Shkalla e papunësisë në 19 vendet që përdorin euron si monedhë u rrit nga 7.3 përqind në prill në 7.4 përqind në maj, përkundër faktit se qeveritë kombëtare përdorën programe aktive të mbështetjes së tregut të punës për të lehtësuar ndikimin e pandemisë koronavirus.
Eurostat, agjensia e statistikave të Bashkimit Evropian, lëshoi të dhënat zyrtare të enjten.
Qeveritë evropiane kanë frenuar rritjen e papunësisë përmes programeve në të cilat ata paguajnë një pjesë të pagave të punëtorëve në mënyrë që kompanitë të mos i pushojnë ato.
Mbështetja u dha sepse vështirësitë nuk ishin faji i kompanive, por fakti që vendet në mbarë botën duhej të kufizonin biznesin, udhëtimet dhe jetën publike për të parandaluar përhapjen e koronavirusit.
Në Gjermani, ekonomia më e madhe e eurozonës, kishte ende programe të mbështetjes së pagave për 6.7 milion punëtorë në qershor.
Programi paguan të paktën 60 përqind të pagës kur punëtorët punojnë me kohë të pjesshme ose janë pa orë pune.
Shkalla e papunësisë në Shtetet e Bashkuara u rrit në 13.3 përqind në maj nga 3.5 përqind në shkurt. /tesheshi.com/
