Numri i ATM Bitcoin në mbarë botën u rrit me 150% në 2 vitet e fundit sipas të dhënave të kompanisë norvegjeze të shërbimeve financiare AksjeBloggen.
Që nga prezantimi i ATM-së së parë në 2013-ën, rreth 8 mijë makineri tashmë janë instaluar në 75 vende të botës, duke treguar një rritje të shëndetshme të industrisë së kriptomonedhave.
Në vetëm 6 muajt e parë të këtij viti janë instaluar 1,713 ATM, pjesa më e madhe në Amerikën e Veriut. Nga fillimi i 2020 6,352 ATM ishin në operim.
Rritja e shëndetshme e sektorit të ATM vjen me një kosto sepse janë bërë shënjestër e autoriteteve rregullatore.
Gjermania, Spanja, SHBA dhe Kanadaja kanë vënë në shënjestër këto ATM, të cilat i shohin si mekanizma për pastrim parash dhe evazion fiskal.
