Ari po regjistron çdo ditë një vlerë të re rekord, por edhe kërkesë të pashembullt! Kjo tregon që bota po përballet me periudha të vështira. Njerëzit kanë frikë se monedhat kryesore, dollari dhe euro mund të zhvlerësohen, kështu që ata nxitojnë për të blerë metalin e çmuar. Uria për ar është aq e madhe sa shumë kanë frikë se a do të ekzistojë më në treg.
Ndërsa po kërkohet një zgjidhje globale se si të ndalet Covid 19, informacioni që Rusia ka gjetur një vaksinë për të mbrojtur kundër Covid e ka qetësuar botën për një moment. Kjo qetësi u reflektua në çmimin e arit. Qeveritë e të gjitha vendeve janë duke luftuar në të gjitha mënyrat e mundshme për të shpëtuar ekonomitë e tyre. Mënyra më e zakonshme paraqitet përmes ndihmës financiare.
Një pandemi ndikon negativisht në të gjitha hallkat e ekonomisë. Ari reagon ndaj pasigurisë dhe frikës në mënyrën e vet – duke rritur vlerën e tij. Sidoqoftë, rritja e vlerës së arit nuk duhet ta bëjë asnjë person të lumtur. Është një sinjal i fortë se diçka nuk është në rregull. Që nga shpërthimi i pandemisë, vlera e arit është rritur me 35% , dhe të gjithë ekspertët kryesorë në botë parashikojnë një rritje të mëtejshme eksponenciale të çmimit.
Duke parë vlerën e këtij metali të çmuar në treg, po afrohemi më shumë në përfundimin se skenari i viteve 2008-2011 po përsëritet. Gjatë asaj periudhe, vlera e arit u rrit me 280%. Kohët e fundit Shtetet e Bashkuara po injektojnë sasi të pakufizuara dollarësh në flukset financiare për të ndihmuar ekonominë të mbijetojë nga recesioni në të cilin po hyn bota. Një numër në rritje i qytetarëve amerikanë po kërkojnë strehim të sigurt tek blerja e arit.
Sidoqoftë, për shkak të kërkesës së madhe, shumë kanë frikë se ari nuk do të gjendet më në treg. Kohët e fundit, bankat kineze ndaluan shitjen e arit fizik për individët. Në Evropë, informacioni se prodhimi i arit fizik do të pezullohet po dëgjohet gjithnjë e më shpesh në qarqet e larta.
Ekspertët e Goldman Sachs parashikojnë një rritje të jashtëzakonshme prej 200% të vlerës së arit në dy vitet e ardhshme. Projeksioni bazohet në faktet e mëposhtme: Ngadalësimi i proceseve ekonomike, zhvlerësimi i monedhave kryesore në botë, shtypja dhe futja e shumave të jashtëzakonshme të parave në sistemet financiare, si dhe fluksi i ngadaltë i mallrave dhe kapitalit në të gjithë botën. Ari po bëhet gjithnjë e më i vështirë për tu blerë. Mënyra e vetme për të blerë ar është ta shisni me kohë ./BM/
