80% e shqiptarëve as kanë blerë, as kanë lexuar libër në 1 vit

Të pyetur nga Barometri në Euronews Albania se sa libra kanë lexuar gjatë vitit që po lëmë pas 74.8% e tyre janë përgjigjur: “Asnjë”. Ndërkohë, vetëm 7.6% kanë lexuar një libër. 11.8% e tyre kanë lexuar 2-3 libra. 2.7% kanë lexuar 4-5 libra dhe 2.3% më shumë se 5 libra.

Kjo shifër rritet kur vjen puna për të blerë libra. 78.2% e shqiptarëve nuk kanë blerë asnjë libër përgjatë vitit 2022.
Ndërkohë, 7.2% e shqiptarëve kanë blerë vetëm 1 libër. 10% e tyre kanë blerë 2-3 libra. 1.9% kanë blerë 4-5 libra dhe 1.9% e tyre kanë blerë më shumë se 5 libra.

Shumica shqiptarëve jo vetëm që nuk blejnë libra, por as nuk dhurojnë. 74.8% e të pyeturve nuk kanë dhuruar një libër, ndërkohë që pozitivisht janë përgjigjur vetëm 25.2% e tyre. 74.1% e shqiptarëve nuk kanë marrë një libër dhuratë dhe vetëm 25.5% kanë marrë.

Gjetjet janë të Barometrit në Euronews Albania, realizuar gjatë periudhës 28 tetor-7 nëntor 2022, kryer nga MRB dhe Data Centrum, në nivel kombëtar me 1000 intervista ballë për ballë.

libër libër libër

/lapsi/

Artikulli paraprak52% e punëtorëve në Kosovë e Shqipëri të pakënaqur, e duan largimin jashtë vendit
Artikulli tjetërZvicra përballet me humbjen më të madhe të fuqisë blerëse në 80 vjet