Blerja e një franshize është një mënyrë fantastike për t’u bërë pronar biznesi. Nëse jeni të interesuar të blini një, shumë njerëz do t’ju ofrojnë ndihmë. Të gjithë kanë interes mbi blerjen tuaj, zakonisht një përqindje të shitjes. Është një treg si çdo treg tjetër. Por, një franshizë është blerje e madhe. Vendimi juaj duhet të bazohet në interesat tuaja ose të familjes suaj. Ju duhet të jeni në gjendje të shikoni përtej entuziazmit, premtimeve dhe taktikave për të gjetur mundësitë që janë më të mirat për ju. Kjo kërkon të dini se cilët faktorë kanë vërtet rëndësi kur vlerësoni opsionet. Shumica e artikujve në lidhje me zgjedhjen e frashizës përshkruajnë konsideratat e kuptueshme. Do t’ju duhet diçka që ju duket interesante dhe e përballueshme. Do t’ju duhet të punoni me një franshizor të arrirë, i cili ofron trajnim të mirë dhe mbështetje të vazhdueshme. Do t’ju duhet të lexoni Dokumentin e Zbulimit të Franshizës (FDD) për të eksploruar të gjitha cepat e kufijve të biznesit.
Shumë njerëz fillojnë duke parë listat e publikuara që rendisin markat e franshizave në përgjithësi ose sipas sektorëve. Sidoqoftë, këto lista i rendisin markat bazuar në kriteret e tyre, jo tuajat.
Ju gjithashtu mund të kërkoni ndihmën e një ndërmjetësi franshize ose këshilltari që mund t’ju gjejë mundësi të mira. Ata do të kryejnë shumë punë dhe do të ngushtojnë zgjedhjet tuaja, të gjitha pa asnjë kosto. Por ju mbetet akoma të vlerësoni këto opsione dhe të bëni një zgjedhje. Për të bërë zgjedhjen e duhur, merrni parasysh faktorët e mëposhtëm.
Vlerat tuaja
Duke lënë mënjanë dëshirën për para, çfarë tjetër ju intereson? Çfarë ju entuziazmon? Çfarë ju bën krenarë? Çfarë lloj jetese dëshironi? Para se të kërkoni jashtë për mundësi, kërkoni nga brenda vlerat që janë më të rëndësishme për ju. Përjashtoni çdo koncept që nuk i mbështet drejtpërdrejt këto vlera. Një franshizë nuk është vetëm një investim. Është një mënyrë jetese. Do ta drejtoni më mirë nëse e shijoni.
Kultura e kompanisë
Ky aspekt i një franshize është më pak i matshëm por sigurisht që ndihet. Janë të gjithë faktorët njerëzorë të organizatës. Sa mirë kuptohen njerëzit? A ka një mision të qartë përtej bërjes së parave, dhe si komunikohet dhe vendoset në operacionet brenda sistemit ky mision? A bashkëpunojnë franshizuesit njësoj si me zyrën e tyre të brendshme? Kultura është po aq e rëndësishme sa koncepti. Kërkoni marka me franshizues të lumtur, entuziastë, të cilët lavdërojnë franshizorin e tyre dhe punojnë mirë me pronarë të tjerë.
Përzgjedhja
A është marka selektive për personat me të cilët bashkëpunon, apo do të mirëpresin këdo që është i kualifikuar financiarisht? Ju nuk po zgjidhni vetëm një biznes. Ju gjithashtu po zgjidhni partnerët tuaj. Kjo përfshin franchise të tjerë. Kush tjetër po përfaqëson markën? Performanca e tyre do të ndikojë drejtpërdrejt në biznesin tuaj, si për nga imazhi, ashtu edhe për nga vlera afatgjatë. Në një moment, do të dëshironi ta shisni franshizën tuaj. Sa më i mirë reputacioni i saj global, aq më shumë do të vlejë vendndodhja juaja. Sigurohuni që po bashkoheni me një grup që është mjaft ekskluziv për t’u siguruar që anëtarët e tij janë të mirë për një tërësi individësh. Markat e shkëlqyera kanë standarde. Nëse franshizori do të ishte i gatshëm t’i shiste kujdo, kini kujdes.
Informimi
Për të qenë një franshizë e fortë, një biznes duhet të jetë më shumë sesa i suksesshëm, duhet te jetë i kopjueshëm. Mundësitë e sapo krijuara janë të paprovuara. Nëse ata kanë ndërtuar vetëm një ose dy vendndodhje dhe të mos flasim për një franshizë që nuk ka hapur as edhe një, ata nuk e kanë provuar konceptin e franshizës. Juve ju nevojitet një franshizë që ka disa vende të hapura që tregojnë rritje pozitive në tregje të ndryshme. Projeksionet për atë që mund të ndodhë nuk janë aq të dobishme sa raportet për atë që ka ndodhur. Ndonëse një kompani e re mund të ketë më shumë mundësi për ju, pjesës më të madhe u mbeten akoma shumë për të mësuar. I gjithë thelbi në blerjen e një franshize është të shmangni eksperimentimet dhe thjesht të bëni atë që është provuar se funksionon. Kompanitë e reja ende i’a vlen të shikohen, por kini kujdes në lidhje me harxhimet për t’u bërë “kavia” e tyre eksperimentuese.
Pagesat e franshizës
Në krye të tarifave fillestare të franshizës, shumica e markave gjenerojnë të ardhura duke mbledhur një përqindje të shitjeve nga secili përfitues i franshizës, mesatarisht nga 5 deri në 6%. Disa përfitojnë duke shitur furnizime tek franshizuesit. Të tjerët mbledhin zbritje nga furnitorët e kërkuar. Këto praktika janë të zakonshme në procesin e franshizës, megjithëse jo çdo franshizor angazhohet në të gjitha këto. Në situatën ideale, do të doni një franshhizor interesat e të cilit janë në përputhje me tuajat. Kjo do të thotë se ata janë më të përqëndruar për t’ju ndihmuar ju të shisni tek klientët, se sa të shesin tek ju. Lexoni deklarimet e tyre, pyesni franshizuesit aktualë dhe franshizorin direkt në lidhje me modelin e tyre të të ardhurave. Sigurohuni që ata janë duke punuar për të fituar para me ju dhe jo vetëm nga ju.
Fitimet e njësisë së biznesit
Franshizorët mbledhin një përqindje të shitjeve tuaja bruto, pavarësisht nëse jeni fitimprurës ose jo. Markat më të mira sërish shqetësohen për mirëqenien tuaj financiare. Ata duan që ju të fitoni para dhe dëshirojnë që kjo të ndodhë edhe me vetëm një vendndodhje. Ndonëse zgjerimi është çelësi i fitimeve të mëdha në procesin e franshizës, nuk është dhe aq i nevojshëm në mënyrë që të grumbullohet një kthim i mirë. Nëse koncepti është i shëndoshë, kjo duhet të pasqyrohet me një nivel ROI të respektueshëm, të njësisë. Pyesni sa të dhëna mbledhin ata për fitimet e franshizës dhe çfarë bëjnë përtej promovimit të shitjeve bruto për t’u siguruar që do të keni para për të marrë me vete.
Telefonatat e vlerësimit
Kjo është mundësia juaj për të biseduar me franshizues ekzistues. Franshizorët ndoshta do t’ju japin disa kontakte për të telefonuar. Si të gjitha referencat, ata ndoshta janë franshizuesit që ata e dinë se janë të kënaqur. Provoni të lidheni me disa të tjerë për të marrë një këndvështrim më të gjerë. Por mos harroni, qëndrimet e tyre bazohen në këndvështrimin dhe vlerat e tyre. Mënyra se si ata ndihen për biznesin nuk është domosdoshmërisht ajo që ju do të ndjeni. Kështu që shmangni bërjen e pyetjeve që kërkojnë përgjigje subjektive, si:
A ju pëlqen të drejtoni biznesin?
Sa stresuese është?
A është franshizori mbështetës?
Përgjigjet do të thonë më shumë rreth tyre sesa përsa i përket mundësisë. Në vend të kësaj, bëni pyetje që zbulojnë fakte ose të paktën hedhin dritë mbi funksionimin e brendshëm të markës, të tilla si:
Çfarë bën franshizori për të strukturuar kulturën?
Çfarë bën kompania për të mbështetur suksesin tuaj të vazhdueshëm?
Sa para keni shpenzuar në të vërtetë për hapjen? Kishte ndonjë shpenzim që nuk e prisnit?
Sa kohë ju desh të bëheni fitimprurës? Si janë fitimet tuaja në krahasim me pritshmëritë tuaja?
Ju gjithashtu mund të pyesni për atë që ka funksionuar dhe nuk ka funksionuar për ta, me pyetje si:
Cilat janë avantazhet dhe disavantazhet e vendndodhjes / territorit tuaj?
Nëse do të hapnit një vendndodhje tjetër, çfarë do të bënit njësoj dhe çfarë do të bënit ndryshe?
Cilat strategji të shitjeve dhe marketingut kanë funksionuar për ju?
Ashtu si të gjitha rishikimet, mos u mbështetni shumë te asnjë burim. Merrni sa më shumë perspektiva të jetë e mundur.
Hapësirë për zgjerim
Paratë e vërteta në franshizë qëndrojnë në drejtimin e territoreve / vendndodhjeve të shumta. Sa më shumë të doni të shmangni dështimin, aq më shumë duhet të planifikoni suksesin. Nëse biznesi juaj i parë ka arritje të mëdha, ju ndoshta do të dëshironi të zgjeroheni. Shumë marka do t’ju lejojnë të blini të drejta zhvillimi, duke ju mundësuar (kërkuar) që të hapni shumë vende brenda një afati kohor për të cilin keni rënë dakord. Ose mbase dëshironi të hapni një vendndodhje dhe të shihni se si shkon. Sido që të jetë, sigurohuni që do të keni mundësi për t’u rritur nëse vendosni në vazhdim.
Qëndrueshmëria e tregut
Merrni parasysh se sa i varur është koncepti nga kushte specifike që janë jashtë kontrollit tuaj. Ndonëse diçka aq e jashtëzakonshme sa një pandemi është e vështirë të planifikohet, gjatë një marrëveshje 10-vjeçare të franshizës, është e arsyeshme të presësh që të operosh përmes ndryshimit të ekonomive dhe tregjeve. Disa koncepte të franshizës janë më të prekshme nga këto ndryshime sesa të tjerët. Cilat industri po shikoni? Sa janë shitjet e tyre të lidhura me ekonominë? A janë ato një “shërbim thelbësor”? A mbështeten në një përvojë fizike apo mund t’u shërbehet klientëve në distancë? Asnjë biznes nuk do të lulëzojë në të gjitha kushtet, por shpresojmë se ju mund të gjeni një që mund të jetë fitimprurës në shumicën e situatave.
Çfarëdo që të vendosni, filloni kërkimin tuaj brenda vetes. Jini të qartë për stilin e jetës që dëshironi dhe atë që është e rëndësishme. Askush tjetër nuk mund ta bëjë këtë zgjedhje me vendosmëri. Mos harroni se edhe nëse jeni të suksesshëm financiarisht, do të paguani një çmim për këtë fitim. Do t’ju kushtojë kohë që nuk do ta ktheni kurrë më. Por nëse zgjidhni me zgjuarsi, do ta përmirësoni jetën tuaj ndërsa kaloni kohën më të bukur të jetës suaj.
