Warren Buffett, ka lindur në 1930 dhe është një nga biznesmenët më të suksesshëm amerikanë. Ai është konsideruar gjerësisht si investitori më i suksesshëm i shekullit XX. Në vitin 2008 ai ka qenë personi më i pasur në botë, ndërsa në 2011 i treti në listë.
Revista Time e ka etiketuar atë si një nga njerëzit me influencën më të lartë në botë. Ja disa nga këshillat që ai ka për të na dhënë:
Rreth të ardhurave: “Mos u var kurrë vetëm nga një burim të ardhurash. Investo në mënyrë që të krijosh të paktën një burim të dytë.
Rreth shpenzimeve: “Nëse blen gjëra që nuk të nevojiten, së shpejti do të të duhet të shesësh gjërat që të nevojiten.
Rreth kursimeve: “Mos kurse atë çfarë ngel pas shpenzimeve, por shpenzo atë çfarë ngel pas kursimeve.”
Rreth riskut: “Mos e testo kurrë thellësinë e një lumi me të dyja këmbët.”
Rreth investimeve: “Mos i fut të gjithë vezët në një shportë.”
Rreth pritshmërive: “Ndershmëria është një dhuratë shumë e shtrenjtë. Mos e prit ta marrësh nga njerëz pa vlerë.”
