Qeveria ndan mjetet për shtesat prej 100 eurove për pensionistët

Qeveria e Kosovës në mbledhjen e sotme, ka miratuar kërkesën e Ministrisë së Financave, Punës dhe Transfereve për ndarjen e mjeteve financiare për zbatimin e masës 3.2, Mbështetja për Pensionistët dhe Familjet me Asistencë (MFPT).

Sipas kësaj mase, të gjithë pensionistët në Kosovë dhe familjet që janë nën asistencë sociale, këtë muaj do të përfitojnë edhe nga 100 euro shtesë përpos pensionit bazë.

Zëvendëskryeministri i parë i vendit, Besnik Bislimi, që foli në emër të Ministrisë së Financave, tha se për këtë masë, që është pjesë e Pakos për përballimin e inflacionit, janë ndarë mbi 28 milionë euro. /Buletini Ekonomik/

Artikulli paraprakInflacioni vjetor në Kosovë arrin në 12.7 për qind deri në shtator
Artikulli tjetërAmazon do të investojë 1 mld euro në automjete elektrike për shpërndarjen në Europë