Malayan Banking Bhd (Maybank) mundësoi më shumë hua islame sesa financime që nuk përputhen me ligjin islam, Shariah, për herë të parë në vitin 2015 e madje, biznesi ishte edhe më fitimprurës.
Maybank Islamic Bhd kontribuoi me 51 për qind të huave duke qenë edhe huadhënësi më i madh në vend, nga 44 për qind në vitin 2014, dhe pritet që aksionet e saj të rriten, tha shefi ekzekutiv i saj në një intervistë nga Kuala Lumpur, për agjencinë e lajmeve “Bloomberg”.
Dega e bankës arriti një mesatare prej 16 për qind të vlerës së aksioneve në katër vitet e fundit, krahasuar me 14 për qind të selisë qendrore.
“Nuk ka dyshim se do të jetë sfiduese por ajo që kemi bërë përgjatë disa viteve të fundit tejkaloi pritshmërinë e kësaj industrie”, tha Muzaffar.
Maybank Islamic tërhoqi më shumë klientë për shkak të interesave konkurruese dhe kontributit që jep për zekatin apo për bamirësinë, që gjithashtu ka ndihmuar në lulëzimin e biznesit.
Suksesi i huadhënies përputhet me qëllimin e qeverisë për të pasur 40 për qind të transaksioneve bankare në përputhje me parimet e Kuranit deri në vitin 2020, nga 26 për qind që ishin në fund të gushtit.
Malajzia, ku më shumë se 60 për qind e popullsisë është muslimane, ishte në krye duke aplikuar financat islame që në vitet 1980, dhe tashmë është lëshuesja më e madhe në botë e bonove që përputhet me parimet e ligjit islam.
“Arritjet e Maybank paralajmërojnë një periudhë të mirë për industrinë e financimit islam dhe ka një potencial në rritje”, tha
Nik Norzrul Thani, shef i firmës ligjore me bazë në Kuala Lumpur, Zaid Ibrahim & Co. “Këto arritje do të nxisin huadhënës të tjerë, si lokalë ashtu edhe ndërkombëtarë të barazojnë kushtet”.
Paratë e qarkulluara në total nga Maybank Islamic u rritën me 21 për qind në 131,1 miliardë RM apo 44.2 miliardë dollarë vitin e kaluar. Rritja pritet të jetë e moderuar gjatë 2016 me më pak se 10 për qind, për shkak të ngadalësimit të rritjes ekonomike dhe trendeve globale, shton Muzaffar.
Ekonomia e Malajzisë, që është dëmtuar nga rënia e çmimeve të lëndëve të para, do të zgjerohet me 4. 4 për qind këtë vit, nga 5 për qind në vitin 2015, sipas një raporti të Bloomberg.
Ligji islamik, Shariah ndalon pagesat e interesit dhe huatë islame janë të strukturuara duke përdorur ulje, reduktim masiv apo dhënie me qira, pjesëmarrje në fitim dhe marrëveshje riblerjeje.
Banka shiti muajin e fundit 1 miliard RM të Basel III që maturohej në vitin 2026 me një interes prej 4.65 për qind dhe borxhi u hepua në 4.95 për qind, sipas çmimeve që liston Bloomberg. Huadhënësi mund të kontrollojë tregun e bonove lokale islame sërish këtë vit nëse do të ketë “një mundësi tjetër”, tha Muzaffar.
Maybank Islamic është banka e tretë më e madhe në botë që përdor huadhënien sipas rregullave të Shariah-s , jashtë Iranit. E para është Al Rajhi Bank në Arabinë Saudite dhe më pas, Kuwait Finance House.
Banka e Kuala Lumpurit i kishte fitimet përpara rritjes së taksave gjatë pesë vjetëve të fundit, në një mesatare prej 18.6 për qind në shumën 1.64 miliardë RM në vitin 2015. Banka përbën tregun lokal për hua dhe depozita, duke zënë respektivisht 33.5 dhe 26.3 për qind të tregut.
Popullsia muslimane që po rritet globalisht më shpejt sesa pjesa tjetër jomuslimane dhe po bëhet edhe më e pasur, është forca drejtuese në rritjen e financave në përputhje me rregullat e ligjit islam. Asetet e kësaj industrie në të gjithë botën do të dyfishohen në 3.4 trilionë dollarë deri në vitin 2018, krahasuar me vitin 2013, sipas një vlerësimi të raportuar nga Ernst & Young.
“Bankimi islam në vetvete është vetëm një pjesë e oqeanit blu që mund të kontrollojmë”, thotë Muzaffar.
Përgatiti: Juli Prifti – /tesheshi.com/
