Si do të kujdeset shteti i Katarit për sigurinë në Kupën e Botës?

Në një përpjekje për të siguruar zhvillimin paqësor të Kupës së Botës FIFA 2022, Katari do të vendosë dhjetëra mijëra forca sigurie.

Vendi pritës i WC, i cili fillon në nëntor të këtij viti, ka nënshkruar marrëveshje të shumta bashkëpunimi në fushën e sigurisë me disa vende.

1.2 milionë tifozë priten në Katar për turneun, i cili do të luhet nga 20 nëntori deri më 18 dhjetor.

Forcat e sigurisë së Katarit, së bashku me partnerë nga 13 vende, kanë kryer stërvitje pesë-ditore në të gjithë vendin për të testuar gatishmërinë dhe reagimin e tyre ndaj situatave emergjente, raportoi e përditshmja lokale The Peninsula.

Sipas komitetit të sigurisë së turneut, në stërvitje ishin 32,000 anëtarë të forcave qeveritare të sigurisë dhe 17,000 nga sektori privat.

Turqia më parë njoftoi se do të dërgonte më shumë se 3,000 policë për të ndihmuar në sigurimin e stadiumeve dhe hoteleve. Ankaraja do të sigurojë 100 oficerë policie të operacioneve speciale, 50 ekspertë bombash dhe 80 qen nuhatës.

Ministri i Brendshëm turk Suleyman Soylu tha në janar se Turqia do të trajnojë 677 anëtarë të forcave të sigurisë të Katarit në 38 specialitete të ndryshme.

Pakistani gjithashtu ka rënë dakord të dërgojë trupa në Katar dhe ata arritën në Doha në fillim të këtij muaji.

Mbështetja ushtarake britanike

Parlamenti francez ka autorizuar dërgimin e 220 personel të sigurisë në Katar për të ndihmuar në garantimin e sigurisë së tifozëve, përfshirë shtetasit francezë, tha Ministria e Brendshme në Paris.

Katari ka nënshkruar edhe një marrëveshje bashkëpunimi për sigurinë me Marokun dhe sipas mediave lokale, mes tyre do të jenë edhe ekspertë të sigurisë kibernetike.

Në maj, Ministria e Mbrojtjes e Britanisë tha se do t’i ofronte Katarit mbështetje ushtarake për një Kupë Botërore “të sigurt” dhe “paqësore”. Marina Mbretërore do të kujdeset për sigurinë detare dhe është premtuar mbështetje për sektorë të tjerë.

Kontrata është nënshkruar edhe me Ministrinë e Mbrojtjes së SHBA.

Gazeta emirate The National raportoi në fillim të këtij viti se ish-ushtarëve jordanezë iu ofruan gjithashtu punë në Katar.

Me afrimin e Kupës së Botës, në rrugët e Katarit janë vënë re shumë aktivitete të lidhura me sigurinë./tesheshi/