Shqiptarët shpenzuan 80 milionë euro në bixhoz gjatë vitit 2021

Vitin e shkuar shqiptarët kanë luajtur 80 milionë euro në kazino.

Të dhënat zyrtare tregojnë se vetëm në tregun e lejuar të bixhozit: kazino elektronike, tavolina rulete, lojëra me zare dhe letra, xhiroja u rrit 4 herë më shumë se në 2020-n dhe dy herë më shumë se në vitin 2019.

Në këto vite ka operuar vetëm 1 kazino e licencuar, nga 4 që janë sot.

Shteti i Shqipërisë ka rritur me 200% të ardhurat nga taksat e lojërave të fatit.

Në vitin 2020 të ardhurat nga bixhozi ishin 6 milionë euro dhe arritën në 12.6 milionë euro në fund të vitit që lamë pas.

Nga 80 milionë euro që kanë shpenzuar në kazino, shqiptarët kanë fituar 3 milionë euro, vetëm 3.75% të parave të luajtura.

Përveç tregut të lejuar të kazinove, në Shqipëri lulëzon edhe ai informal i basteve sportive.

Të dhënat e Prokurorisë së Përgjithshme tregojnë se në 2021-n policia ka zbuluar 70% më shumë raste të zhvillimit të lojërave të fatit të palejuara. /Euronews/

Artikulli paraprakUrdhërimi për punë dhe fitim të mirë.
Artikulli tjetërDonacionet për bamirësi gjatë Ramazanit kalojnë shifrën e 2 miliardëve