Amazon tani ka filluar kryerjen e dërgesave me dron në Kaliforni dhe Teksas me qëllim që përfundimisht të dërgojë paketat në shtëpitë e klientëve brenda një ore. Shërbimi i dërgesave me dron i Amazon, Amazon Prime Air, dorëzoi tashmë një numër të vogël paketash përmes dronit në oborret e klientëve në Kaliforni dhe College Station, Teksas.
“Ne po fillojmë në këto komunitete dhe gradualisht do të zgjerojmë dërgesat për më shumë klientë me kalimin e kohës”, tha zëdhënësja e Amazon Air, Natalie Banke. Qyteti rural i Lockeford, Kaliforni, ndodhet 80 kilometra në juglindje të Sacramento-s dhe ka vetëm rreth 3,500 banorë, ndërsa College Station, Teksas, është një qytet me madhësi mesatare 160 kilometra në veriperëndim të Houston që është shtëpia e Teksasit A&M.
Dronët përdorin algoritme për të identifikuar çdo objekt statik si oxhaqet ose pengesat lëvizëse si avionët e tjerë, ndërsa fluturojnë në vendin e dorëzimit. Nëse identifikohen pengesa, dronët do të ndryshojnë automatikisht kursin për t’i shmangur ato në mënyrë të sigurt. Ata gjithashtu do të sigurojnë që të ketë një zonë të vogël rreth vendndodhjes së dorëzimit që është e pastër nga çdo person, kafshë ose pengesa të tjera.
Amazon do të zgjerojë gradualisht dërgesat me dron për më shumë klientë.
/Motilokal.com
