Mund të godasë një objektiv në një distancë prej 561 kilometrash në 456 sekonda
Një test i ri i raketës turke Tayfun është kryer në qytetin turk të Rizes.
Para testimit në aeroportin Rize-Artvin dhe rrethinat e tij janë marrë masa të gjera sigurie, raporton Anadolia.
Testimi i Tayfun u krye në orën 06:44 me orën lokale (05:44 CET) dhe u përfundua pa incidente.
Presidenti i Drejtorisë së Industrisë së Mbrojtjes Turke, Ismail Demir, ka postuar në rrjetet sociale pamjet e testimit të raketave.
Raketa, nga kompania ROKETSAN
“Ne kemi kryer me sukses një gjuajtje të re testuese të raketës Tayfun. I përgëzoj të gjithë ata që kontribuan, veçanërisht ROKETSAN”, tha ai.
Qitja provë e Tayfun, e zhvilluar nga kompania ROKETSAN, u krye nga Aeroporti Rize-Artvin më 18 tetor 2022.
Një raketë balistike me rreze të shkurtër veprimi të prodhuar në vend mund të godasë një objektiv në një distancë prej 561 kilometrash në 456 sekonda. /tesheshi.com/
