The Magic Words for Influence and Impact.
Mënyra se si bashkëveprojmë me njerëzit, aftësia për të zgjedhur fjalët e duhura në kohën e duhur, mund të na ndihmojë si në jetën private ashtu edhe në punë.
Mënyra se si zhvillojmë një bisedë me një klient mund të bëhet vendimtare në zgjedhjen ose jo të shërbimit tonë. Falë “Exactly What to Say” do të zbulojmë artin dhe sekretet e komunikimit verbal, duke kuptuar vlerën e fjalëve, kur t’i përdorim ato dhe rëndësinë e “fjalëve magjike” që do të jenë të dobishme për të marrë atë që duam.
Shumë këshilla të dobishme për:
- Të zbuluar se “çfarë të thuash” për të arritur suksesin.
- Të ditur fjalët e duhura që duhen thënë në çdo rast.
- Ata të cilët po kërkojnë disa këshilla të dobishme për psikologjinë.
Autori i librit:
Autori Phil M. Jones, fitues i shumë çmimeve konsiderohet si një nga trajnierët më të mirë të shitjeve në botë. Ai ka trajnuar më shumë se dy milion njerëz në pesë kontinente dhe u ka mësuar disa prej markave më të mëdha në botë artin e komunikimit oral.
Në vitin 2013 fitoi çmimin British Excellence in Sales and Marketing si Trajnieri më i mirë i Shitjeve të Vitit. Ai gjithashtu ka shkruar një seri librash best-seller dhe ka krijuar shumë kurse trajnimi në internet, të cilët kanë dhjetëra mijëra abonentë në të gjithë botën. Phil jeton dhe vepron midis Londrës dhe Nju Jorkut.
Fjalët magjike për të arritur suksesin
Nga studimi i njerëzve, marrëdhëniet njerëzore dhe profesionale, del qartë një gjë: edhe me të njëjtat burime, rezultatet e arritura mund të jenë shumë të ndryshme. Dikush arrin suksesin, dikush tjetër dështon. Nga se varet? Në shumicën e rasteve, njerëzit e suksesshëm kanë një gjë të përbashkët: dinë saktësisht se çfarë të thonë, si ta thonë dhe si të sjellin një ndryshim.
Ata dinë të përdorin fjalë që mund të quhen magjike. Këto fjalë magjike i flasin drejtpërdrejt nënvetëdijes, e cila është thelbësore në marrjen e vendimeve pasi është para-programuar për të vendosur pa analizuar shumë. Përdorimi i fjalëve që arrijnë drejtpërdrejt në nënndërgjegje sjell një avantazh të rëndësishëm në bisedë.
Fjalët magjike për të stimuluar kuriozitetin e bashkëbiseduesit dhe për të zvogëluar shanset e refuzimit
Nuk jam i sigurt nëse bën për ju
Shumica e njerëzve i druhet ekspozimit të ideve ose projekteve të tyre nga frika e refuzimit. Përdorimi i shprehjes “Unë nuk jam i sigurt nëse është e përshtatshme për ty” lehtëson presionin dhe stimulon kureshtjen e bashkëbiseduesit. Duke shtuar “por” në fund krijoni mendimin “mbase do të doja të dija më shumë” në mendjen e personit tjetër.
A jeni tip mendjehapur?
Secili prej nesh mendon se ka një mendësi të hapur. Përfitoni nga ky fakt. Nëse i prezantoni produktet tuaja me fraza të tilla si “Sa të hapur jeni për të vlerësuar këtë produkt/shërbim/alternativë?” shanset tuaja për tu refuzuar bien ndjeshëm. Gjithkush dëshiron të jetë një person me mendje të hapur, kështu do të ndjehen të predispozuar të paktën të dëgjojnë propozimin tuaj.
Fjalët magjike për të rritur pranueshmërinë dhe për të shfrytëzuar emocionet e bashkëbiseduesit
Sa di ti?
Kur gjendeni në situata kur bashkëbiseduesi është i bindur se di më shumë për një temë të caktuar se ju, mos u grindni pikë për pikë. Pyesni hapur, “Çfarë dini saktësisht për… (situatë)?” Shpesh pyetja haptas e dikujt se çfarë dinë për temën në fjalë i bën ata të pranojnë se nuk dinë shumë dhe të jenë edhe më të hapur.
Si do të ndiheshit?
Të gjithë sot flasin për motivimin, por sa e dinë se çfarë do të thotë vërtet? Me pak fjalë, termi tregon “arsye ose qëllim për të lëvizur/bërë”. Njerëzit zakonisht janë të motivuar të bëjnë diçka për dy arsye:
1. Për të shmangur një humbje ose
2. Për të patur një fitim.
Për më tepër, duhet të merret parasysh që njerëzit vendosin mbi një bazë emocionale ose logjike. Në përgjithësi, në radhë të parë, vendoset për arsye emocionale. Pra, fraza “Si do të ndiheshit nëse…” mbështetet në emocionet e bashkëbiseduesit. Zakonisht, sa më shumë që të arrini të krijoni kontrast midis vendit ku NUK dëshironi të jeni dhe vendit ku DËSHIRONI, aq më shumë e motivoni personin të veprojë.
Fjalët magjike për të stimuluar imagjinatën dhe për të shmangur refuzimin
Imagjinoni
A e dini se para se njerëzit të marrin një vendim në realitet, duhet së paku ta kenë imagjinuar sikur e kanë bërë atë? Njerëzit vendosin duke u bazuar në imazhet e krijuara në mendje. Kështu që mund t’i përdorni këto imazhe për të ndikuar në vendimet e tyre. Kur propozoni diçka, filloni me “Imagjinoni që…” dhe prezantoni skenarin që klienti dëshiron të imagjinojë.
Kur mund të jetë e përshtatshme për ju?
Një nga justifikimet kryesore që shumica e njerëzve përdorin është “Nuk kam kohë”. Nëse dëshironi të vendosni një takim të dytë ose një datë për të rivlerësuar propozimet, mos pyet thjesht “Kur mund të takohemi përsëri?”, por përdorni frazën “Kur është në rregull për ju që të (rishikojmë/rivlerësojmë)?” Në këtë mënyrë ju supozoni se me siguri do të ketë një kohë që do t’i përshtatet atij. “JO”-ja nuk është një opsion i lejuar nga pyetja.
Ju ndoshta nuk e keni vendosur akoma
A keni frikë të kontaktoni një klient të mundshëm nga frika se do të përgjigjet se ai ende nuk ka pasur mundësinë për të parë/vlerësuar propozimin tuaj? Habite duke përdorur përgjigjen e tij të mundshme si hapje: “Unë e di që ju ndoshta nuk e keni menduar/bërë/vendosur (situatën) akoma…”. Në këtë mënyrë ju e vendosni atë përpara dy mundësive: 1. Nëse ai tashmë ka bërë atë që i keni kërkuar, do të jetë i lumtur t’ju vërtetojë se keni gabuar. 2. Nëse jo, do të ndihet i detyruar t’ju tregojnë se do ta bëjë menjëherë. Në çdo rast, përsëri do të keni kontrollin e bisedës.
Fjalët magjike për të shndërruar pyetjet e mbyllura në pyetje të hapura dhe për ta drejtuar bashkëbiseduesin në zgjedhjen e duhur
Kthejeni fjalinë mbrapsht
A jeni në fund të një prezantimi? Harrojeni të përgjithshmen: “A keni ndonjë pyetje?” Në vend të kësaj, provoni të pyesni: “Çfarë pyetjesh keni për mua?” Kjo përmbysje e thjeshtë e kthen një pyetje të hapur në një pyetje të mbyllur, e cila do t’ju japë më shumë kontroll mbi diskutimin. Përmbysja e fjalisë funksionon edhe në shumë kontekste të tjera… provoni të zëvendësoni: “A mund ta kem numrin tuaj të telefonit?” me pyetjen më precize: “Në cilin numër telefoni mund t’ju kontaktoj?”. Ju do të shihni ndryshimin!
Sipas mendimit tim, ju keni tre mundësi
Kur bashkëbiseduesi është i pavendosur, ju mund ta ndihmoni duke i treguar 3 zgjedhje dhe duke e lënë të fundit atë që dëshironi. Bëjeni opsionin e tretë më të thjeshtin.
Ekzistojnë dy tipe njerëzish
Të gjithë duam të identifikohemi me dikë ose diçka, duke filluar fjalimin me fraza të tilla si “Në botë ekzistojnë dy lloje njerëzish…” bashkëbiseduesi do të dëshirojë të identifikohet me njërin nga dy llojet, thjesht duhet të siguroheni që një nga të dyja të jetë zgjedhja më e lehtë dhe ajo që dëshironi të merrni.
PJESA E DYTË :
