UNHCR: Gjendja në vend është alarmante

Komisioni i lartë për refugjatët për Kombet e Bashkuara në Greqi ka vënë alarmin për rrezikun e rritjes së dhunës raciale në vend. Në Greqi janë të shumtë emigrantët që hyjnë cdo vit. Sipas komisionit kriza financiare ëshët arsyeja kryesore që ka rritur dhe tensionet për këtë cështje. Jorgos Tsarbopulos, kryetari i UNHCR-së në Greqi tja se është i shqetësuar për rritjen e numrit të icidenteve në vend këto 18 muajt e fundit. Ai e përshkroi situatën si shumë serioze.
“Do të thoja që është një situatë shumë serioze përvec presionit të vazhdueshëm për sa i përket lëvizjes së emigrantëve në kufi, pasi Greqia vazhdon të jetë porta kryesore edhe sot e kësaj dite në Bashkimin Europian për sa i përket ardhjes së mijëra refugjatëve dhe emigrantëve, pa përmendur këtë dhe krizën e rëndë financiare që ka përfshirë vendin, të gjitha këto kanë cuar në rritjen e numrit të incidenteve të dhunshme raciale”, vlerësoi ai.
Kriza financiare që ka rrwnuar ekonominë greke dhe ka rritur numrin e papunësisë në 21 për qind gjithashtu ka përkeqësuar dhe tensionet raciale në vend.
Tsarbopulos i ka bërë thirrje qeverisë greke dhe Bashkimit Europian që të implementojnë masa për të përballuar emigrimin e paligjshëm. Masa këto që pikërisht për shkak të krizës financiare nuk kanë mundur të vihen në praktikë pasi nuk ka pasur fonde të mjaftueshme. Në këto masa përfshihet dhe riatdhetësimi i emigrantëve të paligjshëm por dhe lehtësimi i marrjes së azilit në Greqi nga ana e refugjatëve. Tsarbopulos e ka dënuar dhunën.
“Gati përditë kemi incidente nga grupe qytetarësh të zemëruar por dhe nga ana e grupeve të ekstremit të djathtë të cilët sulmojnë emigrantët vetëm për shkak të ngjyrës së lëkurës apo të kombësisë së tyre. Çfarë mund të them. Kjo wshtw totalisht e papranueshme. Ne mund ti kuptojmë problemet por dhuna nuk mund të jetë një mënyrë për të zgjidhur gjërat dhe sigurisht që është krim. Në të njëjtën kohë është edhe një kërcënin për rendin publik dhe demokracinë në vend”, vlerësoi Tsarbopulo.
Para zgjedhjeve të 6 majit qeveria filloi të grumbullonte emigrantët e paligjshëm dhe t’i vendoste ata në qendra të mbrojtura, pasi banorët pranë këtyre qendrave fajësonin emigrantët për çdo vepër kriminale që ndodhte në zonë. Kjo gjë ka rritur dhe mbështetjen për partinë e Agimit të Arët e cila ka një platformë kundër emigrantëve./BS/kohaislame

Bankat komerciale që operojnë në Kosovë, kanë kamatat më të larta të kredive në gjithë rajonin dhe në këtë mënyrë po pamundësojnë zhvillimin ekonomik përmes sektorit privat, thonë njohës të çështjeve ekonomike.

Musa Limani, profesor në Fakultetin Ekonomik në Universitetin e Prishtinës, thotë për Radion Evropa e Lirë, se këto kamata nuk po lejojnë që subjektet ekonomike t’i zgjerojnë veprimtaritë e tyre, të hapin vende të reja pune, e rrjedhimisht edhe të ulin shkallën e papunësisë dhe varfërisë.

“Për nivelin e zhvillimit ekonomik, të cilin e ka Kosova, këto norma të interesit për dhënien e kredive janë shumë të larta. Me këto norma të larta, me politikën kreditore nuk nxitet biznesi vendor, përkundrazi e ngarkon shumë biznesin vendor, pasi përmes kësaj norme i merret një sasi shumë e madhe e të hyrave, fitimit subjekteve ekonomike”, thotë Limani.

Sipas disa organizatave joqeveritare, bizneset përbëjnë përqindjen më të lartë të kredive të përgjithshme në institucionet financiare në vend. Po sipas tyre, normat e kredive sillen nga 11 deri në 24 për qind, varësisht nga banka dhe lloji i kredisë.

Kjo përqindje e kamatave të kredive, po dëmton komunitetin e biznesit, konsideron edhe Mejdi Bektashi, profesor në Fakultetin Ekonomik në Universitetin e Prishtinës.

“Këto norma të larta të interesit e dëmtojnë mjaft komunitetin e biznesit, sepse edhe investimet e reja edhe huazimet e bizneseve nga bankat komerciale janë shumë vogla për shkak të çmimit të lartë të interesit”, thekson Bektashi.

Por, eksperti tjetër i ekonomisë, Musa Limani, vlerëson se këto norma po shkatërrojnë bizneset private, pasi, sipas tij, në pamundësi të kthimit të kësteve të kredive, biznese të ndryshme po falimentojnë.

“Kanë marrë kredi në vlera të mëdha dhe, normalisht, në mungesë të afarizmit pozitiv, nuk janë në gjendje që t’i kthejnë këstet dhe hyrja në borxh e tyre i ka sjellë në falimentim, që është në dëm të bizneseve, jo vetëm të firmës, por në dëm të ekonomisë së Kosovës. Ky duhet të jetë si reflektim për Qeverinë e Kosovës, se duhet të ndërrohet kjo politikë kreditore”, vlerëson Limani.

Sidoqoftë, ekonomistët thonë se kamatat e larta, paraqiten barrë e madhe financiare për të gjithë kredimarrësit, e në veçanti për bizneset që konsiderohen si promotor i zhvillimit ekonomik./koha/kohaislame

Policia e Kosovës, në një tender për garazhe, ka diskualifikuar të gjitha kompanitë që kishin ofertat me çmimet më të ulëta dhe ka përzgjedhur atë me ofertën më të shtrenjtë. OSHP ka vlerësuar se Policia ka bërë shkelje të rënda të ligjit me këtë tender dhe e ka kthyer në rivlerësim.
Për Policinë e Kosovës tenderi mund t’i jepej edhe një kompanie me çmimin më të shtrenjtë. Kështu në fakt veproi ky institucion në tenderin për ndërtimin e garazheve nëntokësore dhe poligonit të gjuajtjes, kur vendosi që fitues ta zgjedhë një konsorcium nga Prishtina. Përveç se shpërbleu kompaninë me çmim më të shtrenjtë, Policia e bëri të papërgjegjshme kompaninë që ofertoi me çmim të lirë.

Madje, në këtë aktivitet të prokurimit nuk u respektuan as kriteret e përzgjedhjes, të cilat ishin të përcaktuara në dosjen e tenderit. Të gjitha këto veprime, për Organin Shqyrtues të Prokurimit, përbënin shkelje të Ligjit të Prokurimit Publik.

Për shkak të këtyre shkeljeve, ky organ vendosi që ta kthejë lëndën në rivlerësim.

“Anulohet vendimi i Policisë së Kosovës për dhënie të kontratës për ndërtimin e garazheve nëntokësore dhe poligonit të gjuajtjes në kompleksin e DDP dhe lënda kthehet në rivlerësim”, thuhet në vendimin e OSHP’së, shkruan Express.

Shkeljet e Policisë në këtë tender i adresoi fillimisht kompania ankuese “R&Rukolli” nga Skenderaj. /Telegrafi/kohaislame

Monedha e përbashkët evropiane, euro, ka pësuar rënie të re rekord në tregjet e pasdites.

Vlera e saj prej 1.246 dollarësh është pika më e ulët kundër monedhës amerikane që nga korriku i vitit 2010.
Dollari, në anën tjetër, është forcuar kundrejt shumicës së monedhave.

Funta britanike ka rënë në 1.5623 dollarë nga 1.5681$.

Monedha amerikane po ashtu është rritur në 0.9625 franga zvicerane, nga 0.9584 sa ishte./zhurnal/kohaislame

– Organi Shqyrtues i Prokurimit ka gjetur shkelje ligjore në tenderin “Aerofotografimi i territorit të Kosovës”, i cili ishte iniciuar nga Agjencia Kadastrale e Kosovës. Me shkeljet ligjore është pajtuar edhe Agjencia Kadastrale, prandaj me pajtueshmëri të palëve procesi i prokurimit do të ritenderohet.

Ritenderimi i këtij procesi do të shtyjë edhe për një kohë fotografimin e territorit të Kosovës nga ajri, shkruan sot “Koha Ditore”. Kjo shtyrje ndoshta do t’u shkojë për shtati atyre që planifikojnë të ndërtojnë, pasi ky fotografim ka për qëllim edhe identifikimin e ndërtimeve në tërë territorin e Kosovës të cilat pastaj do të trajtohen sipas Ligjit të ri të ndërtimeve, i cili është në proces të miratimit. Çdo ndërtim pas kryerjes së këtij fotografimi të territorit do të ketë masa më të ashpra për t’u legalizuar.

AKK-ja e kishte shpallur fitues të këtij tenderi konsorciumin “Geofoto-Zagreb, Cadcom – Zagreb, Cadcom – Rahovec”. Kriteri për dhënien e kontratës ishte caktuar “tenderi me çmimin ekonomikisht më të favorshëm”, kriter që përveç çmimit merr për bazë edhe nënkritere tjera. Si nënkriter kryesor ishte çmimi i cili peshonte 50 për qind. Përvoja specifike e kompanisë në realizimin e projekteve të ngjashme vlerësohej me 30 për qind të pikëve, ndërsa kualifikimet e stafit kyç lidhur me realizimin e detyrave të projektit vlerësohej në maksimum deri në 20 për qind të pikëve.

Ky konsorcium i kishte fituar 97.97 pikë, dhe kishte ofertuar një çmim prej 347 mijë e 458 eurosh. Kurse tenderi i përgjegjshëm me çmimin më të ulët ishte 333 mijë e 318, por që nuk ishte poentuar në maksimum në nënkriteret tjera dhe kishte marrë 9 pikë më pakë se konsorciumi fituese, apo i kishte fituar gjithsej 89 pikë.

Kundër këtij vendimi të AKK-së për të shpërblyer me kontratë konsorciumin kosovaro-kroat ishte ankuar kompani “Emi Harita” nga Turqia, në Organin Shqyrtues të Prokurimit Publik.

Gjykata e Tenderëve e kishte caktuar ekspertin shqyrtues, i cili kishte konstatuar se AKK-ja ka bërë shkelje ligjore gjatë këtij procesi të prokurimit.

“AKK-ja me rastin e zhvillimit të këtij aktiviteti të prokurimit, të procedura e ekzaminimit, e vlerësimit dhe e krahasimit të tenderëve në përgjithësi nuk është bërë konform Ligjit të Prokurimit Publik, prandaj konsideron se ankesa e operatorit ekonomik ankues është e bazuar”, thuhet në konstatimin e ekspertit shqyrtues.

Drejtori ekzekutiv i Agjencisë Kadastrale të Kosovës, Murat Meha, ka thënë se problemi ka qenë pikërisht të nënkriteret e caktuara. Ai ka thënë se janë pajtuar me mendimin e OSHP-së, pasi si organ ka kompetencë të gjykojë për proceset e prokurimit. Por, ai beson që nuk ka pasur ndonjë shkelje ligjore. Meha ka thënë se rilevimi aerofotogrametrik është shumë i rëndësishëm dhe si i tillë duhet të bëhet për çdo pesë vjet.

“Rilevimi aerofotogrametrik është i rëndësishëm për zbatimin e Ligjit të ndërtimit, sepse ligji që është në përfundim e sipër për ndërtime në territore dhe ka për qëllim që të identifikojë gjendjen e ndërtimit në terren, në mënyrë që të identifikohen të gjitha ndërtesat që nuk kanë leje. Por, njëkohësisht të dihet se cilat ndërtime do të bëhen në të ardhmen pa leje, e të cilat do të kenë një trajtim më rigoroz”, ka thënë Meha. /koha/kohaislame

Ligjvënësit e Kosovës janë alarmuar të premten kur kanë marrë vesh se gjiganti ekonomik “Ferronikeli” nuk e shfrytëzon thëngjillin vendës, por e importon atë nga shtetet e tjera. Ata e kanë cilësuar si “non sens” humbjen nga përfitimet e mundshme të shtetit nga kjo pasuri, vetëm për shkak të telasheve që ekzistojnë mes KEK-ut dhe shoqërisë aksionare “Kosova-thëngjill”.

“Është absurd që Kosova, e cila fle mbi thëngjill, të mos jetë në gjendje ta shesë thëngjillin, por kjo xehe të vijë nga shtete të tjera”, ka deklaruar Teuta Sahatçia e LDK-së, gjatë shqyrtimit të listës së rentave minerare.

Me të janë pajtuar edhe deputetët e shumicës parlamentare, duke e bërë përgjegjës drejtpërdrejt KEK-un për humbjet që shkaktohen si rezultat i importimit të linjitit nga vendet e tjera./koha/kohaislame

Drejtori i përgjithshëm i “Apple”, Tim Cook ndodhet në vendin e parë të listës, së drejtuesve amerikanë të biznesit të cilët janë më tepër të paguar në vitin 2011.

Falë mundësive për blerjen e aksioneve, ai me më shumë se 300 milionë dollarë ndodhet para personit të cilit ndodhet në vendin e dytë,themeluesit dhe drejtorit të përgjithshëm të “Oracle” me 76 milionë dollarë, shkruan zhurnal.
Në vendin e tretë është pronari i televizioni BBC Leslie Moonves me 69 milionë dollarë.
Cook e ndërmori funksionin e drejtorit të përgjithshëm të “Apple” në gusht, dy muaj para vdekjes të themeluesit dhe ish-drejtorit të kompanisë Stiv Xhobs. Bonusët e tij arrijnë 378 milionë dollarë, tregojnë rezultatet nga anketa e bërë.
Ai fitoi rreth 900.000 dollarë si pagë dhe po kaq prime. Këto të dhëna nga raportet vjetore të aksionerëve janë grumbulluar nga “Haj Grup” sipas kërkesës të “Ëallstreet Journal” dhe përfshijnë 300 nga kompanitë më të madhe në SHBA.
Midis dhjetë të parëve në lisët janë edhe drejtori i përgjithshëm “Motorola” Sanxhai Xha, poranrët e “Citygroup”, “Viakom”, “Motorola Solutions”, Ëalt Disney” dhe “Ford”./Indeksonline/kohaislame

Me qindra biznese serbe në Veri që nga viti 2005, kur janë regjistruar, nuk i kanë paguar tatim asnjë cent Administratës Tatimore të Kosovës. Ato kanë bërë miliona euro qarkullim vjetor dhe dyshohet se dokumentacionin e institucioneve të Kosovës e shfrytëzuan vetëm sa për të qenë në rregull me doganierët. ATK-ja ua ka tërhequr certifikatat e TVSH-së, por ende nuk ka arritur t’i mbledhë borxhet.

Janë më shumë se 200 biznese të serbëve të Veriut të Kosovës, që nuk i paguan asnjë cent tatim Administratës Tatimore të Kosovës. Me kompanitë që i regjistruan kryesisht në vitin 2005, pronarë nga Leposaviqi e Zubin Potoku bënë miliona euro qarkullim pa e çarë kokën për obligimet tatimore. Për obligime të tilla nuk mërziten as tani, pavarësisht se biznesin nuk e kanë ndalur, pasi që nuk kanë pranuar të instalojnë arkat fiskale.

Dyshohet se dokumentacionin e institucioneve të Kosovës, certifikatën e regjistrimit të biznesit dhe atë të TVSH-së, derisa nuk ua zhvleftësoi ATK-ja, i shfrytëzuan vetëm sa për të qenë në rregull me doganierët, në pikëkalimin kufitar me Serbinë, në Jarinje dhe Bërnjakë.

Drejtori i ATK-së, Behxhet Haliti thotë se në këtë mënyrë biznesmenët serbë për një kohë të gjatë krijuan evazion fiskal jo nga kontrabanda në rrugë dytësore, por me letra.

“Zakonisht këto janë biznese të regjistruara më herët, me vetëm një njeri dhe s’kanë as zyra. Këto janë burim i evazionit fiskal me letra, pasi kanë pasur qarkullim mbi 50 mijë euro”, pohon Haliti.

Ai thotë se kështu ka vazhduar deri në vitin 2009, kur ka hyrë në fuqi udhëzimi administrativ për pajisje të bizneseve me numra fiskalë. Sipas tij, asnjë nga këta pronarë nuk është dukur në zyrat e ATK-së për t’u pajisur me numra fiskalë, madje as nuk i kanë ndërruar certifikatat e regjistrimit siç kërkohet me këtë udhëzim./GE

Niveli i papunësisë mes të rinjve të moshës nga 15 në 24 vjeç në Kosovë është shumë i madh. Kështu tregon raporti më i fundit i publikuar nga Agjencia për Zhvillim e Kombeve të Bashkuara në Evropë.

Sipas këtij raporti i rrogës mesatare në Evropë tek të rinjët në sipërmarrjet private është 260 euro, gjysma me atë që marrin punonjësit në Maqedoninë fqinje, ndërsa 44.5 përqind e personelit po në sipërmarrjet private është punësuar falë rekomandimeve. /indeksonline/kohaislame