Çmimi i arit po reduktohet në mënyrë jo fort të ndjeshme gjatë tregtimeve të fundit të kësaj jave në bursa në sfondin e rënies së kërkesës për asete të sigurta pas publikimit të të dhënave mbi zhvillimin ekonomik të Kinës – një nga konsumatoret më të mëdha të metalit të çmuar. Sipas të dhënave të bursave, më 14:41 me orën e zonës +4,  çmimi i futures të arit për muajin shkurt në bursën Comex të New York është reduktuar me 0.7 $, ose 0.04% duke arritur në 1.690.10 dollarë për 1 lingotë (ounce – anglisht) ari.

Ari vlerësohet nga investitorët si një prej alternativave më të besueshme kundrejt valutave të paqëndrueshme dhe aksioneve të luhatura të kompanive. Çmimi i këtij metali të çmuar është në rritje për të 12-in vit radhazi. Në vitin 2012 rritja ka qenë minimale në krahasim me 4 vitet e fundit – 7%. Gjatë muajit dhjetor vlera e arit ra me 2.1%.

Organizata Botërore e Shëndetësisë thotë se nivelet e mosshtimit të popullsisë në botë kanë mbetur relativisht të pandryshuara që prej vitit 1990, me një përjashtim të rëndësishëm, Afrikës nën-Sahariane. Korrespondenti i Zërit të Amerikës, Joe De Capua sjell hollësi.

Punonjësja e sektorit të statistikave në OBSH, Gretchen Stevens drejtoi studimin lidhur me nivelet e rënies së lindjeve.

“Ky studim mat përqindjen e atyre që nuk lindin në vend të nivelit të lindjeve dhe këtë e bëmë pasi arritëm në përfundimnin se në fushën e shëndetit riprodhues nuk i është kushtuar rëndësi studimit të pakësimit të lindjeve”.

Studimi analizoi qindra familje në 190 vende në periudhën 1990-2010. Zonja Stevens thotë
“Në përgjithësi, njerëzit shqetësohen për vënien në dispozicion të kontraceptivëve që të parandalohen shtatzanitë e padëshiruara. Dhe vemendja nuk është përqëndruar, për shembull, tek çiftet që duan të kenë fëmijë dhe nuk munden. Ky është në fakt studimi i parë që shqyrton nivelet e mosshtimit të popullsisë në vende të ndryshme dhe në gjithë botën. Dhe këtë e bëmë me shpresën që të mësohet më shumë rreth këtij aspekti”.

Rezultatet e studimit u botuan në revistën online, PLOS Medicine. Studimi u përqëndrua tek paaftësia e grave të reja për të pasur fëmijën e parë dhe të dytë.

“Në shumicën e vendeve të botës nivelet e lindjeve nuk ndryshuan, me përjashtim të Afrikës nën-Sahariane, ku mësuam një rënie të madhe. Lindjet e para në këtë rajon ranë nga 2.7 për qind në vitin 1990 në 1.9 për qind në vitin 2010. Dhe lindjet e dyta ranë nga 13.5 për qind në vitin 1990 në 11.6 për qind në 2010-tën”.

Zonja Stevens thotë se studimi nuk shqyrtoi arsyet e këtyre rënieve në Afrikën nën-Sahariane.

“Ne kemi disa ide rreth arsyeve, por nuk kemi prova për këtë. Disa studime kanë treguar se në Afrikën nën-Sahariane një prej arsyeve kryesore të rënies së lindjeve ka të bëjë me infeksionet e transmetuara nga marredhëniet seksuale. Një prej hipotezave është se ndoshta disa prej ndryshimeve në përgjigje të epidemisë nga virusi HIV mund të ketë shkaktuar rënien e shtatzanive”.

Ndryshime të tilla do të përfshinin përdorimin e kontraceptivëve të ndryshëm dhe praktikave të sigurta seksuale. Studjuesja e Organizatës Botërore të Shëndetsisë thotë se kujdesi shëndetsor gjatë shtatzanisë mund të ketë qënë faktor dhe kjo sepse numri i vdekjeve mes grave shtatzanë ka rënë në Afrikën nën-sahariane. Por për t’u siguruar, thotë ajo, duhet të kryhen studime në këtë aspekt.

“Disa herë pamundësia për të mbetur shtatzënë shkaktohet nga faktorë tek femrat, disa herë tek faktorë tek meshkujt dhe herë të tjera nga faktorë tek të dy gjinitë. Mendoj se në shumë rajone të Afrikës nën-Sahariane, prirja ka qënë që të fajësohen femrat dhe ky nuk duhet të jetë presupozimi fillestar”.

Zonja Stevens thotë se u befasua që rezultatet e përgjithshme të studimit treguan se nivelet e mosshtimit të popullsisë mbetën të njëjta. Dhe kjo sepse në vendet me të ardhura më të larta ka pasur shqetësime rreth faktorëve të mjedisit, që mund të ndikojnë në cilësinë e spermës dhe rreth rritjes së moshës së shtatzanisë mes grave. Por ajo thotë se studimi nuk gjeti prova që të mbështesin idenë se këta faktorë ndikojnë në shkallën e rënies së lindjeve.

Në parashikimin për zhvillimin e energjetikës globale, të përgatitur nga kompania britanike e naftës British Petrolium (BP), theksohet në mënyrë të veçantë se Turkmenistani gjatë viteve të ardhshme do të luajë një rol në rritje në tregun ndërkombëtar të energjisë. Duke komentuar parashikimet britanike Ashgabad-i deklaroi pa modesti false: vëllimi i burimeve të vendit është i mjaftueshëm për të plotësuar nevojat e Kinës, Rusisë, Iranit dhe Evropës të marrë së bashku.
Kjo në vetvete është një deklaratë mjaft absurde, meqenëse Turkmenistani renditet në vendin e katërt përkatësisht rezervave zotëruese të lëndës djegëse blu (gazit natyror) – të tilla janë të dhënat e po asaj kompanie British Petrolium (BP). Prodhuesit më të mëdhenj të gazit natyror në botë janë Rusia dhe Irani. Sipas llogaritjeve të ekspertëve ndërkombëtarë, Ashgabad-i kontrollon rreth 12% të rezervave globale të gazit. Megjithatë, shumica e ekspertëve kanë vënë në pikëpyetje edhe këto shifra. Midis tyre është analisti rus i Fondacionit të sigurisë energjetike Aleksandër Paseçnik:
– Po, me të vërtetë, Turkmenistani ka gaz natyror. Rezervat e tij janë të mëdha, por nuk kanë gjasa megjithatë që vëllimi i tyre të përkojë me vlerësimet e bëra nga auditorët e huaj. Këto vlerësime janë seriozisht të ekzagjeruara. Të konfirmohet se Turkmenistani do të mund të zerë ato tregje ku është prezent gazi rus, kjo do të ishte krejtësisht e pabesueshme. Sepse, së pari, Turkmenistani ka kapacitete të kufizuara prodhimi. Dhe, së dyti, ka tejet të kufizuara kapacitetet e tranzitit dhe transportimit të lëndës djegëse blu.

Tani Ashgabad-i po mishëron në jetë projektin e ndërtimit të gazsjellësit më të gjatë në vend – “Lindje-Perëndim” (russ. «Восток-Запад»). Tubacioni me një shtrirje prej gati një mijë kilometra destinohet të bashkojë në një rreth (unazë) të vetëm të gjitha rrjetet lokale të gazit dhe të krijojë sistemin e daljes së burimeve turkmene të energjisë në tregjet ndërkombëtare. Autoritetet lokale janë mëse të bindura se projekti i ri do t’i hapë gazit vendas në vitin 2015 dy rrugë të reja: në Lindje dhe në Evropë. Megjithatë, duhet thënë, se shumë ekspertë i vlerësojnë me skepticizëm këto plane. Sepse në të vërtetë Turkmenistani, siç ironizojnë ekspertët, ka marrë statusin e “përrallëtarit” që në vitin 2009. Atëhere vendi u përpoq të argumentojë se vendburimi i hidrokarbureve Jolotan-Osmani Jugor (russ. Южный Иолотань-Осман) është i katërti në botë përkatësisht madhësisë së vet. Por më vonë u zbulua se të dhënat mbi rezervat e deklaruara të gazit ishin të falsifikuara, kurse shifrat të zmadhura të paktën 2-3 herë. Megjithatë vendburimi i sipërpërmendur mban me të vërtetë më shumë gaz se të gjitha vendburimet e tjera të Turkmenistanit të marra në total. Por çështja nuk qëndron vetëm tek vëllimet disponuese të gazit natyror, – shprehet me bindje Drejtori i Institutit të Energjetikës Kombëtare, Sergei Pravosudov:

– Problemi kryesor i rezervave të gazit të Turkmenistanit qëndron në cilësinë e tij. Rezervat e reja, të cilat janë gjetur kohët e fundit në këtë vend, ndodhen në një thellësi prej më shumë se tre ose katër kilometrash dhe ky gaz përmban sulfide hidrogjeni. Për nxjerrjen e tij do të duhet, së pari, të shpohen puse shumë të thella, dhe, së dyti, të instalohen pajisje për pastimin e tij prej sulfideve të hidrogjenit. Kurse kjo është një punë fort e kushtueshme. Kështu që gaz në Turkmenistan, natyrisht, ka shumë, por ai do të kenë gazin më të shtrenjtë në botë.

Banka Botërore po u bën thirrje vendeve në zhvillim të ruajnë rritjen ekonomike ndërsa ekonomia globale për vitin në vazhdim mbetet e paqëndrueshme. Në një raport të ri të publikuar të martën me titull “Prespektivat e Ekonomisë Globale 2013”, Banka Botërore thotë se Shqipëria ishte mes vendeve të rajonit të Evropës dhe Azisë Qëndore që patën një rritje prej më pak se një përqind, ndërsa pritshmëria për vitin 2013 mbetet subjekt i rreziqeve serioze rajonale dhe globale.

Raporti i Bankës Botërore, Prespektivat e Ekonomisë Globale 2013 i bën një analizë situatës ekonomike të vendeve në kushtet e sfidave si kriza në Eurozonë, ngadalësimi i rritjes ekonomike në vendet me zhvillim të shpejtë dhe paqëndrueshmëria e tregjeve financiare.

Sipas raportit, rritja në Evropë dhe Azinë Qëndore ku bën pjesë edhe Shqipëria ra ndjeshëm në vitin 2012 pas një rritje të fuqishme një vit më parë. Për Shqipërinë, Bullgarinë, Maqedoninë dhe Rumaninë pritet që rritja ekonomike gjatë 2012 të ketë qënë më e vogël se një përqind. Vendet e Ballkanit Perëndimor thotë raporti, me lidhje të forta ekonomike dhe bankare me Evropën, vuajtën pasojat e rënies së kërkesës për eksporte, pakësimit të hyrjes së kapitalit të huaj dhe të ardhurave nga imigracioni.

Ndërkohë konsumi i brendshëm, i cili ka qënë motori i rritjes në rajon, u pakësua gjatë krizës financiare. Raporti përmend Shqipërinë ndër vendet që patën një ulje të ndjeshme të konsumit të brendshëm, nivelit të kreditimit dhe të të ardhurave nga imigrantët, ndërkohë që papunësia mbetet e lartë. Të gjitha këto zhvillime shkaktuan ngadalësim në gjysmën e parë të 2012 ndërsa treguesit për muajt e fundit të vitit janë të ndryshëm për vende të ndryshme të rajonit.

Prodhimi i Përgjithshëm i Brendshëm në rajon pritet të jetë ulur me 3 përqind në vitin 2012, ndërsa për këtë vit, ai parashikohet të ketë një rritje të lehtë në 3 presje 6 përqind ndërkohë që faktorët që ndikuar në ngadalësimin e rritjes ekonomike gjatë 2012-ës do të vazhdojnë të jenë të pranishëm.

Prespektiva për rajonin në vitin 2013, thotë Banka Botërore, do të varet shumë nga menaxhimi i borxhit, papunësia e lartë dhe inflacioni, mungesa e konkurrencës dhe kufizimet e tjera strukturore të ekonomive. Banka Botërore thotë se rritja ekonomike për Shqipërinë gjatë 2012 pritet të ketë qënë 0,8 përqind, ndërsa parashikon që për vitin 2013 ajo të jetë 1 presje 6 përqind./voa

Kompania libaneze “M1 International Limited” përflitet se ka mbetur konkurrente e fortë për privatizim e Postë Telekomit të Kosovës (PTK), pas tërheqjes nga gara të “Albright Capital Menagment” dhe tërheqjes nga lobimi të ish-diplomatit James Pardew për konzorciumin Avicena.

M1 International Limited është e pjesë e grupit M1, korporatë kjo në pronësi të kryeministrit libanez Najib Mikati, dhe vëllait të tij Taha Mikati.

Najib Mikati në vitin 2011 ishte nominuar për postin e kryeministrit nga lëvizja islaministe Shiite “Hezbollah”, pas rënies së qeverisë së unitetit kombëtar në Liban.

Sipas burimeve të gazetës “Zëri”, të afërta me procesin e privatizimit të PTK-së, nëse kompania libaneze do të shpallet fituese e tenderit, e cila ka shumë gjasë të ndodhë, atëherë do të dëmtohej edhe më shumë imazhi i vendit karshi investitorëve perëndimorë.

“M1 international Limited është në pronësi të kryeministrit libanez, i cili ka ardhur në pushtet me përkarhjen e Hezbollahut. Përzgjedhja e kësaj kompanie fituese e tenderit do të dëmtonte edhe më shumë imazhin e Kosovë karshi investitorëve seriozë perëndimorë”, bën të ditur ky burim.

Në faqen zyrtare të Wikipedia, Hezbollah përshkruhet si një grup militant islamik Shiitë dhe parti politike me bazë në Liban.

Sipas Wikipedia, Hezbollah pranon trajnime ushtarake, armë dhe përkrahje financiare nga Irani dhe përkrahje politike nga Siria.kohaislame

Një fond investimesh, që udhëhiqet nga ish sekretarja amerikane e shtetit, Madeleine Albright, ka vendosur edhe përfundimisht të tërhiqet nga gara për privatizimin e Postës dhe Telekomit të Kosovës, shkruan e përditshmja New York Times.

Drejtori menaxhues i “Albright Capital Management”, Nelson Oliveira, ka konfirmuar për gazetën “International Herald Tribune” se “në tetor, është vendosur të ndiqen mundësitë tjera për të cilat besohet se pasqyrojnë mundësi më të mëdha suksesi për investitorët”.

Tërheqja e kësaj kompanie nuk është publikuar zyrtarisht nga qeveria e Kosovës.

Bazuar në deklaratën e zotit Oliveira, gazeta shkruan se publikimi nuk është bërë për shkak të konfidencialitetit, që kërkohet në procesin e tenderimit.

Por, kjo kompani ka vendosur të konfirmojë se i ka dhënë fund garës, “meqë informacionet për tërheqjen tonë tash janë publike”, ka thënë zoti Oliveira, duke iu referuar shkrimeve në media bazuar në burime anonime, shkruan NYT.(a.v.)

Kompania ajrore “Air Arabia” me tu mbyllur vitit 2012 ka mbledhur “plaçkat” nga Aeroporti Ndërkombëtar i Prishtinës “Adem Jashari”, për tu kthyer në vendin e vet.
Zyrtarë të “Air Arabia” kanë konfirmuar se nga data 3 janar i këtij viti ka ndërprerë të gjitha fluturimet për në Kosovë.

Megjithatë, arsyet e ndërprerjes së fluturimeve nuk i kanë bërë të ditura, raporton Orainfo.

Ndryshe, “Air Arabia” ka operuar me dy fluturime në javë nga Sharjah në Aeroportin e Prishtinës dhe anasjelltas.

Të ardhurat nga nafta në Iran kanë rënë me rreth 45 për qind në 9 muajt e fundit për shkak të sanksioneve të Perëndimit, ka deklaruar një figurë politike iraniane. Gholam Reza Kateb, një deputet i komitetit për planifikimin e buxhetit kombëtar, tha se ekonomia e vendit është në një situatë të vështirë.
Një shenjë e mëtejshme për këtë krizë është edhe fakti se ministri i Naftës ka ndaluar shitjen e karburantit për disa linja ajrore, për shkak të disa faturave të papaguara. Eksportet e naftës përbëjnë të ardhurat kryesore për ekonominë e Republikës Islamike. Kateb tha se rënia e eksportit.

Irani u raportua në Parlament nga vetë ministri i Naftës, Rostam Qasemi. “Në bazë të këtij raporti, shitjet e naftës kanë rënë me 40 për qind dhe të ardhurat me 45 për qind në nëntë muajt e fundit”, tha zoti Kateb për agjencinë e lajmeve “ISNA”. Në javët e fundit ministri i Naftës ka insistuar se Irani ka kaluar me sukses pasojat e sanksioneve. Ndërkohë, një numër linjash ajrore janë detyruar të anulojnë fluturimet.

Ajo që vepron është linja ajrore kombëtare, Iran Air, raporton korrespondentit i BBC, James Reynolds. Eksportet janë jetike dhe kanë mbajtur me para dhe në pushtet qeveritë fetare, shton reporteri.

Sipas tij, ndërsa problemi pritet të zgjidhet në ditët e ardhshme, anulimi i fluturimeve është një shenjë e pastër e problemeve që po has ekonomia iraniane.

Revista prestigjoze britanike “The Guardian” e ka listuar Shqipërinë e në vendin e dytë në botë për turizmin gjatë vitit 2013. “The Guardian” ka vlerësuar në këtë renditje çmimet e ulëta, rrënojat e qytetërimeve iliro- romake dhe bregdetin mjaft panoramik shqiptar.
Për turistët që do të vizitojnë vendin tonë përgjatë këtij viti, revista britanike tregon se në 380 milje të bregdetit shqiptar ata do të gjejnë plazhet e virgjëra që ofrojnë aventura të shumta, plazhe me rërë të bardhë, laguna, rezervate natyrore dhe brigje të shumta.
Në rrëfyesin për turizmin e këtij viti “The Guardian” nuk ka marrë në konsideratë shtetet, por destinacionet më të bukura. Në listën e 20 vendeve përfshihet Italia me shumë qendra atraktive për turistët. Greqia, Turqia, Spanja dhe Portugalia prezantohen me më shumë se dy atraksione turistike. Sipas metodologjisë që revista përdor, merren në konsideratë disa elementë që i bëjnë vendet e renditura si më të preferuarat. Kryesisht klasifikimi është bërë duke u nisur nga bukuria, moseksplorimi i mjaftueshëm dhe çmimet e ulëta. Pikërisht këto të dhëna e kanë renditur Shqipërinë me bregdetin e saj të dytin në botë që duhet frekuentuar për këtë vit.
Gjatë pesë viteve të fundit Shqipëria është përfshirë në radarët e hartës botërore të turizmit. Agjencitë prestigjioze të turizmit po e rekomandojnë atë gjithnjë e më shumë, ndërsa agjencitë turistike pohojnë se numri i vizitorëve nga Europa Perëndimore po rritet gjithnjë e më shumë.
Sipas statistikave të Ministrisë së Turizmit, më shumë se 1 milion vizitorë të huaj zgjodhën Shqipërinë për të kaluar pushimet vitin që shkoi. Dy vitet e fundit është shtuar ndjeshëm numri i vizitorëve të huaj në vendin tonë gjatë sezonit veror, por megjithatë, turizmi shqiptar vijon të dominohet nga ai kombëtar, ku gjysma e turistëve janë nga Kosova dhe Maqedonia. Të dhënat e operatorëve turistikë tregojnë se vizitorët kanë qëndruar më shumë në Durrës dhe Vlorë, që kanë edhe kapacitetet më të mëdha pritëse, ndërkohë që pjesa më e madhe e tyre kanë zgjedhur të kalojnë disa ditë në bregdetin vendas.
Gjatë vitit të kaluar, një numër i konsiderueshëm i turistëve u regjistrua në Velipojë dhe Shëngjin, falë përmirësimit të infrastrukturës dhe njësive akomoduese.

Ministri turk i ekonomisë, njoftoi se vendi i tij prej janarit deri në nëntor të vitit të kaluar, ka eksportuar në Iran 6 miliardë e gjysmë dollarë ari.
Sipas agjencisë së lajmeve Reuters, Zafer Xhaklijan, ministri i ekonomisë së Turqisë, tha se eksportet e arit të Turqisë në 11 muajt e vitit vijues do të arrijnë në 12.7 miliardë dollarë. Ai gjithashtu tha se 4 miliardë e 200 milionë dollarë ari janë eksportuar në EBA.