellë në Tiranë përfaqësuesit e kësaj organizate, të cilët kanë diskutuar rreth projektit “Majat e Ballkanit” me ministrin e Turizmit, Aldo Bumçin.

Kjo organizate i ka perfshire Alpet shqiptare në një konkurs botëror për destinacionin më të bukur turistik, në të cilin marrin pjesë 46 shtete të tjerë nga 6 kontinente.

Zonat turistike te Alpeve, pjesë e këtij projekti janë Thethi,Valbona, Rragami, Çeremi si dhe Bjeshkët e Doberdolit.

Mbështetja fillestare për këtë projekt është dhënë nga Ministria Gjermane për Bashkëpunim Ekonomik dhe Zhvillim. Shtegu “Majat e Ballkanit” konkurron për kategorinë e menaxhimit të destinacionit.

Fituesi do të shpallet në samitin global të World Travel& Tourism Counsil, i cili do të mbahet në prill në AbuDhabi.kohaislame

Në vigjilje të pesë vjetorit të pavarësisë së Kosovës, ekspertë të çështjeve ekonomike në Prishtinë flasin për të arriturat dhe ngecjet në ekonominë e Kosovës. Sipas tyre, lista e ngecjeve në ekonomi vazhdon t’i prijë listës së sukseseve që mund t’i ketë një shtet i pavarur.

Edhe pas pesë vjetësh, ata thonë se ekonomia e Kosovës ka nivel të ultë të zhvillimit dhe me një problem të madh, siç është papunësia, në shkallë prej 44.9 për qind.

Një problem tjetër që e ka përcjellë Kosovën, ata e theksojnë edhe deficitin e lartë tregtar. Sipas të dhënave zyrtare, shkëmbimet tregtare në arrijnë vlerën mbi 2 miliardë euro në vit, ku kontributi i eksporteve në volumin tregtar është shumë i ultë, rreth 200 milionë euro në vit, kurse importi kalon shifrën e mbi 1 miliard euro.

Ndërkaq, si e arritur gjatë këtyre pesë vjetëve, vlerësohet të jetë anëtarësimi i Kosovës në mekanizmat financiarë ndërkombëtarë, siç është Fondi Monetarë Ndërkombëtar, Banka Botërore dhe anëtarësimi në Bankën Evropianë për Rindërtim dhe Zhvillim (BERZH).

Ky anëtarësim në këta mekanizma financiarë ndërkombëtarë, sipas ekspertëve të ekonomisë, ka mundësuar internacionalizmin e integrimit ekonomik.

Drejtori i Institutit “Riinvest”, Lumir Abdixhiku, duke i bërë një përmbledhje ekonomisë së Kosovës gjatë këtyre viteve, vlerëson se është shënuar një ecje e ngadalshme progresive dhe pamjaftueshme për nevojat zhvillimore ekonomike të vendit.

“Nëse do të bëja një përmbledhje të zhvillimit të ekonomisë së Kosovës gjatë këtyre viteve, atëherë do të thosha se vendi ynë ka bërë një shënim mjaft të ngadalshëm progresiv. Pra, në një farë rrethane mjaft të vështirë ekonomike ne kemi arritur të mbajmë një status quo të ecjes sonë larg çdo nevoje dhe larg çdo parashikimi apo pritjeje që kemi pasur në vitin 2008”, bën të ditur për Radion Evropa e Lirë, Abdixhiku.

Politikat ekonomike, gjatë këtyre viteve, sipas Abdixhikut, nuk kanë adresuar problemet ekonomike thelbësore që ka pasur Kosova dhe në këtë mënyrë shteti ka humbur shumë gjasa për të bërë një rigjenerim ekonomik çfarë është pritur në vitin 2008.

Investimet e huaja shënuan rënie

Shkalla e lartë e korrupsionit, po ashtu gjatë këtyre viteve, vlerësojnë ekspertët, ka pasur ndikime negative në ekonomi e në veçanti tek investitorët e huaj të cilët kishin hezituar që kapitalin e tyre ta shtrijnë në Kosovë.

Sipas raporteve të Bankës Qendrore të Kosovës këto investime kishin shënuar rënie nga viti në vit.

Që nga viti 2008 kur Kosova ishte shpallur shtet i pavarur deri në fund të vitit 2012 investimet e huaja në Kosovë kapin shifrën prej mbi 1 miliardë euro.

Sektori privat, i cili ishte konsideruar si element i fuqishëm për zhvillim ekonomik të Kosovës po ashtu vlerësohet se nuk ka pasur përkrahje institucione dhe ambient të favorshëm afarist.

Sekretari i Odës Ekonomike të Kosovës, Berat Rukiqi thotë për Radion Evropa e Lirë se edhe pas pesë vjetësh, bizneset në Kosovë kanë probleme të mëdha për të zhvilluar veprimtarinë e tyre. Rukiqi bën një krahasim të zhvillimit të sektorit privat të Kosovës më atë të vendeve të rajonit.

Sipas tij, derisa vendet e rajonit kanë krijuar politika më të mira për bizneset private në Kosovë nuk janë bërë hapa të tillë.

“Duke pasur parsh që sektori privat, së paku është proklamuar edhe nga ana e institucione, se është bartës i zhvillimit ekonomik, ne mendojmë se nuk është bërë sa duhet për zhvillimin e sektorit privat. Mendojë se kjo çështje duhet të kthehet si prioritet në punë dhe jo vetëm në dokumente”, thotë Rukiqi.

Reformave fiskale të cilat do të duhej të bëheshin nga institucionet e Kosovës, sipas Rukiqit nuk janë bërë. Derisa siç thotë ai, disa barriera tregtare nuk kanë arritur të eliminohen gjatë këtyre viteve.

“E para, duhet të ketë forcim të sundimit të ligjit që është një problem permanent edhe për sektorin privat. E dyta ndoshta duhet të mendohet edhe në aspekte buxhetore të ketë një përkrahje për zhvillimin e infrastrukturës që përkrah sektorin privat . Do të duhej që nga konkurrenca e padrejtë më vendet e rajonit të ketë masa të duhura që e mbron prodhuesin tonë nga konkurrenca e padrejtë”, shton Rukiqi.

Forcimi i ligjit edhe sipas ekspertit të çështjeve ekonomike Lumir Abdixhiku duhet të jetë njëra nga angazhimet e institucioneve të Kosovës.

“Ta bëjnë atë që nuk e kanë bërë në pesë vitet e kaluara e që është forcimi i rendit dhe ligjit. Pra, Kosova duhet t’i forcojë gjykatat e veta duhet të krijojë një ambient të sigurt për bizneset e brendshme dhe të huaja. Ne nuk kemi një ambient të sigurt përkundrazi  kemi një ambient të qarë i cili vazhdimisht prodhon skandale korruptive. Ne duhet të bëjmë një ndërrim radikal të paradigmës sonë ekonomike në shfrytëzimin e parasë publike”, thekson ai.

Sidoqoftë, përfaqësues të Qeverisë së Kosovës vazhdimisht kishin folur për të arritur të mëdha në ekonominë e Kosovës dhe përmirësim të dukshëm në gjendjen ekonomike dhe sociale të qytetarëve./rel

Ministria e Ekonomisë Tregtisë dhe Energjetikës të Shqipërisë, ka nënshkruar me shoqërinë “Kurum International” sha, marrëveshjet përkatëse për blerjen e aksioneve të shoqërive “HEC Bistrica 1 dhe Bistrica 2” sha dhe “HEC Ulëz Shkopet” sha.Marrëveshja është mbyllur pas miratimit të ofertës nga Këshilli i Ministrave për blerjen e 100 për qind të aksioneve të katër HEC-ve.
Që marrëveshja të marrë formën e prerë, ajo tashmë pritet të miratohet nga qeveria dhe parlamenti, transmeton Shekulli online.
“Kurum International” ofroi 109.5 milionë euro për HEC-et, përkatësisht 52 milionë euro për HEC Bistrica 1 dhe Bistrica 2”, dhe 57.5 milionë euro për HEC, Ulëz – Shkopet./IO