Pallati, arkitektura e të cilit tërheq vëmendjen e turistëve vendas dhe të huaj, është një nga strukturat më të rëndësishme historike të qytetit, pasi ka dëshmuar jetën e sulltanëve osmanë

Pallati Dolmabahçe (Dolmabahçe Sarayı), i cili dëshmoi transformimin kulturor dhe politik të Perandorisë Osmane në Türkiyen e shekullit të 19-të, qëndron ende si një nga strukturat madhështore të periudhës së reformave, të njohur si Periudha e Tanzimatit, raporton Anadolu.

Pallati që ndodhet në lagjen Beşiktaş të Istanbul-it, është një nga simbolet e modernizimit të Perandorisë Osmane. Pallati mirëpriti Sulltan Abdulmexhid më 7 qershor 1856.

Që nga viti 1856, pallati ishte rezidenca e Sulltanëve Abdulmexhid, Abdulaziz, Abdul Hamid, Muradit V, Mehmed V Resadit, Mehmed VI Vahideddin, Kalifit Abdulmexhid dhe Mustafa Kemal Ataturkut.

Pallati, arkitektura e të cilit tërheq vëmendjen e turistëve vendas dhe të huaj, është një nga strukturat më të rëndësishme historike të qytetit, pasi ka dëshmuar jetën e sulltanëve osmanë.

Duke theksuar rëndësinë historike, politike dhe kulturore të pallatit, Presidenti i Pallateve Kombëtare, Yasin Yıldız, tha për Anadolu se “Pallati Dolmabahçe është pallati më simbolik dhe më ikonik i periudhës së Tanzimatit që ekzistonte në 70 vitet e fundit të periudhës osmane”.

“Pallati ka një sipërfaqe prej 360 dekarësh. Shumë prej strukturave të tij kanë mbijetuar deri në ditët e sotme”, tha Yıldız, duke shtuar: “Pallati, i cili pranon afro 1,8 milion vizitorë çdo vit, është një nga muzetë më të rëndësishëm të vendit tonë”.

/aa/