Sadakaja dhe shpenzimi në rrugë bamirëse për njeriun është shpëtim nga ndëshkimi dhe lirim nga zjarri. Ka ardhur në një hadith të të Dërguarit të Allahut, lavdërimi dhe paqja e Allahut qofshin për të, ku përcjellë se Allahu e porositi Jahjanë, alejhi selam, me pesë gjëra që të vepronte me to dhe t’i porosiste bijtë e Israilit që t’i zbatonin ato:
“(Ndër tjerash) Ju porosis të jepni sadaka dhe shembulli i saj është si shembulli i atij që armiku e zë rob dhe e marrin ta vrasin, e ai u thotë: “E flijoj pasurinë time, të voglën dhe të madhen, për lirinë time dhe kështu e liron veten prej tyre. ”
Argumentet të cilat qartësojnë se sadakaja është mburojë për njeriun dhe perde mes tij dhe ndëshkimit janë të shumta, e ndër to:
Ebu Hurejra, Allahu qoftë i kënaqur prej tij, përcjell hadithin ku në të vërtetohet begatimi dhe ndëshkimi në varr dhe në të përfshihet edhe lajmërimi i të Dërguarit të Allahut, lavdërimi dhe paqja e Allahut qofshin për të, se sadakaja dhe veprat me karakter bamirës e largojnë ndëshkimin në varr për njeriun:
“Kur i vdekuri varroset, ai i dëgjon nallanet e njerëzve kur largohen prej tij. Nëse ka qenë besimtar, namazi do t’i qëndrojë te koka e tij, agjërimi në anën e tij të djathtë, zeqati në anën e tij të majtë, veprat me karakter bamirës si sadakaja dhe vizita e farefisit, mirësia dhe bamirësia ndaj njerëzve te këmbët e tij. Dënimi do 17 vijë nga ana e kokës dhe namazi do të thotë: “Kah ana ime nuk ka hyrjepër ty ”. Pastaj shkon kah ana e djathtë dhe agjërimi thotë: “Kah ana ime nuk ka hyrje për ty”. Pastaj shkon kah ana e majtë dhe zeqati thotë: “Kah ana ime nuk ka hyrje për ty”. Pastaj vjen kah këmbët dhe veprat e mira prej sadakasë, vizitës, mirësia dhe bamirësia thonë: “Kah ana ime nuk ka hyrje për ty. ”
Në mesin e atyre haditheve ka edhe hadithe që përmbajnë kërcënim për pronarët e pasurive, siç është fjala e të Dërguarit të Allahut, lavdërimi dhe paqja e Allahut qofshin për të, i cili tha:
“U shkatërruan ata që e tubojnë pasurinë, përveç atyre që thonë kështu dhe kështu dhe kështu, e tha tri herë, pastaj me dy duart hodhi pluhur në të djathtën dhe në të majtën dhe para vetes dhe sa pak që janë në numër ata. ” Me një transmetim tjetër:
“Mjerë për ata që e tubojnë pasurinë e tyre.”
Po ashtu i Dërguari i Allahut, lavdërimi dhe paqja e Allahut qofshin për të, tha:
Kush e liron një skllav mysliman, për çdo organ të liruar të tij, do të lirohet nga zjarri i xhehenemit edhe çdo organ i atij që e liroi atë skllav.”
Po ashtu përcjell Ebu Seid El-Hudrij, Allahu qoftë i kënaqur prej tij, një hadith prej të Dërguarit të Allahut, lavdërimi dhe paqja e Allahut qofshin për të:
”0 ju gra, shpeshtoni dhënien e sadakasë, unë ju pashë se ishit më shumë në numër prej banorëve të xhehenemit. I thanë: “E përse, o i Dërguar i Allahut?!” U përgjigj: “Për shkakse ju mallkoni shumë dhe i mohoni të mirat e burrit. ”
Ibën Haxheri, Allahu e mëshiroftë, në komentin e hadithit tha:
“Kjo është argument se sadakaja e largon ndëshkimin dhe mund të jetë shkak për shlyerjen e mëkateve.”
Imam Esh-Sheukani, Allahu e mëshiroftë, kur i numëroi dobitë e hadithit ndër to e ceku se sadakaja është një prej shkaqeve që mbron nga ndëshkimi dhe këtë hadith e qartësoi duke lajmëruar se gratë janë në numër më të madh në xhehenem për shkak të mohimit të begative dhe gjërave të tjera.”
I Dërguari i Allahut, lavdërimi dhe paqja e AHahut qofshin për të, e inkurajonte umetin e tij që sadakanë, edhe nëse ajo është pak, ta marrin si mburojë mes tyre dhe zjarrit të xhehenemit. Në hadithin që e përcjell Adij ibën Hatim, Allahu qoftë i kënaqur prej tij, i Dërguari i Allahut, lavdërimi dhe paqja e Allahut qofshin për të, tha:
Nuk ka njeri prej jush e që Zoti i tij të mos i flet (Ditën e Kiametit) edhe atë pa përkthyes. Njeriu shikon në të djathtën e tij dhe nuk e sheh përveçse atë që e punoi, shikon në majtën e tij dhe nuk e sheh përveçse atë që e punoi, shikon para vetes dhe nuk sheh përveçse zjarrin para jytyrës së tij, andaj kini frikë nga zjarri qoftë ajo edhe me gjysmë hurme. ”
Në një transmetim tjetër:
“Kush mundet prej jush të mbrohet nga zjarri, qoftë ajo edhe me gjysmë hurme, le ta veprojë atë. ”
Në një transmetim tjetër i Dërguari i Allahut, lavdërimi dhe paqja e Allahut qofshin për të, tha:
“Krijoni mes jush dhe zjarrit mburojë qoftë ajo edhe me gjysmë hurme. ”
Në një rast përcillet se i Dërguari i Allahut, lavdërimi dhe paqja e Allahut qofshin për të, e porositi Aishen, Allahu qoftë i kënaqur prej saj, duke i thënë:
“Aishe, ruaje veten nga zjarri qoftë edhe me gjysmë hurme, sepse kjo gjysmë hurme i ndihmon më shumë të uriturit sesa të ngopurit. ”
Gjurmët e sadakasë dhe shpenzimit nuk përkufizohen vetëm me largimin e ndëshkimit në varr dhe zjarrit të xhehenemit, po ajo është edhe një prej shkaqeve që e largojnë frikën dhe pikëllimin prej njeriut dhe nëpërmjet saj arrihet deri te siguria dhe është rrugë prej rrugëve madhështore që e fusin njeriun në xhenet.
Allahu thotë:
“Ata që japin nga pasuria e tyre natën dhe ditën, fshehurazi dhe haptazi, do të kenë shpërblim te Zoti i tyre, ata nuk do të kenë pse të frikësohen apo pikëllohen.” (El-Bekare: 274)
Kjo përfshin të gjitha shpenzimet në rrugë të Allahut dhe të gjitha rrugët që me to është i kënaqur Allahu, pavarësisht se a shpenzohen për fukara apo për ta ngritur dhe ndihmuar këtë fe, dhe kjo i përfshin të gjithë kohët dhe situatat.
Po ashtu thotë:
“Nxitoni drejt faljes së gjynaheve nga Zoti juaj dhe xhenetit, hapësira e të cilit është sa qiejt e Toka dhe që është përgatitur për të devotshmit, të cilët japin lëmoshë edhe kur janë në mirëqenie, edhe kur janë në vështirësL” (Ali Imran: 133-134)
Allahu në ajet e bëri të dukshme cilësinë e banorëve të xhenetit dhe qartësoi se një prej cilësive më madhështore që i fut në xhenet është se ata shpenzojnë në atë që e do Allahu dhe janë bamirës ndaj njerëzve.
Prej haditheve që aludojnë se sadakaja është një prej shkaqeve të futjes në xhenet e përmendim hadithin e Pejgamberit, lavdërimi dhe paqja e Allahut qofshin për të, i cili thotë:
“Dyzet cilësi, ku më e larta e saj është huazimi i dhisë (këtu përfshihen edhe deveja dhe lopa, dhe për qëllim është të përfitojë i varfri dhe i mjeri nga qumështi, leshi i saj etj, për aq kohë sa ka nevojë dhe jo ta posedojë atë, -sh.p.-) dhe nuk ka njeri që vepron me ndonjërën prej tyre duke e shpresuar shpërblimin dhe duke qenë i bindur në premtimin, vetëm se Allahu ta futë nëpërmjet saj nëxhenet. ”
Gjurmët e sadakasë nuk përfundojnë me kaq, përkundrazi çështja është shumë më e madhe se kaq, sepse çdo roje e derës prej dyerve të xhenetit nxitojnë që sadakadhënësin ta ftojnë të hyjë në xhenet nëpërmjet derës që ata e ruajnë. Në xhenet është një derë me emrin “Dera e Sadakasë” dhe në të hyjnë sadakadhënësit. Ebu Hurejra, Allahu qoftë i kënaqur me të, përcjell se i Dërguari i Allahut, lavdërimi dhe paqja e Allahut qofshin për të, ka thënë:
“Kush shpenzon dy gjëra prej të njëjtit lloj në rrugë të Allahut thirret prej dyerve tëxhenetit: “O ti rob i Allahut, kjo është mirësi ”; derisa tha “dhe kush është prej sadakadhënësve thirret prej derës së sadakasë.”
Imami El-Ajnij, Allahu e mëshiroftë, thotë se në hadith për qëllim është sadakaja vullnetare, kurse zeqati detyrues është i patjetërsueshëm të jepet nga të gjithë myslimanët që e plotësojnë kushtin e dhënies së tij, dhe ai që nuk e jep, për të ekziston frika që të thirret prej dyerve të xhehenemit.
