Sadakaja e pastron shpirtin nga veset e këqija dhe e mbron atë nga shumë fëlliqësira dhe kurthe të shejtanit. Ndër to numërojmë:
Sadakaja e largon njeriun prej vetisë së koprracisë dhe sëmundjes së lakmisë për të cilën na lajmëroi Allahu se mbrojta prej saj është shkak i shpëtimit: “Kushdo që ruhet nga lakmia e vetvetes, me siguri që do të jetë fitues.” (El-Hashr: 9).
Allahu nëpërmjet sadakasë e largon sëmundjen e vetëpëlqimit, mendjemadhësisë, kryelartësisë ndaj të tjerëve dhe të mburrjes para tyre pa të drejtë.
Njashtu sadakaja është një prej shkaqeve që e largon dashurinë e qortuar ndaj vetes dhe e ruan atë që të mos bie në diçka nga adhurimi dhe shenjtërimi i pasurisë dhe kjo bëri që i Dërguari i Allahut, lavdërimi dhe paqja e Allahut qofshin për të, të lutet kundër atij që jepet shumë pas saj duke thënë: “U shkatërrua robi i dinarit, u shkatërrua robi i dërhemit u shkatërrua robi i gunës, u shkatërrua robi i kadifes, u shkatërrua dhe ra tatëpjetë dhe nëse i hyn gjemb në këmbë mos pastë kush t ’ia nxjerrë! ”
Në anën tjetër sadakaja e gdhend moralin, e pastron shpirtin dhe e edukon atë mbi virtyte dhe vlera të larta duke e kalitur shpirtin me bujari e fisnikëri dhe duke e mësuar në flijim, dhënie dhe bamirësi ndaj të tjerëve.
Po ashtu sadakaja njeriun e ngrit dhe i ndihmon të dalë fitimtar karshi shpirtit të tij i cili është fort i prirur për të keqen, e frenon shejtanin e tij dhe i rrit ambiciet e tij. Këtë e arrin duke e lidhur njeriun me Zotin e tij, duke e lidhur zemrën e tij me ahiretin dhe duke e bërë asket në dynja dhe duke e zbehur dashurinë ndaj dynjasë në zemrën e tij.
Në këtë aludon fjala e Allahut:
“Merr nga pasuria e tyre lëmoshë me të cilën t’i pastrosh ata dhe t’ua rrisësh veprat e mira!” (Et-Teube: 103 )87 fjala “pastrosh” në ajet aludon në pastrim nga të ligat, mëkatet dhe morali i keq, dhe fjala “rrisësh veprat e mira” në ajet aludon në zbukurimin e shpirtit me virtyte, vlera, mirësi dhe vepra të mira.
Po të mos kishte vlera dhe mirësi të tjera në sadaka, përveçse asaj që e lidh shpirtin me vepra të cilat e afrojnë njeriun tek Allahu dhe e angazhojnë atë me adhurime do të mjaftonte. Disa nga të parët tanë thanë: “Nga sevapi për një të mirë është bëija e një të mire pas saj, kurse nga shpërblimi për një të keqe është bërja e një të keqes pa saj.”89 E sadakaja është ndër ato më të mirat dhe madhështoret.
