Banka Botërore po fillon një program “PowerUp” për NVM-të dhe ndërmarrjet inovative në Ballkanin Perëndimor, me titull “Përmirësoni modelin tuaj të biznesit, ndërtoni qëndrueshmëri dhe përgatitni kompaninë tuaj për rritje”.
Afati i fundit për të aplikuar për thirrjen publike është 30 shtator, programi është falas dhe pritet të zgjasë nga tetori deri në shkurt 2021.
“Banka Botërore, si pjesë e programit të saj ‘PowerUP’ po fillon një program të dedikuar për më shumë se 200 kompani, të financuar nga Bashkimi Evropian, në kuadër të Programit të Zhvillimit dhe Inovacionit të Ndërmarrjeve të Ballkanit Perëndimor (BB EDIF) dhe po e zbaton atë me mbështetjen e firmës globale të konsulencës Deloitte,” thuhej në deklaratën e përbashkët.
Rreth 100 kompani me performancën më të mirë gjatë programit do të ftohen të konkurrojnë në “PowerUP Final” në mars 2021, i cili do të mbahet në një vend tërheqës në Ballkanin Perëndimor, dhe të paraqesë biznesin e tyre para investitorëve, pronarëve të kapitalit, sipërmarrësve të suksesshëm dhe përfaqësuesit e korporatave dhe mediave.
Rrjetëzimi me kompani të tjera
Programi “PowerUp” është menduar për ndërmarrjet e vogla dhe të mesme dhe kompanitë fillestare që po kërkojnë mënyra të reja për të tërhequr klientë të rinj, duke përmirësuar modelet e tyre të biznesit dhe të cilët janë potencialisht të interesuar për investime të huaja.
Gjithashtu, programi është menduar për ata që duan të arrijnë rezultate të dukshme në një periudhë afatshkurtër, të ndërtojnë qëndrueshmëri dhe të vazhdojnë të veprojnë me sukses edhe pas pandemisë COVID-19.
Programi do t’u japë kompanive një shans për t’u lidhur me kompani të tjera, investitorë, sipërmarrës të suksesshëm dhe përfaqësues të korporatave.
Të gjitha kompanitë e zgjedhura për të marrë pjesë në këtë program do të marrin mbështetje dhe trajnim për zhvillimin e mëtejshëm të biznesit, i cili do të synojë forcimin e rezistencës ndaj krizës për shkak të pandemisë COVID-19 dhe rritjen e aftësisë së tyre për të tërhequr investime.
Programi ofron njohuri të konsiderueshme praktike, krijon parakushtet për arritjen e rezultateve të dukshme në planin afatshkurtër dhe përqendrohet në tema në lidhje me klientët dhe tregun, performancën financiare, markën, si dhe aftësitë e prezantimit – ngritjes.
Kushtet për pjesëmarrje në program
Të gjitha kompanitë e zgjedhura për të marrë pjesë në finalet e programit do të marrin ekspozim dhe njohje të konsiderueshme dhe do të promovohen përmes mediave lokale dhe rajonale.
Tre kompanitë më të suksesshme në “PowerUP Finals” do të marrin Çmimin e Ekselencës së Sipërmarrjes në Ballkanin Perëndimor për kategori të ndryshme, si dhe mbështetje këshilluese ekskluzive, të përshtatur të biznesit nga ekspertë lokalë dhe rajonalë nga kompania globale e shërbimeve profesionale Deloitte.
Për të marrë pjesë në program, kompanitë duhet të përmbushin kriteret e mëposhtme:
Të jenë të regjistruara në një nga vendet e Ballkanit Perëndimor;
të jenë në veprim për të paktën një vit;
të ketë të punësuar nga tre deri në 100 persona;
të jenë inovativë dhe të kenë produktin ose shërbimin e tyre që u sjell të ardhura të paktën në një treg dhe për të cilat kompania përpiqet të rrisë shitjet;
nuk mund të merren me prodhimin e alkoolit, duhanit ose armëve ose aktivitete të tjera të ngjashme. /tesheshi.com/
