Ripërtërije jetën tënde: ylli i nëntë që duhet kuptuar nga nëntë yjet e suksesit

YLLI NUMËR NËNTË:
RIPËRTËRIJE JETËN TËNDE

“Çdokujt jepja atë që i takon “!
(Muhamedi s.a.v.s.)

Njeriu ka nevoja dhe posedon aftësi, pa marrë parasysh se e pranojmë ne një gjë të këtillë apo jo. Me të vërtetë, ana jonë e brendshme shpirtërore dëshmon vazhdimisht se ne kemi disa nevoja të caktuara. Ato janë vazhdimisht prezente të skalitura në shpirtrat tanë dhe nuk mund të shlyhen. Ato janë shkruar që më herët në filozofinë e jetës dhe qenieve njerëzore. Këto nevoja kanë vend të veçantë. Ato duhet të plotësohen dhe të ripërtërihen.
Yli numër nëntë, ylli- ripërtërije jetën tënde, në të vërtetë është një kapitull që, në një farë mënyre, përfshin të gjitha yjet e përmendur deri tani dhe të gjithë kapitujt e shënuar, për shkak se kapitulli i funditi flet për suksesin që mund të realizohet në praktikë.
Ripërtërije jetën tënde paraqet përgjigjen ndaj brengave dhe nevojave. Ato janë momentet të cilat presim me padurim. Të këshilloj nga zemra qe pasi ta ndiesh se raportet e tua me njerëzit janë të dobëta dhe janë duke u shkatërruar, kur ta ndiesh se është duke u shkatërruar kuptimi dhe misioni i jetës tënde, kur ta ndiesh se fuqia jote shpirtërore është duke u dobësuar në mënyrë të shpejtë, ne të këshillojmë:
“Ripërtërije jetën tënde”.

KATËR POTENCIALE

Çdo njeri posedon katër potenciale. Ato janë: mendja, trupi, emocionet dhe shpirti. Që ta ripërtërish jetën tënde, para se gjithash, duhet t’i njohësh mirë potencialet e tua, e pastaj secilin prej tyre ta dish ta zhvillosh dhe ta përparosh. Po qe se arrin t’i njohësh potencialet e tua, tanimë i ke dhënë dritën jeshile jetës tënde praktike, që me siguri është shumë më e mirë dhe më fleksibile se sa ajo e mëparshmja. Shembulli më i mirë që mund ta theksojmë, në krahasim me potencialet njerëzore, janë muskujt e njeriut. Me të vërtetë, njeriu posedon muskuj dhe fshehtësia e muskujve të mirë dhe efikas qëndron pikërisht në stërvitjen dhe ushtrimet e vërteta dhe të duhura.

Po ashtu, njeriu posedon një potencial të madh: mendjen e tij, dhe po qe se nuk e zhvillon atë dhe nuk i kushton kujdesin e nevojshem, me siguri, do ta dobësojë atë. Gjithashtu, njeriu i cili nuk di të thote madje as dy-tri falë të buta, përmes së cilave do t’iu bëjë dobi të tjerëve, ky asnjëherë nuk do të mund të ketë raporte të suksesshme me njerëzit e tjerë. Pasoja e kësaj është se njeriu i këtillë do të vuajë dhe më në fund do të shkatërrohet (shpirtërisht).

POTENCIALI NUMËR NJË: MENDJA

“Njeriu mund ta zhvillojë mendjene tij në tri mënyra'”.

Mënyra e parë: leximi

Thjesht, në këtë aspekt nuk ke zgjidhje tjetër, sepse medoemos duhet të lexosh shumë. Përmes leximit do të mund të aftësosh logjikën e pastër, elokuencën dhe fuqinë e bindjes të të tjerëve. Duhet ditur se të arsimuarit e përgjithshëm dhe kultura arrihen me ndihmën e librit dhe leximit. Përmes leximit arrihet përqendrimi dhe ndjenja më e mirë. Të gjithë e dinë se fjalët e para të cilat Allahu i Lartëmadhëruar ia shpalli të Dërguarit të Tij të fundit (Muhamedit sal Allahu alejhi ves sel-lem) ishin pikërisht:
“Lexo me emrin e Zotit tënd, i Cili krijoi (çdo gjë)…”. (el-Alek 1).

Mënyra e dytë: liria dhe mëvetësia

Njeriut i nevojitet që të mendojë lirisht në mënyrë të pavarur. Thjesht, askush nuk duhet të logjikojë në vend të dikujt tjetër – madje qoftë babai ose nëna. Gjithsesi, prindërit duhet ta dinë mirë se cili është roli dhe detyra e tyre për t’i ndihmuar femijët që të logjikojnë dhe të mendojnë në mënyrë të pavarur. Vértet, shumë njerëz i shkelin pa mëshirë mendjet dhe mendimet e të tjerëve, duke e përsëritur vazhdimisht stereotipin “Unë jam më i vjetër se ti, pra unë të kuptoj ty më mirë se sa ti mua”. Me fjalë të tjera: ‘ti mos logjiko assesi me kokën tënde, sepse roli yt është që ti të më ndjekësh mua, pa kurrfarë vërejtje dhe në mënyrë të verbër’. Thjesht, ne të gjithë duhet të jemi të vetëdijshëm se njëri nga problemet më të mëdha të botës islame pikërisht është imitimi i verbër (taklid).
“Jo, por ata thanë: “Ne i kemi gjetur të parët tanë në këtë fé dhe vazhdojmë gjurmëve të tyre”. (ez-Zuhruf, 22).

Duhet ditur se imitimi i verbër, ose përcjellja e gjurmëve të tyre, siç na tregon edhe Kur’ani Fisnik, është një argument për të cilin nuk nevojitet kundër-argument. Burimi i imitimit të verbër është të respektuarit e njeriut tjetër dhe, thjesht, këtu nuk përdoret as logjika, as përsiatja.

Mënyra e tretë: të kuptuarit e jetës

Është e domosdoshme që rrethanat e jetës, të cilat mund të jenë të ndryshme, të kuptohen në mënyrë korrekte. Është mjaft e dobishme edhe të shoqëruarit me njerëzit e dijshëm, pra me ata të cilët kanë dituri dhe përvojë të gjatë jetësore. Të këtillët do të mund të të ndihmojnë që t’i kuptosh më mirë rrethanat e ndryshme jetësore, t’i njohësh më mirë realitetet, kështu që të mësosh në mënyrë sa më korrekte se si duhet të gjendemi në situatat e caktuara.

POTENCLALI NUMËR DY: TRUPI

Njeriu e zhvillon trupin e tij në tre mënyra.

E para: aktiviteti

Duhet të jesh aktiv, të kesh kondicion të mirë dhe të bësh ushtrime fizike. Nuk duhet kurrsesi të të kaplojë përtacia dhe sëmundja.

E dyta: ushqimi i shëndetshëm

Mësohu që të zgjedhësh ushqim të shëndetshëm, sepse ai do të të ndihmojë në shumë gjëra kur është fjala për shëndetin e trupit
tënd. Po ashtu, mësohu që ta njohësh trupin tënd, njihi dhe konsumo artikujt ushqimorë të cilët i nevojiten trupit tënd. Si për shembull,
përgatite menynë tënde javore që do t’i pëlqejë dhe do t’i përshtatet shendetit të trupit tënd.

E treta: besimi dhe të pranuarit e humbjes

Vetvetiu ky operacion është stërvitje shpirtërore. Përmes kësaj do të mund që ta jetosh në mënyrë të matur secilin segment të jetës tënde.
Përkujto vetëm betejën e Uhudit, ku fillimisht muslimanët pothuajse pësuan disfatë, e më pas u zgjua fryma e vërtetë e besimtarëve muslimanë. Në të vërtetë, të gjithë ata të cilët morën pjesë në betejën e Uhudit dhe të cilët ndien dhembje, e mësuan shumë mirë mësimin e jetës, e kështu nga kjo betejë dolën si fitues. Pra, njeriu mund te mësojë më së shumti dhe më së miri nga gabimet e tij personale, me kusht që ta pranojë humbjen në mënyrë të denjë dhe korrekte, ndërsa ata të cilët janë mendjemëdhenj dhe nuk e pranojnë asnjëherë humbjen, ata një ditë do të shkatërrohen plotësisht.

Rregulla e menaxhuesit

Udhëheqës i suksesshëm i punës (drejtues i suksesshëm): asnjëherë mos e dëno punëtorin tënd për shkak të gabimit. Përkundrazi, ndëshkoje vetëm për shkak të përsëritjes së gabimeve. Ndëshkoje vetëm nëse është prej atyre që nuk ofron iniciativa dhe prej atyre që
nuk orvatet dhe mundohet me të gjitha mënyrat.
Prandaj, lejoji njerëzit të punojnë. Kush punon, edhe gabon.
Nuk ka dyshim se të drejtët do të mësojnë nga gabimet e tyre.

POTENCIALI NUMËR TRE: EMOCIONET

Emocionet qëndrojnë në parimet e sinqerta dhe të vërteta, të cilat lindin nga qetësia dhe siguria e brendshme. Siguria e dëshiruar nuk është ajo që mendojnë të tjerët për neve, e as pasojë e bashkëpunimit tonë me të tjerët, e as që na vjen nga tekstet të cilat i kemi trashëguar, e as që na vjen për shkak të punës dhe aftësisë sonë. Përkundrazi, siguria e deshiruar lind nga brenda dhe buron nga parimet themelore të cilat janë të skalitura thellë në mendjet dhe në zemrat tona. Siguria është pasojë e jetës që është përplot dashuri, e jetës në të cilën ekziston vullneti për t’iu ndihmuar të tjerëve në mënyra të ndryshme, sipas së cilave ndjenjat e dashurisë së sinqertë ndërmjet njerëzve vetëm përforcohen.
Përforcimi i ndjenjës së dashurisë së sinqertë ndërmjet njerëzve mund të krahasohet me llogarinë në bankë. P.sh. nëse ti ke hapur një llogari bankare dhe vazhdinmisht tërheq para nga ajo llogari bankare, pas një periudhe të shkurtër do të vëresh se do të mbetesh pa para në bankë.

Logjiko për raportet e tua me njerëzit në këtë mënyrë.
Çdo fjalë e ashpër, të cilën ia drejton bashkëbiseduesit tënd, është si të marrësh para nga llogaria jote bankare. Çdo gabim të cilin e bën ndaj mikut tënd është njëlloj sikur të marrësh para nga llogaria jote bankare. Çdo premtim të cilin e kë dhënë, mirëpo nuk e ke përmbushur, gjithashtu është sikur të marrësh para nga llogaria jote bankare. A mund ta paramendosh se pas këtyre sjelljeve dhe gabimeve mund të presësh dashuri dhe migësi?!
Prandaj, po qe se dëshiron të mbjellësh vlera dhe parime të vërteta njerëzore tek ndonjë njeri, po qe se dëshiron ta ndryshosh sjelljen e tij drejt më të mirës, atëherë vetëm urdhëro dhe paraqitja vetes llogarinë bankare dhe menjëherë do ta dish rezultatin e orvatjeve dhe punës tënde.

Ne dëshirojmë të të mësojmë se ekzistojnë vepra të caktuara të cilat e zmadhojnë llogarinë tënde bankare, ashtu siç ekzistojnë vepra të caktuara të cilat shkaktojnë zvogëlimin e llogarisë tënde bankare.

Ligji i korrjes

Jeta na mësoi se vërtet ekziston kohë e volitshme për t’i mësuar njerëzit e tjerë, mirëpo ekziston edhe kohë që është e pavolitshme për t’i mësuar të tjerët. Kur raportet janë ftohur, kur pjesëmarrësit në bisedë janë të tensionuar dhe të hidhëruar, në rrethana të këtilla është vështirë dhe pothuajse e pamundur që ti mësojmë të tjerët
Po qe se shpenzon para nga “llogaria jote bankare”, të cilat më herët i ke kursyer te miku yt, atëherë ji i sigurt se raportet e tua do të përfundojnë në mënyrë të pasuksesshme. Me këtë shkohet edhe deri te zhdukja e ndjenjave pozitive ndërmjet miqve dhe shokëve.
Përkundrazi, ai i cili mbjell fjalën e mirë tek miqtë e tij, e më pas i kultivon dhe i përparon ato, atëherë do të korrë edhe raporte të mira dhe të shkëlqyera me miqtë e tij. Aii cili nuk mbjell fjalë të mirë dhe nuk deponon asgjë në “llogarinë e tij bankare”, atëherë le të mos presë asgjë të mirë nga miqtë dhe shokëte tij.

POTENCIALI NUMËR KATËR:

Potenciali i shpirtit tek njeriu është pikërisht ai i cili e ndihmon atë që të zhvillohet, të përparojë, të përmirësohet dhe të përmbahet nga fatkeqësitë. Duhet ditur se fuqia e shpirtit, së bashku me fuqinë e fesë, e ndihmojnë njeriun që të qëndrojë dhe të ecë në Rrugë të Drejtë, madje edhe sikur çfarëdo problemi dhe çfarëdo trysnie të përjetojë në jetë. “Vetëm nëse ti nuk je i hidhëruar me mua, tjetra nuk më intereson”.

Ekuilibrim i suksesshëm

Ekuilibrim i suksesshëm do të thotë atëherë kur njeriu logjikon dhe i analizon parimet, principet dhe vlerat e jetës së tij, si dhe i studion raportet e tij me miqtë me të cilët i ka ndërprerë lidhjet më heret. Ai vazhdimisht duhet ta pyesë ndërgjegjen e tij, duhet të bartë llogari për besimin dhe ibadetet, duhet ta studiojë zemrën e tij dhe t’i studiojë raportet e tij me Allahun e Lartëmadhëruar. Ekuilibrimi suksesshëm është edhe kur njeriu bart llogari për jetën pas vdekjes dhe brengoset vërtet për gjendjen e gjinisë njerëzore.

Në të vërtetë, baraspesha më e nevojshme për njeriun, e cila është krejtësisht e sigurt, e padyshimtë, e mirë dhe efikase, është në institucionin e namazit. Pra gjendja kur njeriu gjendet në vetmi me Allahun e Lartëmadhëruar dhe atëherë kur kërkon të mira nga Zoti:
“Per ata që Allahun e përmendin me përkujtim kur janë në këmbë, kur janë ulur, kur janë të shtrirë dhe thellohen në mendime rreth krijimit të qiejve e të tokës (duke thënë): Zoti ynë, këtë nuk e krijove kot, i lartësuar qofsh, ruana prej dënimit të zjarrit”! (Ali Imran, 191).

Vërtet, njeriu ka shumë nevojë që të mendojë për Librin e Allahut, për Kur’anin Fisnik. Libri i Allahut është shpirt i nevojshëm i cili e frymëzon njeriun drejt tejkalimit të të gjitha pengesave jetësore.
Kurani është burim i çdo suksesi. Duke iu përmbajtur mësimeve të tij realizohen plane dhe projekte të suksesshme, sepse vetëm përmes këtij Libri njeriu mund të arrijë fitore në konfliktet e brendshme. Më pas, Kurani të ofron qetësi të plotë dhe, këtë, njeriu mund ta arrijë vetëm nëse i dëgjon apo i mëson sinqerisht ajetet kuranore. Prandaj, të këshilloj që t’i lejosh ajetet kuranore që të depërtojnë në zemrën tënde, kështu që ta adhurosh Allahun duke lexuar Kuran në mënyrë të rregullt, e që përmes tij të bëhesh edhe pjesëmarrës në ndryshimin e shekullit të njëzetenjëtë drejt më të mirës.

Absolutisht ska dyshim se çdo shpirt i cili dëshiron të bëjë çfarëdo të mire në shekullin e njëzetenjëtë, duhet ta kalojë një pjesë të kohës pranë Kur’anit, si dhe të largohet për një kohë nga deryrimet e kësaj bote, nga zhurma e jetës dhe nga brengat e parëndësishme të
cilat e rëndojnë jetën pa nevojë.

Pra, që të bëhesh pjesë e ekipit shkathtësia e suksesit, deryra jote është – para se gjithash – durimi, më pas qëndrueshmëria dhe mposhtja e të gjitha pengesave dhe sfidave të cilat do të të dalin në këtë rrugë.

Me këto karakteristika do ta përforcosh shpirtin tënd dhe do të shkaktosh ndezjen e fitilit i cili do të ta ndriçojë rrugën drejt shkathtësisë së suksesit. Masa dhe harmonia ndërmjet katër potencialeve të elaboruara të cilat ti i posedon, do të ta garantojnë biletën për të udhëtuar drejt suksesit të shekullit të njëzetenjëtë.

Afrimi i fundit të “udhëtimit”

Më pas: Vëllai im i dashur!
Mos konsidero se ke mbërritur deri në fund të këij udhëtimi.
Përkundrazi, ky është vetëm fillimi i fundit të udhëtimit. Duhet ta dish se ekzistojnë shumë fillime për rrugën drejt shkathtësisë së suksesit.
Prandaj, lufto që të jesh i pari, të arrish atë të jashtëzakonshmen, t’i hapësh muret e fortifikuara, t’ua ndriçosh rrugën të devijuarve.
Vërtet, suksesi nuk është vetëm ndonjë parullë e cila duhet ngritur që të duket. Suksesi nuk është vetëm një thirrje e rëndomtë.
Përkundrazi, suksesi është mënyra e plotë e jetës së fitimtarit. Suksesi është drita shkëlqyese e cila depërton brenda dhe e lëviz jetën sërish.
Suksesi e shndërron njeriun e rëndomtë në një fitimtar të madh, në një personalitet i cili ka qëllimin dhe misionin e tij.
Prandaj, zgjidhe dhe gjeje veten ndërmjet këtyre dy kategorive të njerëzve. Ne tanimë të kemi sugjeruar dhe të kemi treguar më shumë se sa është e nevojshme. Ti dëshiron sukses të vërtetë në shekullin e njëzetenjëtë për arsye se ky udhëtimi yt i dashur është një udhëtim në të cilin nisen vetëm njerëzit e guximshëm dhe të vlefshëm.

Pra, ti je një yll i ardhshëm, një personalitet i ardhshëm. Thjesht, lavdia të takon ty, prandaj ngrite zërin tënd dhe ftoji miqtë e tu në udhëtimin drejt suksesit. Mbille farën e shpresës ndërmjet miqve të tu dhe orientoji ata drejt ekipit të shkathtësisë së suksesit ashtu që së bashku të arrini sukses.

Detyra jote është që të fillosh menjëherë dhe pa hamendje. Suksesi është shpresë në të ardhmen; suksesi është dritë që shkëlqen. Fitorja do të vijë, sepse edhe gjenerata e njerëzve të suksesshëm është duke ardhur.

YLLI QË PRESIM

Pasi errësohet plotësisht, më vonë pason agimi dhe drita. Po, vërtet, ne po presim yllin e ardhshëm. Yllin i cili, pasi që të paraqitet, nuk do të shuhet. Presim ylin e shekullit të njëzetenjëtë. Presim yllin e dhjetë i cili do ti plotësojë këto nëntë yjet tona të cilat e kanë domethënien e suksesit, e ai yll i dhjetë, që do të thotë sukses, është zemzemi i suksesit.
Shpresojmë në yllini cili do t’ia ofrojë mbarë njerëzimit porosinë më fisnike dhe projektin më të mirë të mundshëm të shpëtimit, ashtu që banorëve të këtij planeti t’ua largojë vështirësitë, dhembjet, fatkeqësitë dhe pakënaqësitë dhe t’i çojë ata drejt fatit, suksesit, shpresës dhe mirëqenies.

Le t’ia lëmë këtë vendim përfundimtar Allahut të Lartëmadhëruar që të na e dhurojë atë që e dëshirojmë dhe atë burim të ëmbël i cili nuk shteret asnjëherë, njësoj sikurse burimi zemzem i cili i është nënshtruar me dëgjueshmëri dha pa kurrfarë kundërshtimi vullnetit të Allahut.

Vertet, burimi zemzem është uji i parë në botë, uji më i vlefshëm në botë, uji i dhuruar nga Allahu, uji të cilin e dashurojnë shpirtrat dhe uji më i çmueshëm se të gjitha ujërat e botës. Zemzemi është një shenjë e dhuratës së Zotit, një shpërblim dhe mëshirë nga Allahu për çdonjërin i cili është i gatshëm që të qëndrojë në kufijtë e durimit. Allahu i Lartëmadhëruar ia dhuroi këtë burim, si një dhuratë të çmueshme, Haxheres (shpëtimi i Allahut qoftë mbi të), në mes të shkretëtirës, atëherë kur ajo qëndronte në kufijtë e durimit dhe me besim të plotë thoshte: “Allahu nuk do të na braktisë neve”.

Po ashtu, Allahu i Lartëmadhëruar, çdonjërit prej nesh që është besimtar i sinqertë dhe i vërtetë, e që është i gatshëm të shkojë me durim deri në kufijtë e fundit, i ka dhuruar në zemër burimin që quhet zemzemi i suksesit.

Të Dërguarit të Allahut salallahu alejhi ue selem ia pastruan mushkëritë me ujin zemzem, e kështu ai u mbush me dituri, urtësi dhe me besim të vërtetë tek Zoti Një. Zemrën më të pastër dhe më të suksesshme të gjinisë njerëzore e kanë larë me ujin zemzem, e kështu ajo u bë edhe më e pastër dhe më e sinqertë. Pra, ai person u bë njeriu i cili e mësoi mbarë njerëzimin, sepse ai ishte vërtet i Dërguari i Allahut dhe ishte mëshirë e Allahut për të gjitha botët.

Por, edhe ti lexues i nderuar i këtyre rreshtave je reformatori i ardhshëm i mbarë njerëzimit. Me të vërtetë, zemezemi ka filluar si ndihmë për njerëzit, por edhe sot e kësaj dite ai është ndihmë për njerëzit, edhe sot e kësaj dite në këtë ujë ekziston bereqeti dhe begatia për njerëzit, madje edhe në të ardhmen te ky ujë do të ekzistojë bereqeti dhe begatia për njerëzit.

Gjithashtu, edhe ti lexues i nderuar, nëse nuk ke munguar deri më tani, nëse nuk ke humbur dhe je këtu prezent, dije se ti je ylli i ardhshëm. Tani po vjen koha jote dhe dije se uji i zemzemit është uji yt.

ZEMZEMI I SUKSESIT

Zemzemi i suksesit është një ndjenjë e ngrohtë dhe e dashur për njeriun. Duhet të besosh se zemzemi do t’i pastrojë shumëzemra dhe do t’i nxjerrë ato nga errësira e mëkateve dhe e mossuksesit në dritën e shpresës dhe suksesit. Ti je ai i cili do t’ua kthesh shumë njerëzve vlerën e vërtetë jetësore.

Ky udhëtim nuk është i lehtë. Ky udhëtim kërkon shumë sakrificë. Këtë udhëtim i Dërguari i Allahut, Muhamedi salallahu alejhi ue seleme filloi me ujin zemzem atëherë kur ia hapën gjoksin dhe ia pastruan zemrën. Prandaj, edhe ti pastroje zemrën tënde dhe filloje punën, sepse ti je ylli i ardhshëm i suksesit zemzem.

Ti je ylli të cilin e presim me plot dëshirë. Ti je ylli i suksesit zemzem. Prandaj, shkruaje emrin tënd me shkronja të arta dhe bashkohu me ekipin shkathtësia e suksesit.
Tani ngriji duart dhe shikimin tënd drejt qiellit, thuaj lutjet dhe kërko që të bëhesh njëri nga banorët e mëshirës së Zotit. Neve na mbetet që të të themi edhe këtë që vijon: “O ti i fuqishmi i dobët! Fillo të punosh, merr abdes me ujë zemzemi, beso në aftësitë e tua, mbështetu tek Zoti yt dhe bashkohu me ekipin shkathtësia e suksesit’.

KËSHILLA PËR PËRGATITJEN E SUKSESIT ZEMZEM

Thjesht, ne nuk dëshirojmë të bëhemi si një grumbull akulli i cili nuk ka kurrfarë vlere e as dobie. Me qëllim që t’i realizojmë potencialet dhe mundësitë tona me ndihmën eAllahut, atëherë medoemos duhet që t’i absorbojmë dhe t’i mësojmë në mënyrë sa më efikase njëzet e një këshillat të cilat do të na ndihmojnë shumë në rrugën e përgatitjes drejt suksesit zemzem dhe suksesit të shekullit të njëzetenjëtë.

Të përgatitemi me parullën: “Sa suksesi mahnitës dhe i madh është ky, që njerëzit të vijnë pas”!!

Këshilla numër një: Shkathtësitë e kreativitetit dhe arritjes së suksesit ekzistojnë në vetveten tonë, e ne duhet vetëm të gjejmë ujë të pastër me të cilin do t’i ujisim farërat e shpresës në shpirtrat tanë.

Kështu do ta ngremë flamurin e shkathtësisë së suksesit.

Këshilla numër dy: Lejojini njerëzit që ata vetë t’i planifikojnë dhe t’i hartojnë jetët e tyre. Le të mendojnë dhe të logjikojnë vetë ata me kokat e tyre. Misioni ynë është që t’iu ndihmojmë njerëzve në atë rrugë. Me këtë, ne do të shprehim besimin ndaj tyre. Vetëm në këtë mënyrë ata mund t’i manifestojnë karakteristikat, shkathtësitë, inteligjencën dhe aftësitë e tyre, e kështu edhe të arrijnë suksese të caktuara. Rëndom, ne nuk mund t’i detyrojmë ata që të na ndjekin dhe të na imitojnë në mënyrë të verbër. Është e domosdoshme që njerëzve t’iu ofrojmë mundësi dhe t’iu ofrojmë lirinë e shprehjes, me
qëllim që edhe ata të arrijnë sukses të veçantë gjë që ka shumë rëndësi për ta, sepse edhe ata janë krijuar për sukses.

Këshilla numër tre: Kjo porosi është për prindërit. Deryrë e jona është që t’i edukojmë brezat e rinj. Mësohu të qëndrosh afër fëmijëve të tu, mëso që të pyesësh për problemet, dëshirat dhe synimet e tyre. Mos i dëno dhe mos u largo prej tyre. Duaji sinqerisht fëmijët e tu, duaji pa kurrfarë kushtëzimesh, duaji pa kufij.

Këshilla numër katër: Prej teje duam dëshirë të madhe dhe të sinqertë, dëshirë për ndryshimin e shprehive të shëmtuara dhe të këqija në shprehi të mira dhe të shëndosha. Prej teje kërkojmë sakrificë, vendosmëri, qëndrueshmëri. Po qe se vepron në këtë mënyrë, tanimë e ke bërë hapin e parë drejt suksesit zemzem.

Këshilla numër pesë: Mbaje mend mirë këtë ajet të Kur’anit dhe përsërite vazhdimisht. Ky ajet është sekreti i suksesit:”…Allahu nuk e prish gjendjen e një populli (nuk ua largon të mirat) përderisa ata ndryshojnë veten e tyre…”
(er-Rad, 11).

Këshilla numër gjashtë: Prej këtij momenti vendos që të jetosh pikërisht sipas ndërgjegjes tënde, sipas qëndrimit tënd. Mos shko pas hipokrizisë dhe përtacisë, vese këto të cilat janë mjaft prezent në shoqërinë tonë. Mëso që të qëndrosh në vetmi dhe ta dëgjosh ndërgjegjen tënde. Planifikoji disa momente vetëm për veten tënde, me qëllim që të mbetesh vetëm dhe me qëllim që ta dëgjosh shpirtin tënd, unin tënd të brendshëm. Pasi të mbetesh në vetmi dhe të arrish me sinqeritet deri te ndërgjegjja jote, deri te shpirti yt, atëherë parashtroja vetes pyetjen që vijon:
“A jam unë fatlum” Vepro ashtu siç të nxit ndërgjegjja jote.

Keshilla numër shtatë: Mësohu që t’iu ndihmosh të tjerëve. Kjo është një karakteristikë me të cilën, gjatë periudhave të ndryshme kohore, janë stolisur të gjithë njerëzit e famshëm. Njëkohësisht kjo karakteristikë është edhe njëra nga fshehtësitë më të mëdha me ndihmen e të cilës njerëzit e famshëm u regjistruan në histori. Sa ndjenjë e bukur është kur i ndihmon ndonjërit, kur i jep atij guxim, kur kultivon ndjenjën e mirë ndaj tij, kur ia bën me dije se ti qëndron afer tij, kur ndërton besimin reciprok, kur zgjon në zemrën e tij shpresën, kur e dashuron, si dhe kur ia shpreh dashurinë e sinqertë dhe të pastër kur
je duke i ndihmuar, gjë për të cilën nuk kërkon ndonjë kompensim.

Këshilla numër tetë: Njihe veten tënde, njihi aftësitë, mundësitë dhe shkathtësitë e tua. Njihe veten tënde dhe dije se ti nuk je askush tjetër, përveçse ti. Më pas mësohu të ngjitesh në shkallët e suksesit dhe përfundimisht mësohu të kënaqesh në suksesin e shekullit të njëzetenjëtë.

Këshilla numër nëntë: Mësoje gjuhën e zërave të brendshëm. Përmes njohjes së zërave të brendshëm do të mund ta njohësh njeriun pranë teje, madje do të mësosh se si mund ta realizosh ndikimin ndaj tij. Gjithashtu, tejkaloji fijalët: “Ai nuk më kupton mua”, madje edhe nëse komunikon me femijët. Ndaj fëmijëve sillu në harmoni me aftësitë e tyre dhe bëhu i durueshëm me ta.

Keshilla numër dhjetë: Këshilla numër dhjetë i dedikohet veçanërisht prindërve. Mbillni tek fëmijët tuaj farën e principeve dhe vlerave të vërteta jetësore. Këtë do të mund ta arrini vetëm po qe se, që nga fillimi, keni kultivuar dhe zhvilluar raporte të shkëlqyera familjare, keni mbjellë dashuri dhe ndjenja të bukura. Le të jetë shtëpia juaj përplot respekt ndaj anëtarëve të tjerë të familjes. Le të ndiejnë femijët tuaj dashurinë, ngrohtësinë dhe butësinë. Vetëm përkujtoni llogarinë bankare për të cilën kemi biseduar më lart në këtë libër. Gjithashtu, përsëriteni në mënyrë kualitative këtë mësim dhe përcillini udhëzimet e tij gjatë raporteve me fëmijët tuaj. Bëhuni të sigurt se nuk do të keni nevojë për të kërkuar ndihmë nga të tjerët për t’i zgjidhur problemet everntuale në shtëpinë dhe në familjen tuaj. Ejani ta ngremë së bashku gjeneratën e re, gjeneratën e fëmijëve tanë, gjeneratën e suksesit zemzem.

Këshilla numër njëmbëdhjetë: Binde veten tënde se edhe zemra jote është pronare e dashurisë pa kufij. Lejoji të tjerët që të jetojnë vetë dhe dije mirë se çdo individ posedon energji të madhe dhe potencial të madh, që ndoshta nuk mund të ekzistojë tek ndonjë tjetër.

Prandaj, pranoji në mënyrë të sinqertë të tjerët, mos u grind me ata kur bëhet fjalë për dashurinë. Bashkëpuno mirë me miqtë e tu dhe, në këtë mënyrë, ndërmjet jush do të lindë besimi i fuqishëm.

Këshilla numër dymbëdhjetë: Medoemos duhet ta dish se çelësi i suksesit të të gjitha raporteve të tua të mira me të tjerët është vetëm pyetja: “”Cili është qëllimi yt”? Thjesht, kjo pyetje duhet të vijë nga brenda, nga shpirti yt. Misioni i kësaj pyetjeje është zhdukja e hipokrizisë, e paraqitjes së rrejshme, e shtirjes gjatë komunikimit me të tjerët… Parashtroja vazhdimisht vetes tënde pyetjen: “Cili është qëllimi im”?

Këshilla numër trembëdhjetë: Mëso se suksesi fillon nga brenda dhe manifestohet jashtë në praktikë.
Prandaj, fillo menjëherë ta ëndërrosh suksesin tënd. Jeto për suksesin tënd, ushqeje me ambiciet e tua personale, me synimet dhe me planet e mëdha që ke. Assesi mos u habit po qe se ia rezervon vetes tënde një vend në librin e njerëzve të famshëm pas vdekjes tënde.

Keshilla numër katërmbëdhjetë: Dije se suksesi e mbulon këtë botë. Suksesi është diçka e botës tjetër. Suksesi është i vërtetë dhe zgjat çdo herë. Suksesi është fakt i cili na flet se qellimi i vrapimit gjendet në kopshtet e xhenetit.

Këshilla numër pesëmbëdhjetë: Sërish të këshillojmë: “Mësoje mirë gjuhën e ndjenjës sepse është ligj i natyrës, ligj i cili mbisundon
ndërmjet njerëzve”. Mësoje mirë, e më pas mësoji edhe miqtë e tu.
Mos u bëj kokëfortë, mos lufto kundër natyrës së gjinisë njerëzore. Natyra të këshillon që të kërkosh zgjidhje në mënyrë graduale, të përmbahesh nga zgjidhjet e rrejshme dhe se zgjidhjet e shpejta nuk janë të vlefshme. Gjithashtu, tejkaloji fitoret dhe sukseset të cilat t’i
dhurojnë. Përsosu në gjuhën e ndjenjave, ndërsa dituritë dhe aftësitë e tua përcilli tek miqtë e tu.

Këshilla numër gjashtëmbëdhjetë: Gjejë masën në kryerjen e roleve dhe detyrave të tua. Gjeje masën gjatë zgjidhjes së problemeve.

Bëhu i matur kur punon. Njihi aftësitë e tua. Gjeje masën atëherë kur t’iu japësh të afërmve dhe atyre që janë më larg. Bëhu njeri i matur dhe mesatar. Gjeje masën ndërmjet urtësisë dhe guximit, ndërmjet ashpërsisë dhe mëshirës. Njihe maturinë si dhe mënyrën e saktë të përcaktimit të aftësive dhe qëllimeve të tua. Kjo do të të sigurojë qetësi dhe kënaqësi shpirtërore.

Këshilla numër shtatëmbëdhjetë: Ti je ai i cili zgjedh. Liria jote nuk ka çmim, sepse, thjesht, nuk është në shitje. Ke vetëm dy zgjidhje: ose do të veprosh sipas bindjes tënde dhe sipas vendimeve të tua, ose do t’iu lejosh të tjerëve që ta hartojnë jetën tënde.

Këshilla numër tetëmbëdhjetë: Së pari merru me gjërat që janë prioritare, sepse kjo është traditë dhe shprehi e çdo njeriu të suksesshëm. Të gjitha luftërat tona, të gjitha vështirësitë tona janë rezultat i keqkuptimit të prioritereve. Thjesht, shkojmë pas çdo sendi, e kjo është e gabuar. Prandaj edhe nuk i kuptojmë prioritetet. Hapi i
parë drejt të kuptuarit të prioriteteve është fjala e njohur tanimë, të cilën edhe ti duhet ta mbash mend dhe ta thuash: “Jo, më vjen keq”.

Natyrisht, në një mënyrë të bukur dhe të sjellshme.

Këshilla numër nëntëmbëdhjetë: Mëso parimin: “Unë jam i paditur”. Dije se edhe ai që është pranë teje ndoshta di diçka që ti nuk e di. Prandaj, logjiko në mënyrë pozitive, gjej zgjidhje të cilat do t’i kënaqin të gjitha palët, duke filluar nga motoja: “Njerëzit janë baza”.

Këshilla numër njëzet: Tanimë të shoh në majë. Në malin e të kuptuarit të sinqertë dhe të vërtetë. Parulla jote është: “Allahu nuk i krijoi njerëzit që unë t’i zhvlerësoj”. Tanimë të shoh në majë, në malin e heshtjes së thellë dhe të respektit të sinqertë ndaj të tjerëve.
Parulla jote është: “Dëshiroj të arrij deri tek e vërteta” Tanimë të shoh në majë, në malin e udhëheqjes së suksesshme të dialogut me të tjerët, shkathtësitë të cilat që moti nuk janë prezent në shoqërinë tone. Parulla jote është:
“Ne nuk i posedojmë mendjet e të tjerëve, megjithatë posedojmë rrigët të cilat shpien drejt dyerve të mendjes së njerëzve”.

Këshilla numër njëzetenjë: Kërko ndihmë nga Allahu i Plotëfuqishëm dhe mos u largo, mos u dobëso. Lidhu fuqimisht me Krijuesin dhe përmende vazhdimisht Atë. Dije se suksesi është një proces i vështirë, mirëpo ndihmësi më i mirë në atë rrugë është Allahu i Lartëmadhëruar. Prandaj, përsëriti vazhdimisht thënien:
“ O Allahu im, shpresoj në mëshirën Tënde, prandaj të lutem Ty të mos më lësh vetë as aq sa zgjat një lëvizje e syrit. Të lutem ma përmiso gjendjen time në çdo aspekt. Vetëm Ti je Zot”.
“ O i Gjallë inpërgjithmonshëm. O Mbikëqyrës i çdo gjëje! Kërkoj ndihmë në mëshirën Tënde. Ma përmirëso tërë gjendjen time dhe mos më le të mbështetem në veten time, as sa një lëvizje e syrit.”

Si të arrihet suksesi | Fejsal Omer Mahfuz Bashrahil

Dialogu i zhvilluar me sukses: ylli i tetë që duhet kuptuar nga nëntë yjet e suksesit

YLLI NUMËR TETË:
DIALOGU I ZHVILLUAR ME SUKSES

“Duhet ta dimë se ne nuk jemi pronarë të mendjeve të të tjerëve, por mundemi të bëhemi vetëm pronarë të rrugëve të cilat shpien deri tek dyert e mendjes së të tjerëve. Ndoshta na është e ndaluar që të hyjmë tek ato, ndoshta mund edhe të hyjmë, megjithatë nuk duhet të na ndodhë që të na gostitin mendjet e të tjerëve, e që ne të mos arrijmë të realizojmë sukses dhe dialog të besueshëm me ata”.
(Nesibe el Mutavva).

Nëse dëshiroj ta mësoj ndonjërin që të bëhet një inxhinier i suksesshëm dhe profesionist në fushën e elektroteknikës, atëherë do të duhet që ta mësoj atë në mënyrë shumë profesionale dhe të shkëlqyer, pra duhet t’ia mësojë mirë zanatin se si duhet të riparohen makinat e ndryshme elektrike, etj. Njëlloj është edhe me arritjen e suksesit. Medoemos ai duhet të trajnohet mirë për çështjen e zhvillimit të dialogut me të tjerët. Anëtari i ekipit të shkathtësisë së suksesit medoemos duhet të dijë ta udhëheqë dialogun i cili do t’i mundësojë të depërtojë në thellësitë e shpirtit të bashkëbiseduesit, medoemos duhet t’i
njohë fshehtësitë e tij dhe ta gjejë rrugën deri te rezultati i kërkuar. Natyrisht, e gjitha kjo mund të arrihet vetëm nëse e ke plotësuar shkathtësinë e zhvillimit të dialogut me tëtjerët.
Vërtet, qëllimi primar në zhvillimin e dialogut është që ti të dish ta bindësh bashkëbiseduesin tënd që gabimin ose të pavërtetën e tij të mëhershme ta largojë dhe ta pranojë të vërtetën, ndërsa bashkëbiseduesi yt të mos e brengosë ndjenja se ti je më i fuqishëm se ai dhe se për shkak të shkathtësisë tënde e ka ndryshuar qëndrimin tij të gabuar.

BËHU I AFTË NË ZHVILLIMIN E DIALOGUT

Se si duhet të zhvillohet në të vërtetë një dialog apo një bisedë e suksesshme me njerëzit e tjerë, do të mund ta shohim nga Libri i Zotit të botëve, si dhe nga praktika (sunna) e të Dërguarit të Tij, Muhamedit (salAllahu alejhi vesel-lem). Allahu i Lartëmadhëruar në Kur’anin Fisnik na drejtohet përmes principit të dialogut dhe vërtet i paraqet edhe qëndrimet e njerëzve në një mënyrë të jashtëzakonshme.

Natyrisht, duhet ditur se vetë Allahu ka mundur që edhe t’i mos i përmendë ato në Kur anin Fisnik, ndërsa ne njerëzit, edhe krahas mangësive dhe dobësive tona, edhe pse i njohim në mënyrë sipërfaqësore njerëzit e tjerë, orvatemi fuqimisht dhe me çdo kusht që t’i bindim bashkëbiseduesit tanë në qëndrimet tona, madje duke mos zgjedhur mënyrën dhe mjetet.
Me të vërtetë, dashuria dhe butësia gjatë sjelljeve dhe kontakteve me njerëzit e tjerë paraqet themelin e etikës. Dashuria dhe butësia mund të na sjellin vetëm mirësi, madje ato mund ta zbukurojnë dhe ta përmirësojnë cilëndo situatë. Po ashtu, nëse dashuria është prezent në bisedën dhe dialogun tënd me të tjerët, atëherë ajo do të të ndihmojë që t’i shohësh problemet në një mënyrë mjaft të qetë dhe që të kesh një qasje dhe kuptueshmëri të sinqertë ndaj bashkëbiseduesit, i cili eventualisht mban ndonjë qëndrim të gabuar. E njëjta dashuri do t’i ndihmojë bashkëbiseduesit që t’i tejkalojë në mënyrë të njerëzishme dhe fisnike gabimet dhe qëndrimet e devijuara. Gjithashtu, përnmes një bisede të këndshme dhe të butë arrihet deri te lidhjet e shkëlqyera dhe të fuqishme ndërmjet njerëzve të cilët bisedojnë. Kështu që urtësia dhe mirësia dalin në pah dhe informatat ndërmjet biseduesve do të këmbehen në një mënyrë të shkëlqyer, prej zemrës në zemër, prej mendjes në mendje.

Medoemos duhet të dini një të vërtetë mjaft të rëndësishme, e ajo është se ekziston një largësi e caktuar ndërmjet mendjes sonë dhe mendjes së bashkëbiseduesit tonë. Nëse e zhvlerësojmë këtë pengesë, atëherë nuk do të kemi fuqi që ta kalojmë as pragun e derës, madje edhe nëse e kalojmë atë prag, krahas zhvlerësimit të përmendur, ne assesi nuk do të kemi fuqi që të bëjmë çfarëdo ndryshimi për të mirë në aspektin e qëndrimit dhe mendimit tek bashkëbiseduesi jonë.

RASTI PËR DIALOG

Sipas disa hulumtimeve është arritur në përfundimin se njeriu i cili ka marrë informacione përmes të dëgjuarit, është i aftë për të mbajtur mend vetëm 13% të informatave të atilla në një periudhë prej një muaji, ndërsa i njëjti person, gjithashtu në një periudhë prej një muaji, ka aftësi që të mbajë në mend deri në 70% të informacioneve, të cilat i ka marrë përmes të të parit. Të dhënat më interesante të këij studimi tregojnë se njeriu ka aftëi që, në një periudhë kohore prej një muaji, të mbajë mend deri në 90% të informacioneve të cilat i ka marrë përmes zhvillimit të dialogëve, debateve dhe polemikave.

Argument për këtë mund të jetë edhe një proverb i lashtë kinez, për të cilin thuhet se është e Konfuçios: “Më thuaj diçka, e unë do ta harroj apo ndoshta edhe do ta mbaj mend atë; bisedo me mua, polemizo me mua, e me siguri unë do ta mbaj mend dhe nuk do ta harroj atë”.
Vertet, përparimi më i mirë dhe më efikas në raportet ndërnjerëzore arrihet përmes dialogut të butë dhe të sinqertë. Përmes zhvillimit të një dialogu korrekt dhe të sinqertë mbillen vlera dhe parime të vërteta, si dhe ngrihet dhe edukohet zemërgjerësia njerëzore. Njeriu vërtet ka nevojë për dialog dhe biseda të sinqerta, sepse ai vazhdimisht është i nevojshëm për një bashkëbisedues i cili, përmes bisedës, do të prekë thellësitë e mendjes së tij dhe thellësitë e zemrës së tij.

Përmes dialogut të sinqertë dhe korrekt do ta kuptosh personin pranë teje, do t’i dëgjosh mendimet e tjera, do ti përmirësosh qëndrimet e gabuara dhe do ta thellosh dashurinë dhe harmoninë reciproke me bashkëbiseduesin tënd.

ARITMETIKA E DIALOGUT

Shpeshherë ballafaqohemi me problemin se si dhe në çfarë mënyre duhet t’i paraqesim dhe t’i transmetojmë qëndrimet tona! Po qe se nuk e njohim mënyrën se si duhet ta paraqesim sinqerisht qëndrimin tonë atëherë do të krijohen mosmarrëveshje dhe shamatë, kështu që në skenë do të paraqitet thënia, tanimë e njohur mirë: “Nuk më ke kuptuar aspak”. Po qe se biseda dhe dialogu zhvillohet në këtë mënyrë të gabuar, atëherë kjo do të thotë se nuk ekziston hapësirë për ndjenjat e afërsisë dhe dashurisë. Me këtë rrënohen dhe ndërpriten lidhjet dhe raportet me njerëzit e tjerë dhe në skenë paraqiten karakteristika të padëshiruara, sikurse janë mendjemadhësia, ashpërsia dhe zhurma.

Me këtë (jo) dialog dëshirohet vetëm të mposhtet pala tjetër dhe nuk merret aspak parasysh pasoja përfundimtare se këtu humbasin të gjithë dhe se zemrat mbyten ngadalë.
Kur ne themi: “Atë që kam pasur për të ta thënë, ta kam thënë; kam dhënë giithçka prej vetes time dhe vërtet qëllimi im ishte i mirë dhe i sinqertë,..”, etj., pikërisht këto fjalë flasin mjaft për një qasje të gabuar ndaj palës dhe bashkëbiseduesit tjetër. Këtu është e qartë se nuk mund të zhvillojmë absolutisht dialog.

Dialogu është sikurse një makinë llogaritëse, e cila nuk është asgjë tjetër përveçse një mjet i cili kërkon që në të të futen disa specifikacione të caktuara me qëllim që t’i arrijmë rezultatet e dëshiruara. Përfundimi i kësaj është: çdoherë kur ndonjëri prej nesh gabon në mënyrën e zhvillimit të dialogut, thjesht duhet të mësojë dhe të përmirësohet në këtë çështje, duhet t’i pranojë gabimet e kryera më parë, e më pas ato gabime duhet t’i studiojë me qëllim që të mos i përsërisë në të ardhmen.
Pra, për një njeri punëtor është një detyrë mjaft e rëndësishme aftësimi në zhvillimin e dialogut. Gjithashtu, aktivisti në rrugën e suksesit duhet të dijë se nuk mjaftojnë vetëm qëllimet e mira dhe të sinqerta për t’ia treguar dhe paraqitur qëndrimet e tij bashkëbiseduesit të vet.

NJËZET E NJË SHKATHTËSI TË ZHVILLIMIT TË SUKSESSHËM TË DIALOGUT

Këto janë shkathtësi të rëndomta të cilat nxisin entuziazëm dhe dëshirë që të mësohet zhvillimi i suksesshëm i dialogut. Kemi huazuar një varg titujsh, megjithatë më të rëndësishmet nga këto shkathtësi gjenden pikërisht në Librin e Allahut, në Kur’anin Fisnik, si dhe në sunnetin (praktikën) e të Dërguarit të Allahut, Muhamedit salallahu
alejhi ue selem.

Do t’ua paraqesim në përmbajtjen e dy tabelave, prej të cilave njëra tabelë tregon për shkathtësitë, ndërsa tabela tjetër tregon për burimet dhe argumentet.

TABELA E SHKATHTËSIVE

Përcakto!

Përcakto se kur dhe si të dëgjosh; përcaktoje qëllimin tënd, përcaktoji vetes tënde se a do të bëhesh ai i cili do të udhëhegë dhe do të zhvillojë dialog dhe do t’i ndryshojë mendimet e huaja të gabuara, apo do të bëhesh ai i cili nuk udheheq dhe nuk zhvillon dialog dhe rezultatet e të cilit janë të pasuksesshme.

2. Afërsia e vërtetë

Përgatiti një vend bashkëbiseduesit tënd. Mos e përbuz dhe mos i bërtit asnjëherë. Tregoji se e do vërtet, tregoji se ti e do atë pa kurrfarë interesash dhe pa kurrfarë kushtëzimesh. Të gjitha këto sjellje do të të sjellin afërsi të vërtetë me bashkëbiseduesin tënd.

3. Vëre veten në vendin e tij!

Që të arrish ta bindësh me sukses bashkëbiseduesin tënd për qëndrimet e tua, atëherë para së gjithash duhet që ta vësh veten në pozitën e tij apo ta futësh veten nën lëkurën e tij. Ti medoemos ta kuptosh atë plotësisht dhe nga ajo pozitë t’i flasësh për bindjet dhe qëndrimet e tua.

4. Fillo nga qëndrimet me të cilat pajtoheni!

Lejoje bashkëbiseduesin tënd që ta ndiejë se pajtoheni në shumë qëndrime, ashtu që të afroheni.

5. Gjurmën të cilën e lë pyetja

Duhet ta dish se pyetja është një burim i cili do ta tërheqë së tepërmi vëmendjen, për arsye se tek pyetja ekziston diçka e panjohur, për arsye se tek pyetja ekziston dëshira për përgjigje dhe për atë se shpirti, thjesht, e dëshiron pyetjen.

6. Butësia

Trego para bashkëbiseduesit tënd butësi, thuaji fjalë të këndshme dhe te ngrohta, bëj lutje për të, lejoji bashkëbiseduesit tënd që të vërejë mëshirë tek ti.. Thjesht, trego në mënyra të shumta karakterin tënd të butë ndaj tij.

Le ta ndiejë se ai merret në konsideratë

Behu modest në sjelljet ndaj bashkëbiseduesit tënd. Dhuroji atij buzëqeshje dhe drejtoju me shprehje dhe emra të bukura. Bisedo më të me atë gjuhë e cila i përgiigjet atij… Ja, në këtë mënyrë do të tregosh se ai merret në konsideratë.

7. Njihe të kaluarën e tij!

Shpesh pyete për atë që ai e dashuron, për atë me të cilën ai është i lidhur. Shpeshherë pyete për problemet e tij dhe për gjendjen e tij shpirtërore.. Ja, në këtë mënyrë do të tregosh se ti e njeh shumë mirë atë.

8. Riedukim

Qëndro i përulur gjatë takimeve dhe kontakteve me bashkëbiseduesit. Në këtë mënyrë do ta posedosh armën më të mirë me të cilën do të mund të ndikosh tek ata dhe me të cilën do të jesh në gjendje që t’i riedukosh bashkëbiseduesite tu, natyrisht, bashkëbiseduesit të cilët janë më të rinj se ti dhe me dituri më të paktë se ti.

9. Shndërrohu në vesh!

Mësohu që më tepër t’i dëgjosh bashkëbiseduesit e tu, se sa t’iu flasësh. Assesi mos e ndërpre bashkëbiseduesin tënd. Vetëm në këtë mënyrë do të mund t’i mundësosh atij që ta manifestojë gjendjen e tij të brendshme shpirtërore, madje edhe nëse ai nuk ta thotë të vërtetën.

10. Tregoji se e respekton!

Atëherë kur ta dëgjosh me kujdes bashkëbiseduesin tënd, atëherë kur t’i lejosh atij të ta thotë gjithë atë që e mban në shpirt, atëherë kur t’ia dhurosh tërë kujdesin dhe kohën tënde – e githë kjo flet mjaft për bashkëbiseduesin tënd se ti e respekton vërtet, sado që ti nuk pajtohesh me të. Më pas lejo zgjedhje të lirë, sepse njerëzit e dëshirojnë dhe e vlerësojnë këtë. Detyra është detyrë, ndërsa e drejta për zgjedhje është e drejtë për gjithsecilin.

11. Bëhu i durueshëm dhe i butë!

Pasi t’i pranosh bashkëbiseduesit e tu ashtu siç janë, pasi t’iu tregosh se vërtet iu beson, pasi ata të binden dhe ta ndiejnë se ti je i butë dhe i durueshëm ndaj tyre, – e tëra kjo do të mundësojë dhe do të të lejojë që të ndikosh ndaj mendimeve dhe qëndrimeve të tyre.

12. Assesi mos i hidhëro!

Hidhëimi është një ndjenjë e cila mund të të shkaktojë shumë dëm në raport me bashkëbiseduesit e tu. Prandaj, mposhte hidhërimin në çfarëdo mënyre. Duhet ta dish se hidhërimi është faktori i cili shkakton mbytjen e pamëshirshme të raporteve ndërmjet njerëzve.
Hidhërimi është shkak i mospranimit dhe moskuptimit ndërmjet bashkëbiseduesve. Hidhërimi është karakteristika më e shëmtuar e mundshme në zhvillimin e dialogut me të tjerët. Përmes mposhtjes së hidhërimit, si dhe përmes fjalëve të buta dhe të këndshme, do të bëhet edhe zbukurimi i dialogut me të tjerët,e në këtë mënyrë ti do t’i caktosh vetes qëllimin drejt të cilit synon dhe të cilin do ta kesh ndërmend vazhdimisht.

13. Ndikimi i tërthortë

Ndikimi i tërthortë gjatë bisedës arrihet përmes sjelljeve efikase dhe tërheqëse. Medoemos duhet ta mësosh! Po qe se arrin sukses, njerëzit do të vrapojnë pas teje dhe do t’i pranojnë me kënaqësi fjalët e tua. Me sjelljet tërheqëse, gjatë dialogut me të tjerët, do të mund t’i arrish rezultatet e dëshiruara.

14. Biseda e planifikuar

Biseda e planifikuar është kur personi i cili udhëheq di të menaxhojë ndërmjet problemeve dhe asaj që shkakton problem. Orvatu që të depërtosh deri në thellësitë e bashkëbiseduesit tënd, sepse këtu qëndron përgjigja, këtu qëndron zgjidhja e problemit. Po qe se arrin deri në thellësitë e dëshiruara të mendimeve, atëherë besimi dhe dëshira për jetë tek bashkëbiseduesi kthehet lehtë.

15. Lejoi që ta zbulojë vetë të vërtetën!

Po, pikërisht atij, bashkëbiseduesit tënd lejoi që ta zbulojë dhe ta njohë vetë të vërtetën. Një gjë e atillë duhet të jetë e lirë për të.
Atëherë pasi që ta njohë vetë të vërtetën, do të bëhet fatlum, do të ndiejë kënaqësi dhe qetësi të madhe e të thellë. Pra, qëllimi është që bashkëbiseduesi yt ta njohë vetë atë që duhet, e jo t’ia tregojë ndonjë tjetër. Ai nuk duhet të posedojë udhëheqës drejt të vërtetës. Dialogu yt me të le të jetë i mbështetur në argumente dhe fakte, e kështu do të mund t’i ndihmosh më së miri.

16. Harroje dhe largoje shprehjen jo!

Shprehja jo flet se ti ke gabuar. Ajo është argument kundër teje.
Shprehja jo i shkatërron bashkëbiseduesit e tu dhe vetëm ua shton atyre urrejtjen. Pasi që ta dëgjojnë atë shprehje, thjesht, ata do të përqendrohen në mendjemadhësinë e tyre. Duhet ta dish se ai i cili ecën i përulur, ecën për një afat më të gjatë, ndërsa shprehja jo do të ishte për bashkëbiseduesin tënd si një çekan mbi kokën e tij.

16. Tabela e burimeve dhe argumenteve

Transmetohet nga Umameja (Allahu qoftë i kënaqur me të) se njëherë një djalosh shkoi tek i Dërguari i Allahut salallahu alejhi ue selem dhe i tha:

“O Dërguari i Allahut, kërkoj prej teje që të më lejosh të kryej amoralitet”. Njerëzit të cilët ishin aty pranë u vërsulën drejt djaloshit duke dëshiruar ta tërhiqnin dhe i thanë: “Ik, ik”. Kurse i Dërguari i Allahut salallahu alejhi ue selem i tha: “Afrohu”. E ai u afrua, ndërsa i Dërguari i Allahut salallahu alejhi ue selem i tha: “Ulu”. Djaloshi e dëgjoi dhe u ul afër tij. I Dërguari i Allahut salallahu alejhi ue selem vazhdoi dhe e pyeti:
“A dëshiron që ndonjëri të kryejë amoralitet (prostitucion) me nënën tënde”? Djaloshi iu përgjigi: “Jo, assesi pasha Allahun. I Dërguari i Allahut salallahu alejhi ue selem vazhdoi:
“Ashtu edhe njerëzit e tjerë nuk dëshirojnë assesi që ndonjëri të kryejë amoralitet me nënat e tyre. E do kishe dëshiruar që ndonjëri të kryejë amoralitet me motrën tënde”‘? Djaloshi sërish u përgjigj: “Jo, nuk do e deshiroja një gjë të atillë, pasha Allahun, Zoti më ruajt prej asaj.
I Dërguari i Allahut salallahu alejhi ue selem iu përgjigj:”Po ashtu as njerëzit e tjerë nuk do të dëshironin assesi që ndonjëri të kryejë amoralitet me motrat e tyre. E dëshiron ti që ndonjëri të kryejë amoralitet me hallën tënde”? Djaloshi u përgjigj dhe tha: “Jo, assesi pasha Allahun, Zoti më ruajt prej asaj”, I Dërguari i Allahut salallahu alejhi ue selem tha: “Njëlloj, as njerëzite tjerë nuk dëshirojnë që ndonjëri të kryejë prostitucion me hallat e tyre. E do kishe dëshiruar që ndonjëri të kryejë amoralitet (prostitucion) me tezen tënde”? Djaloshi sërish u përgjigj dhe tha: “Jo, assesi pasha Allahun, Zoti më ruajt prej asaj”.
I Dërguari i Allahut salallahu alejhi ue selem përfundoi dhe tha: “Njelloj, as njerëzit e tjerë nuk dëshirojnë që ndonjëri të kryejë prostitucion me tezete tyre”.
I Dërguari i Allahut salallahu alejhi ue seleme vendosi dorën e tij tek ai dhe tha: “O Allah, të lutem Ty falja mëkatin, pastroje zemrën e tij, ruaje nderin e tij”. Pas kësaj lutjeje, djaloshi i ri asnjëherë nuk dëshiroi të kryejë diçka të këtille. (Ahmedi, 21708).

Transmetohet se Enesi (radijAllahu anhu) ka thënë:

“I Dërguari i Allahut salallahu alejhi ue selem kishte moralin më të mirë ndërmjet njerëzve. Unë kisha një vëlla nga qumështi të cilin e quanin Ebu Umejr. Kur vinte i Dërguari i Allahut salallahu alejhi ue selem tek ne, i thoshte: “O Ebu Umejr çfarë bën Nugejri”? -Nugejri ishte një zog me të cilin luante Ebu Umejri. Përderisa ne ishim në
shtëpinë e tonë erdhi koha e namazit, ndërsa i Dërguari i Allahut salallahu alejhi ue selem urdhëroi që ta merrnim sixhadenë që ishte nën të. Ai e shkundi dhe e pastroi atë, e më pas u ngrit për tu falur, e ne filluam të falemi pas tij. (Buhariu, 6203 dhe Muslimi, 2150)

Utba bin Rebia transmeton se në një rast ishte ulur pranë të Dërguarit të Allahut salallahu alejhi ue selem dhe i kishte thënë: “O biri i vëllait tim. Ti je njëri prej nesh dhe ke ardhur te populli yt me diç të lartësuar. Me porosinë tënde ke arritur t’i copëtosh njerëzit, i ke shpallur të marrë idhujt e tyre, i ke zhvlerësuar hyjnitë e tyre, ua ke refuzuar dhe mohuar atë në të cilën besuan baballarët e tyre, prandaj më dëgjo se çfarë do të të them. Ndoshta diçka do të pranosh nga fjalët e mia”.
I Dërguari i Allahut salallahu alejhi ue selem iu përgjigj: Thuaj, o Ebi Velid, të dëgjoj”. Ky vazhdoi ta qortonte të Dërguarin e Allahut derisa i përfundoi me fjalët e tij. Më pas, i Dërguari i Allahut e pyeti: “O Ebu Velid, e përfundove?”, ndërsa ai u përgigj dhe i tha: “Po”. I Dërguari i Allahut salallahu alejhi ue selem i tha: “Tani më
dëgjo ti mua se çfarë do të të them”. I Dërguari i Allahut salallahu alejhi ue selem filloi të lexonte nga kaptina Fussilet deri në ajetin ku duhet bërë sexhde, i cili është ajeti i tridhjetë e shtatë i kaptinës së lartpërmendur. Më pas, i Dërguari i Allahut salallahu alejhi ue selem iu drejtua Utbes dhe e pyeti: “A ke dëgjuar mirë, o Ebu Velid”? Utba u ngrit dhe shkoi te shokët e tij. Disa nga shokët e tij thanë: “Betohemi në Allahun se Ebu Velidi po vjen me një fytyrë plotësisht tjetër prej asaj kur shkoi prej nesh! E ai filloi t’iu tregonte për takimin e tij me të Derguarin e Allahut salallahu alejhi ue selem dhe iu propozoi që ta
ftonin atë me qëllim që ai t’iu drejtohet edhe atyre, ndërsa shokët e tij e refuzuan me këmbëngulje një gjë të atillë dhe më në fund i thanë: “Ai të magjepsi me gjuhën e tij, o Ebu Velid”!

Transmetohet se kurejshët kishin vendosur që të dërgonin tek i Dërguari i Allahut salallahu alejhi ue selem një nga personalitetet e tyre autoritativë, që quhej Husejn el-Huzai, i cili ishte mjaft i mençur, inteligjent dhe polemizues i shkathët, me qëllim që të polemizonte
me të në lidhje me qëndrimin negativ të tij (të Muhamedit s.a.v.s.) ndaj hyjnive të fisit kurejsh. Pasi që Husejni shkoi tek i Dërguari i Allahut i tha: “O Muhamed, deri tek ne ka ardhur lajmi se ti i refuzon dhe i zhvlerëson hyjnitë tona, se ti na konsideron neve si të marrë, por ti edhe vete e di se babai yt dhe giyshi yt ishin njerëz me autoritet në mesin tonë.”
I Derguari i Allahut salallahu alejhi ue selem iu përgjigj: “O Husejn, babai im dhe babai yt do të jenë vërtet banovë të zjarrit. O Husejn, sa zota i adhuron ti”? Husejni u përgjigj:
“Shtatë. Njëri prej tyre është në qiell, ndërsa gjashtë të tjerët janë në tokë”.
I Dërguari i Allahut salallahu alejhi ue selem tha:
O Husejn, kur të merr uria dhe mjerimi cilit i drejzohesh”?- Husejni iu përgjigj:
“Atij që është në qiej”.
E, i Dërguari i Allahut përfundoi:
“Ja, e shikon, vetëm Një të përgjigjet, e Ti dëshiron t’ia bashkëngjitsh edhe gjashtë të tjerë”!
Pas këtyre fjalëve, Husejni u mendua mirë dhe u bind në vërtetësinë e fjaleve të Muhamedit (salAllahu alejhi ves sel-lem). Më pas, i
Derguari i Allahur ia shpjegoi themelet e besimit islam dhe kështu Husejni e pranoi Islamin dhe u bë musliman.(Tirmidhiu, 3482)
Allahu i Lartëmadhëruar në Kur’anin Fisnik ka thënë:
“A nuk ke arritur të dish për atë që përse Allahu i kishte dhënë pushtet, ai (Nemrudi) polemizoi me Ibrahimin reth Zotit të tij. Kur Ibrahimi tha: “Zoti im është Ai që jep jetë dhe vdekje ‘”Ai tha: “Edhe unë jap jetë dhe vdekje'” lbrahimi tha: “Zoti im e sjell diellin nga lindja, sille pra ti atë nga perëndimi”? Atëherë ai që nuk besoi mbeti i hutuar. Allahu nuk e shpie në rrugë të drejtë popullin mizor”. (el-Bekare, 258).

KARAKTERISTIKAT TË CILAT E NDRIÇOJNË RRUGËN

Behu i guximshëm!

Vërtet, atëherë kur ndonjëri të pyet një gjë të cilën vërtet nuk e di përgjigju pa turp: “nuk e di’. Mos u shtir se e di. Duhet ta dish se sinqeriteti është një forcë e madhe që dëshiron që ti të jesh i sukseshëm në udhëheqjen e dialogëve.

Brenga jote është vetëm e vërteta

Dëshiron të arrish vetëm tek e vërteta!? Ajo është intenca jote. Prandaj, ndiqe zemrën tënde dhe mëso të dallosh ndërmjet asaj që shpirti e dëshiron dhe asaj që është e argumentuar. Ik me milje larg nga epshet e tua dhe dëboji ato nga zemra jote.

Ligji i korrjeve

Duhet ta dish se qasja e shkëlqyer në udhëheqjen e dialogut me të tjerët duhet të burojë nga dëshira jote; duhet të burojë nga vlerat dhe parimet të cilat ti ia përcakton vetvetes. Pasi që të arrish sukses në menaxhimin dhe në udhëhegjen e dialogut, pasi që të arrish të depërtosh deri tek mendimet e bashkëbiseduesve të tu, pasi që të arrish t’i
adaptohesh situatës së re, atëherë do të të lejohet që të udhëtosh sikurse një turist nëpër mendimet e bashkëbiseduesve të tu, madje edhe
t’i ndryshosh mendimet e huaja të gabuara-pra, atëherë do të mund ta arrish qëllimin tënd.
Vetëm shihe dhe kuptoje qasjen se si është ndaluar alkooli, çfarë qasje e përsosur, efikase, graduale dhe e shkëlqyeshme (natyrisht hyjnore/B.J.).

Gjithsesi, pas kësaj qasjeje, pas kësaj përsosmërie, njerëzve mund t’iu thuhet: “…Pra, a po i jepni fund (alkoolit e bixhozit)”? (el- Maide,91).

PYETJA E TË GJITHA PYETJEVE

Me të vërtetë, para se të vendosësh dhe të fillosh dialogët me njerëzit, të pyesim: “Cili është qëllimi yt i vërtetë”? Dëshirojmë përgjigje të sinqertë! A është qëllimi yt që ta mposhtësh bashkëbiseduesin tënd në aspektin intelektual? Duhet ta dish medoemos se sado që t’i mashtrosh njerëzit, asnjëherë nuk do të mund ta mashtrosh Zotin e njerëzve. Në të vërtetë, zemrat e njerëzve janë ndërmjet dy gishtave të të Mëshirshmit, Ai i sjell zemrate njerëzve ashtu siç Ai dëshiron. Ne, vërtet, e lusim Allahun e Lartëmadhëruar që të të dhurojë qëllim të sinqertë.

T’i kemi mësuar shkathtësitë dhe dituritë të cilat do të ta ndriçojnë rrugën e errësirës. Mësoji mirë, mbaji mend dhe praktikoji ato gjatë zhvillimit të dialogut dhe do të jesh nga ata të cilët bëhen udheheqës të gjeneratës të shkathtësisë së suksesit.

TAKIMI I KATËRT:

Suksesi ka të dashuruarit dhe ithtarët e tij… Suksesi e ka skalitur thellë gjurmën e tij në shpirtrat e atyre të cilët fasin për suksesin.
Duhet ditur se ekzistojnë suksese të mëdha, si edhe suksese të përkohshme. Megjithatë, suksesi në shekullin e njëzetenjëtë ngërthen shijen, sharmin, aromën dhe bukurinë e tij të veçantë. Prandaj, për një kohë do të dalim në stacionin me titull “Ata flasin për suksesin”.
Në kapitujt e këtij lloji do të paraqesim alfabetin e suksesit përmes shembullit të njerëzve të cilët kanë pasur role kyçe dhe të individëve të cilët kanë arritur rezultate të konsiderueshme, dituri dhe përvojë, ashtu që të kenë dobi të gjithë ata të cilët dëshirojnë sukses në shekullin e njëzetenjëtë. Do të takohemi me doktor Ali el-Hamadin, me qëllim që të udhëtojmë me të dhe me vëllezërit tanë lexues përmes rrugës së suksesit. Në këtë rrugë bashkudhëtari ynë na tregoi mjaft gjëra të dobishme.

Suksesi

Suksesi është një fjalë e mirë dhe e këndshme. Pas tij vërsulen shpirtrat e njerëzve. Atë e dashurojnë zemrat e njerëzve. Suksesi është fjalë e lavdishme të cilën e dashurojnë mjaft edhe dijetarët. Ajo fjalë ështe mjaft e dashur për njerëzit e famshëm. Prej kësaj fjale ikin pikërisht ata të cilët kënaqen me mesataren, ata të cilët kanë mbetur në margjinat e shoqërisë, ata për të cilët nuk është e rëndësishme se nuk kanë kurrfarë ndikimi.
Vërtet, historia ka treguar shumë shembuj të shkëlqyer se si mund të arrihet suksesi dhe se si mund të ndërtohet ai. Historia i ka treguar edhe udheheqësit e suksesit, njerëzit të cilët i udhëhoqën të tjerët dhe lanë pas vetes gjurmë të vërteta jetësore. Njëri nga këta të suksesshëm për të cilin flet historia ishte Omer ibn Abdul-Azizi. Ai arriti të ngrejë dhe të zhvillojë një shtet të vërtetë islam, shembulli i të cilit nuk u shënua më asnjëherë në histori. Ai arriti që t’u sigurojë qytetarëve të drejtën e jetës, të drejtën e familjes, të drejtën e nderit dhe të drejtën e pasurisë.

Banorët e shtetit, në kohën kur sundonte kalifi Omer ibn Abdul-Azizi, ishin krenarë. Askush nuk guxonte t’iu shkaktonte ndonjë dëm apo fyerje. Ata ishin njerëz të pasur dhe nuk gjendej asnjë i varfër i cili do të kishte nevojë për lëmoshë apo për tepricën e pasurisë, dhe – besoni ose jo – gjithë këtë Omer ibn Abdul-Azizi ua siguroi bashkëqytetarëve të tij pasi që ai i kaloi dy vite si kalifi shtetit!!!
Gjithashtu, njëri prej atyre të cilin historia e ka shkruar me shkronja të arta, është edhe Abdurrahman ed-Dahili. Ai iku në Sham pasi që shteti emevit kishte rënë nën sundimin e dinastisë abbasite. Ai nuk ishte aspak i kënaqur me situatën në atë pjesë të botës islame, andaj edhe vendosi fuqimisht që të shkonte pas suksesit. Ai arriti të themelonte një perandori të gjerë në zemrën e botës së krishterë. Ky qytetërim islam zgjati disa shekuj me radhë. Përmes këtij qytetërimi islam Allahu mundësoi që dituritë të zgjerohen edhe në Perëndim, ku popujt e tjerë filluan të zgjohen nga injoranca dhe errësira e paditurisë. Edhe sot e kësaj dite qyterërimi perëndimor e sundon dhe e udhëheq sferën e shkencës dhe teknologjisë me ndihmën e trashëgimisë së qytetërimit islam të Spanjës!
Një djalosh i vogël që e quanin Salahuddin el-Ejjubi, mezi kishte shpëtuar kokën së bashku me babanë, axhën dhe disa anëtarë të tjerë të familjes nga vrasjet masive që kishin ndodhur në kohën e femijërisë së tij. Në të vërtetë, babai i tij, nga frika se zëri i foshnjës së tij do të shkaktonte dëm dhe se mos e pësonin edhe anëtarët e tjerë të familjes, gati sa sia kishte zënë frymën. Mirëpo, vetëm me vullnetin e Allahut, Salahudinin e vogël e shpëtoi axha i tij i cili e vendosi në një sënduk, e kështu e shpëtoi edhe atë, edhe tërë familjen nga kriminelët. Pasi që ky djalosh u rrit e u bë burrë, arriti suksese të mëdha në jetën e tij. Ai me shkathtësitë e tij strategjike arriti ta çlironte Jerusalemin dhe xhaminë e shenjtë (al-Aksa), kur i mposhti hordhitë kriminele të krishtera. Ai me ndihmën e Allahut dhe me drejtësi arriti që ta vendoste me sukses flamurin islam, flamurin e Një Zoti të Vetëm flamurin e Allahut të Lartëmadhëruar. Mirëpo, pas shumë shekujsh është duke ndodhur një çudi tepër e madhe. Pra, sot kur muslimanët numërojnë më tepër se një miliardë e giysmë pjesëtarë, ata nuk janë të aftë që ta ripërtërijnë suksesin e Salahudinit!

Këtu duhet ta përmendim edhe Nelson Mandelën, i cili kaloi njëzet e tetë vite nëpër burgjet e Republikës së Afrikës së Jugut. Gjatë kësaj padrejtësie dhe gjatë këtyre vuajtjeve, ai prapëseprapë synonte suksesin. Ai arriti ta mbillte farën e suksesit që në burg. Atëherë kur kryetari e liroi Mandelën nga burgu – madje edhe pse kundër vullnetit të tij – nuk mendoi se pikërisht Mendela së shpejti pas çlirimit do të bëhej kryetar dhe lider, ndërsa ky si kryetar në histori do të regjistrohet vetëm si një ish-diktator. Çudi, apo jo?

Rasti i njëjtë është pothuajse edhe me gruan e njohur Margaret Thaçer. Në të vërtetë ajo në fillim ishte vetëm një shitëse e rëndomtë dhe merrej me tregti. Mirëpo, më pas ajo arriti të bëhet kryeministre e Britanisë së Madhe!

Po, mirë dëgjuat dhe mirë kuptuat. Këtu bëhet fjalë pikërisht për strategji dhe planifikim me dëshirën që përmes punës dhe angazhimit permanent të ndryshohet situata aktuale jo e volitshme. Në një rast dikush e kishte pyetur një etiopas të pasur dhe i kishte thënë:
“Si e ke fituar këtë pasuri”?
Ai u përgjigj: “Me ndihmën e dy gjërave dhe kush i përsërit ai do të bëhet milioner sikurse unë”.
“Na thuaj se cilat janë ato dy gjëra”? – E pyetën.
Etiopasi u përgjigj dhe tha: “Gjëja e parë është ajo që unë vërtet kisha vendosur të bëhesha milioner, ndërsa gjëja e dytë është ajo që unë u angazhova sinqerisht për një gjë të atille”.
Me të vërtetë, suksesi iu duhet njerëzve të cilët, para se gjithash, janë inteligjentë dhe të shkathët. Suksesi iu nevojitet njerëzve të cilët
kanë ambicie dhe synime të mëdha, e assesi nuk kënaqen me realitetin mesatar. Shpirtrat e tyre shkojnë drejt qiellit, brengat e tyre janë sikurse malet e larta. Ata vazhdimisht janë në lëvizje dhe vazhdimisht dëshirojnë të ecin përpara. Ata nuk mposhten nga lodhja, e as nga mërzia.

Si të arrihet suksesi | Fejsal Omer Mahfuz Bashrahil

Dashuria ndaj kreativitetit: ylli i shtatë që duhet kuptuar nga nëntë yjet e suksesit

YLLI NUMËR SHTATË:
DASHURIA NDAJ KREATIVITETIT

“Jam vonuar në garën e jetës sime,
e nuk i gjeta vetes jetë përveç kësaj”.

Ne kohët kur njerëzit luftojnë për jetën e rëndomtë dhe për të mbijetuar,
në kohën kur bota pãrparon dhe zhvillohet me një shpejtësi marramendëse,
në kohën kur një numër i madh i mendjeve dhe intelekteve shkojnë drejt shkatërrimit,
na paraqitet rasti dhe nevoja për dashurinë ndaj kreativitetit dhe inovacioneve.
Na është dhënë rasti t’i zbulojmë pasuritë e fshehura të mëdha dhe të vlefshme, si dhe t’i lirojmë mendjet tona të preokupuara.

DASHURIA NDAJ KREATIVITETIT

Rezultatet dhe prodhimet e tua duhet të jenë margaritarë të vërtetë dhe xhevahire të shtrenjta. Medoemos duhet të jesh një individ i cili jep pa kurrfarë egoizmi, një individ i cili ua ndriçon rrugën e errët të tjerëve. Dashuria ndaj kreativitetit pasqyrohet në luftën permanente dhe të pakursyer kundër hijes, e assesi në kënaqjen me gjendjen ekzistuese.
Dashuria ndaj kreativiteteve pasqyrohet në mënjanimin e prangave dhe zinxhirëve të rëndë të cilët të pengojnë, të cilët nuk të lejojnë të ecësh përpara dhe në largimin nga stereotipat dhe punët rutine të cilat gjithashtu të pasivizojnë. Thjesht, ti duhet t’i kalosh yjet, duhet t’i mbjellësh dhe t’i shpërndash karakteristikat e tua kreative në fushën e cila quhet dashuria ndaj kreativiteteve.
I dashuruari me kreativitetin nuk dëshiron të jetë i mesëm, nuk dëshiron të bëhet i pavërejtur ndër të tjerët. I dashuruari me kreativitetin dëshiron pikërisht punë korrekte, përparim, zhvillim, vend të parë, e assesi nuk kënaqet me gjendjen statike dhe me gjendjen e prapambetur. Ai vetëm dëshiron t’ia rikthejë lavdinë inteligjencës që ia shndrit rrugën të tjerëve.

Prandaj, ec përpara o ti, i cili e dëshiron kreativitetin dhe inovacionet! Hyr lirisht në garë sepse pikërisht ti do të fitosh. Dije se udhëtimi i gjatë prej mijëra miljesh fillon me një hap që quhet dashuri ndaj kreativitetit.

DASHAMIRËT E KREATIVITETEVE GJATË HISTORISË

Dashuria ndaj kreativitetit është një dashuri e re. Atë do të mund ta gjesh shumë rrallë dhe ajo është e karakteristikë e përbashkët e të gjithë njerëzve të suksesshëm. Dashuria ndaj kreativitetit nuk është e huaj për ty, sepse ti je pjesë e asaj dashurie dhe ajo është pjesë e jotja, sepse ti je mik i Selman el-Farisiut, i cili parashtroi iniciativën dhe planifikoi strategjinë e kanaleve mbrojtëse (e njohur si Beteja e Hendekut). Dije se ti je mik edhe i Halid ibn Velidit i cili dinte t’iu kundërvihej dhe të luftonte me disa qindra luftëtarë kundër dyqind mijë ushtarëve të armikut. Halid ibn Velidi ishte ai i cili u tregua një luftëtar dhe strateg mjaft i shkathët dhe gjenial, siç është të përdorurit e zërit të tmerrshëm përmes një briri me qëllim që ta hutonte dhe ta frikësonte armikun. Halid ibn Velidi ishte ai i cili planifikoi ngritjen e pluhurit me kuajt e tij me qëllim që ta dezorientonte armikun, gjegjësisht ushtarët e Bizantit me taktikat e përforcimit të ushtrisë muslimane. Në këtë mënyrë ushtria e armikut u tërhoq dhe u dorëzua. A është i njohur për ty rasti i betejës së Kadisijes, atëherë kur kuajte ushtrisë muslimane i frikësuan elefantët e ushtrisë së armikut dhe në skenë u paraqit figura e formuar e një elefanti prej argjile, elefant ky i cili e trimëroi ushtrinë muslimane e cila assesi nuk u frikësua nga elefantët e ushtrisë armike. Kështu, pra, me ndihmën e Zotit dhe përmes kësaj strategjie muslimanët arritën ta mposhtnin armikun.
E di se ti je mik edhe i Mehmed Fatihut i cili hartoi një plan mahnitës (për çlirimin e Kostandinopojës) kur urdhëroi ushtarët që anijet t’i bartin nëpër një zonë kodrinore, pasi që forcat bizantinase i kishin mbyllur të gjitha rrugët të cilat shpinin në det.
Prandaj, dije mirë se ti je pjesë e kreacionit, ndërsa hartimi është pjesë e jotja. Dashuria ndaj kreativitetit qëndron në zemrën tënde, ashtu siç qëndronte edhe në zemrën e Shafiut atëherë kur kishte vendosur që ta përpilonte veprën e tij të quajtur Usuli- Fikh dhe Risale.
Dashuri ndaj kreativitetit kishte edhe dijetari i njohur islam, imam Buhariu, gjë për të cilin na tregon më së miri fakti se si ai i ka njohur thëniet autentike të të Dërguarit të Allahut (hadithet) nga ato që ishin me zinxhir të dobët të transmetimit. Kështu dhe vetëm në këtë mënyrë lindi vepra Sahihul-Buhari. Tani të erdhi radha edhe ty që ta plotësosh atë që e ke filluar. Prandaj tregoje dashurinë tënde ndaj kreativitetit dhe në atë mënyrë realizoje suksesin në shekullin e njëzetenjëtë.

DHJETË KARAKTERISTIKA TË CILAT DO TË MUNDËSOJNË QË TË ARRISH DERI NË MAJË

Dashurinë ndaj kreativitetit mund ta paraqesim në mënyrë metaforike si ngjitje sportive. Në majëne dëshiruar do të mund të arrijmë vetëm përmes dhjetë karakteristikave të cilat mund të nxisin në personalitetin tënd entuziazmin, mund të të lirojnë nga prangat të cilat bllokojnë punën efikase të intelektit tënd, mund të ta përforcojnë
besimin në vetveten tënde dhe, në fund, të bëjnë ta duash inovacionin dhe kreativitetin në mënyrë të vërtetë dhe korrekte.

Karakteristika numër një: ti je i vetëm

Tregohet se një herë një bujk nga Afrika kishte pasur një arë. Ai kishte dëgjuar se njerëzit e Afrikës i mihnin livadhet dhe arat e tyre duke kërkuar gurë të çmuar nën tokë, madje thoshin se vërtet njerëzit të cilët kishin gjetur gurë të çmuar nëpër arat e tyre i kishin shitur dhe ishin bërë shumë të pasur. Bujku në fjalë vendosi që ta shesë arën e tij dhe të vihet personalisht në gjurmë pas gurëve të çmuar. Ai kaloi një kohë të gjatë duke kërkuar margaritarë dhe xhevahire, madje harxhoi edhe shumë para. Megjithatë, nuk gjeti asgjë të çmuar. Gjurmoi për një kohë të gjatë pas pasurisë së dëshiruar, derisa i harxhoi të gjitha paratë dhe mbeti pa para. Me në fund i rraskapitur ra në një lumë. Ndërsa njeriu i cili e kishte blerë arën e tij punonte në të dhe ja, e gjeti një gur në formë mjaft të çuditshme. E la mënjanë dhe nuk i kushtoi aq kujdes, sepse mendonte se nuk është i vlefshëm. Kështu që kaloi një kohë e gjatë derisa atë gur e vërejti një njeri i cili kuptonte nga guret e çmuar dhe margaritarët. Ai e mori gurin, më pas e pastroi dhe zbuloi se bëhej fjalë për një gurë të çmuar dhe të vlefshëm. Në fund u zbulua se pikërisht ajo arë ishte përplot gurë të çmuar..
Sa e sa njerëz të këtillë ekzistojnë sikurse ky bujk fatkeq. Dije mirë se ti je qenie njerëzore të cilin historia nuk e ka mbajtur mend. Dije mirë se ti je qenie njerëzore dhe si ti nuk ekziston ndonjë lloj tjetër në këtë botë. Inovacioni dhe kreativiteti gjenden tek ti. Ti je pronar i kësaj karakteristike. Zbuloje këtë karakteristikë, manifestoje, liroje që edhe të tjerët ta shohin dhe ta ndiejnë… Mos lejo që ajo karakteristikë të mbetet e mbuluar në veten tënde, e nëse ndonjëri e gjen atë dhe e merr prej teje, ja – kjo është luftë e humbur. Inovacioni dhe kreativiteti janë vetëm të tuat, mos ua jep askujt tjeter.

Duhet të dish se nëse ndonjëri dëshiron të bëjë luftë kundër teje apo dëshiron t’i shkatërrojë aftësitë e tua të inovacionit dhe kreativitetit, atëherë dije se ti je më i fuqishëm se cilado ushtri tjetër – vetëm nëse atë e dëshiron vërtet. Ti posedon motivin më të fuqishëm. Ti posedon armën më të fuqishme, e ajo është që ti je këmbëngulës në realizimin e kreativitetit tënd. Prandaj, duhet ta njohësh mirë veten tënde, duhet ta zbulosh aftësinë e kreativitetit, duhet ta aktivizosh energjinë tënde mahnitëse dhe të jashtëzakonshme që posedon, e cila gjendet e fshehur thellë në veten tënde. Thjesht, duhet të besosh se ti je i aftë për tu dashuruar me kreativitetin për shkak se ti nuk je një trup i thjeshtë, ti je një univers i tërë që quhet shekulli i njëzetenjëtë.
“Ti pohon se je ndonjë trup i vogël, e në ty ekziston gjerësia më e madhe kozmike”.
Pra, vlera jote është ajo të cilën e plotëson me punë, prandaj plotësoje dashurinë tënde ndaj kreativitetit, sepse ti je i vetmi…

Karakteristika numër dy: ti je injorant

E dimë se ti tani gjendesh në periudhën jetësore kur je duke menduar për veten tënde kinse je ndonjë dijetar i madh. Eh, pikërisht këtu fillon rënia graduale, fillon vërsulja drejt shkatërrimit. Sado që të arrish ndonjë dituri, ti duhet ta dish dhe duhet të besosh thellë se vërtet je një injorant, se vërtet je një krijesë që posedon çdoherë ndonjë mangësi të caktuar. Nëse e njeh vetveten tënde në këtë mënyrë, nëse beson dhe vepron kështu, atëherë do të shkaktosh ndezjen e dëshirës për mësim permanent, për përparim efikas dhe do ta dashurosh vazhdimisht kreativitetin.

Karakteristika numër tre: ti je i fuqishëm me miqtë e tu ndihmëtarë

Pasi që e dashuron kreativitetin, atëherë do të të nevojiten miq të cilët do të të ndihmojnë, veçanërisht në momentet kur gjendesh në ndonjë fatkeqësi, kur je i rraskapitur dhe kur je i vetmuar. Në ato çaste kërko ndihmë dhe kaloje kohën tënde me miqtë, që gjithashtu e dashurojnë kreativitetin, të cilët do të të ndihmojnë.
Miqtë e vërtetë çdoherë do të jenë në dispozicion për të të ndihmuar. Tek ata do të mund të mbështetesh lehtë, sepse ata do të të japin kurajë dhe assesi nuk do të lejojnë që të dobësohesh shpirtërisht.

Qëndro i sigurt se ekziston një numër i madh njerëzish të cilët e duan kreativitetin dhe i dashurojnë inovacionet. Orvatu të njohësh sa më shumë njerëz të tillë dhe kalo sa më shumë kohë me ta, me qëllim që ti të forcohesh dhe ta plotësosh dashurinë tënde ndaj kreativitetit.

Karakteristika numër katër: ndjenja për dhembjet dhe vuajtjet e njerëzve të tjerë

Ti ke nevojë për ndjenjë serioze dhe të vërtetë ndaj dhembjes dhe vuajtjeve të njerëzve të tjerë, e assesi për ndjenjë artificiale dhe formale. Mëso që ta ndiesh në mënyrë të sinqertë dhe korrekte dhembjen dhe vuajtjen e umetit tënd. Mëso që të qash për gjendjen e mjerueshme në të cilën gjendemi. Mëso që t’i tejkalosh stereotipat dhe
gjërat e shumta të pavlefshme të cilat thjesht shkatërrojnë përparimin dhe në fund mësohu që t’i dashurosh njerëzit ashtu që do të jesh dijetar dhe vizionar i mirë.
Atëherë pasi që t’i përvetësosh këto karakteristika, do të mund ta ndriçosh rrugën drejt dashurisë për kreativitet.

Karakteristika numër pesë: qartësia

Ripërtërije nevojën tënde për kreativitet. Njoftohu me faktin se ku gjendesh tani dhe se në çfarë gjendje je! Mëso se edhe në cilin drejtim dëshiron të shkosh dhe ku dëshiron të arrish! Po qe se nuk e di këtë, arëherë ekziston mundësia që të devijosh në një rrugë të gabuar, në një rrugë e cila nuk të shpie në përparim dhe në zhvillim, në një rrugë e cila do të të shpie drejt shkatërrimit përfundimtar dhe në fund do të dorëzohesh.
Prandaj, qartësia e qëllimit është ajo që të shpie drejt qartësisë së planifikimit dhe strategjisë, ndërsa qartësia e planifikimit dhe strategjisë do të të shpien në Rrugën e drejtë, e pasi që të arrish deri në Rrugen e Drejtë, arëherë shërbehu me mjetet dhe shenjat e nevojshme të cilat do të të udhëheqin në atë rrugë.

Duhet ta dish se kreativitetit i nevojitet qartësi, ashtu që përmes fuqisë së mendjes të dalë në skenë. Vetëm në këtë mënyrë mund të realizohet kreativiteti. Prandaj, të dashuruarit me kreativitetin e njohin mjaft mirë rrugën përmes së cilës duhet të ecin. Ata i shfrytëzojnë me mjaft racionalitet dhe logjikë aftësitë dhe mjetet e tyre që kanë në dispozicion drejt asaj rruge dhe vetëm në atë mënyrë mund t’i realizojnë planet dhe qëllimet e tyre. Shembulli më i mirë për këtë është Zejd bin Thabiti (radijAllahu anhu) i cili ia parashtroi vetes së tij qëllimin për ta mësuar gjuhën siriane, madje ai planifikoi që atë ta realizojë vetëm për shtatëmbëdhjetë dite (Tirmidhiu, 2715 dhe Ahmedi, 21077).

Karakteristika numër gjashtë: ji i lirë

Assesi mos u bëj skllav i ndonjërit përveç Allahut, Krijuesit të Lartëmadhëruar. Ti je ai i cili e sjell vetë vendimin që dëshiron. Ti je ai i cili e sjell vetë vendimin se çfarë do të bësh dhe nuk je i detyruar për të. Dije mirë se ai i cili detyrohet në një punë dhe e bën atë kundër vullnetit dhe dëshirës së tij, ai asnjëherë nuk do të arrijë ndonjë kreativitet. Ndoshta në ndonjë sferë ai do të mund të arrijë ndonjë sukses, mirëpo ai nuk do të mund asnjëherë të hartojë dhe të ofrojë ndonjë gjë të re, sepse kreativitetin mund ta realizojë vetëm ai i cili është plotësisht i lirë. Prandaj, logjiko dhe silli vetë vendimet për vetveten, e assesi mos ia lejoi atë punë ndonjë tjetri dhe bëj ashtu siç ti dëshiron dhe mendon se është më mirë. Po, pa dyshim se tek një numër i madh njerëzish ekziston imitimi i verbër. Megjithatë, ekziston dallim i madh ndërmjet imitimit të tjetrit në bazë të diturisë dhe të vërtetës dhe imitimit të verbër të ndonjërit që nuk posedon kurrfarë përsiatjeje, kurrfarë diturie dhe kurrfarë ndjenjash.

Qëllimi është që të jemi plotësisht të lirë në sjelljen e vendimeve si dhe ta dashurojmë kreativitetin.

Karakteristika numër shtatë: bëhu ambicioz

Bëhu njeri i cili posedon ëndrra reale e jo njeri i cili imagjinon si i marrë. Bëhu njeri i cili mendon dhe logjikon për të ardhmen i lirë dhe pa kurrfarë përkufizimesh, njeri i cili nuk frikësohet nga e panjohura. Bëhu njeri i cili di të besojë në fat, njeri i cili e di se alternativat e mundshme në të ardhmen nuk do të jenë më të mira se ato të cilat tanimë janë përcaktuar. Bëhu njeri i cili posedon vizionin e kreativitetit të tij, vizionin i cili mund të zbatohet, vizionin real dhe shko drejt tij.
“Bëhu njeri këmbët e të cilit janë në tokë,
ndersa dëshirat ndërmjet yjeve”.

Karakteristika numër tetë: vetmia e përkohshme

Orvatu që të qëndrosh për një kohë të shkurtër në vetmi, largohu nga zhurma dhe rrëmuja. Largohu nga tregjet dhe shëtitoret, madje aq sa edhe mendja dhe zemra të ndiejnë pak pushim. Pasi që të vetmohesh, orvatu që ta adhurosh sa më tepër Allahun e Lartëmadhëruar.

Qëndro sa më gjatë në sexhde, thuaj sa më tepër lutje, ndieje intelektin tënd, freskoji idetë tua, logjiko thellë për dukuritë dhe për njerëzit për reth teje: përkujtoje dijetarin e madh islam Ibn Tejmiun kur ai gjatë qëndrimit me fytyrë në sexhde i përkulur dhe me devotshmëri thoshte ketë lutje: “O Alahu im, o Mësuesi i lbrahimi, të lutem Ty më mëso edhe mua, o Allahu im i Cili i ke dhënë mençuri Sulejmanit, të lutem Ty më
dhuro edhe mua mençur?”.

Karakteristika numër nëntë: vështrim nga kënde të ndryshme

Kreativiteti është sikurse një formë gjeometrike me shumë kënde.
Kreativiteti nuk posedon një formulë të caktuar, konstante ose ndonjë formë të përhershme. Pra, ashtu siç edhe vetë trupat gjeometrik mund ta ndryshojnë formën dhe pozicionin e tyre, me ndryshimin e vetë këndeve të atyre trupave gjeometrikë, po ashtu edhe kreativiteti kërkon që në të të shikohet nga kënde dhe pozicione të ndryshme, sepse vështrimi vetëm nga një kënd, sjell me vete statikën, stereotipin, përtacinë, pasivitetin dhe asnjëherë nuk do të lindë kreativitetin.

Karakteristika numër dhjetë: durimi i madh

Jemi dëshmitarë të konflikteve të shumta të cilat janë duke ndodhur në shpirtrat dhe në mendjet tona. Po ashtu, jemi dëshmitarë të konflikteve të shumta të cilat i zhvillojmë kundër njëri-tjetrit në planin intelektual me qëllimin e zhdukjes së ideve të huaja. Vërtet, situatat e këtilla të përditshme kërkojnë durim permanent, jo durim të thjeshtë, por durim pa kufij. Na duhet durim, pa ia shtuar dëshpërimin dhe vajtimin. Na duhet durim i cili buron nga mbështetja në Allahun e Lartëmadhëruar. Na duhet durim i cili mbështetet në kënaqësinë e Allahut. Na duhet durim i cili do të na mësojë optimizmin se në fund do të fitojmë.

O ju të dashuruarit me kreativitetin dhe inovacionin, o ju të cilët keni qëllime dhe synime të larta e fisnike, ju të cilët me idetë dhe mendimet tuaja jeni para kohës së juaj, dijeni dhe mbajeni mend mirë se pas çdo vepre të suksesshme qëndron një njeri i suksesshëm i cili besoi thellë dhe pa kurrfarë hamendje në idenë dhe në planin e tij. Dijeni mirë se pas çdo kreativiteti të suksesshëm qëndron një njeri i cili ka punuar me mund derisa ka arritur në cakun e dëshiruar, pra deri në atë cak të cilin e kishte planifikuar mirë që më herët. Pasi që t’i realizosh planet dhe synimet e tua, e kështu të arrish në majën e dëshiruar, atëherë do të bëhesh yll ndërmjet të dashuruarve me kreativitetin.

Si të arrihet suksesi | Fejsal Omer Mahfuz Bashrahil

Ekipi i fortë si kështjella: ylli i gjashtë që duhet kuptuar nga nëntë yjet e suksesit

YLLI NUMËR GJASHTË: EKIPI I FORTË SI KËSHTJELLA

Allahu i Lartëmadhëruar në Kur’anin Fisnik ka thënë:
“Allahu i do ata që luftojnë në rrugën e Tij, të rreshtuar si të jenë ndërtesë e fortifikuar”.
(Saf, 4).

Vërtet, duhet të dimë se njeriu nuk do të arrijë sukses afatgjatë po qe se ai është vetëm një individ, po qe se vepron vetëm dhe individualisht, po qe se nuk është anëtar i ndonjë ekipi. Sintagma ‘ekipi si një kështjellë e fuqishme’ mund të përshkruhet ne mënyrë të shkurtër si: ekipi kompakt është më i fuqishëm se një grup individualistësh. Me të vërtetë, puna ime dhe puna jote së bashku do të sjellin rezultate më të mëdha dhe më të mira se sa puna e një numri të madh njerëzish të cilët veprojnë individualisht.

Ky është akumulim, kjo është mbështetje dhe ndihmë reciproke. Dije mirë se një + një vlejnë sa tetë njësi jo të ndërlidhura; ose edhe më tepër se tetë. Vërtet, kjo është një provë e saktë që të thërret t’i bashkëngitësh ekipit, t’i mësosh shkathtësisë e suksesit dhe të ndërtosh sukses të vërtetë.

FTESË NË BASHKËPUNIM TË FUQISHËM:

Ja, unë ju ftoj që të bashkohemi në aspektin shpirëror dhe fizik. Ju ftoj në shoqërinë dhe në rrethin ku ekziston kënaqësia për të gjithë. Ju ftoj në shoqërinë e cila ushqehet me respekt të ndërsjellë dhe me moral të mirë. Ju ftoj në shoqërinëe cila ka për qëllim ngritjen e gjeneratës e cila do te arrijë sukses në shekullin e njëzetenjëtë. Problemi ynë qëndron në atë se deri më tash kemi humbur mjaft energji, ndërsa intelektualët eminentë e konsiderojnë unitetin tonë të deritanishëm vetëm si formal dhe sipërfaqësor. Shkaku i kësaj është dëshira për sundim, si dhe dëshira për persekutimin dhe poshtërimin e të tjerëve. Si pasojë ne e kemi humbur domethënien e vërtetë të nocionit unitet dhe unifikim. Duhet ta dimë se njeriu i cili e ka humbur shpirtin e bashkimit dhe unitetit me të tjerët, është njeriu i cili nuk do të arrijë sukses në shtigjete largëta.

Gjithashtu, një nga problemet tona është ekzistimi i individëve të cilët kanë karakter frikacaku dhe i individëve të cilët dëshirojnë të arrijnë sukses përmes ndihmës reciproke. Mirëpo, të atillët në praktikë ose mbështeten vetëm në vetvete dhe në aftësitë e tyre, dhe në atë rast janë ithtarë të parimit: “Unë kam përfituar më shumë, e ti ke përfituar më pak”, ose mbështeten në popullaritetin e tyre dhe aty kërkojnë fuqi dhe dobi, andaj edhe janë ithtarë të parimit: “Unë kam përfituar më pak, e ndonjë tjetër ka përfituar më shumë”. Pra, parimet dhe principet e tyre janë mashtrimi, e më pas edhe kërkojnë punë nën ombrellën e frymës ekipore, sikur që t’iu kishte mbetur puna vetëm në ekip. Interesi i tyre është pikërisht ai individual dhe atë dëshirojnë ta realizojnë në cilëndo mënyrë, duke mos iu interesuar se çfarë do të bëhet me anëtarët e tjerë të ekipit të tyre.

Duhet theksuar fakti se ne i vlerësojmë dallimet në qëndrimet e njerëzve, madje ne e vlerësojmë të vërtetën se njerëzit janë të kategorive të ndryshme, dhe se mënyra e jetesës së tyre është e ndryshme. Prandaj, i ftojmë edhe njerëzit e tjerë që t’i vlerësojnë dhe t’i parapëlqejnë këto karakteristika; i ftojmë ashtu siç i ka hije shpirtit të ekipit që është i fuqishëm sikurse kështjella. I ftojmë me qëllim që të ngremë së bashku gjeneratën e cila është plotësisht e gatshme dhe e vendosur që të shërbejë dhe të marrë pjesë në ndërtimin e suksesit, i ftojmë që të ngremë një gjeneratë e cila anon më pak nga gabimet dhe
egoizmi. Ejani së bashku të ngremë gjeneratën e cila është më tepër e hapur, më tepër e gatshme për bashkëpunim, gjeneratën e cila ka vetëbesim, gjeneratën e cila është e gatshme të sakrifikojë, të japë dhe të dashurojë më tepër, gjeneratën e cila është e gatshme më tepër për bashkim dhe unitet, gjeneratën e cila ka qëndrimin e saj ndaj pjesëmarrjes në ndërtimin e suksesit.

THEMELI I NDËRTIMIT TË EKIPIT

Ekipi është një grup njerëzish të cilët janë mbledhur së bashku, një grup njerëzish të cilët kanë pretendime të njëjta, një grup njerëzish te cilët luftojnë dhe sakrifikojnë për vlera më të larta dhe për rezultate më të larta. Ekipi është sikurse stacioni që prodhon dhe liron energji të madhe, për shkak se çdo individ që është pjesëtar i ekipit ofron pjesën e tij dhe merr pjesë me aftësitë dhe shkathtësitë e tij.

Arsyet e fuqishme për formimin e ekipit

Ekipi duhet të formohet me qëllim që të zgjidhen problemet në menyrë sa më efikase dhe sa më të mirë, dhe me qëllim që t’i shfrytëzojmë talentet dhe resurset e përbashkëta njerëzore.
Ekipi duhet themeluar dhe formuar me qëllim që të zhvillohet ndjenja e unitetit, e sinqeritetit dhe e dashurisë gjatë realizimit të qëllimeve të përbashkëta.
Ekipi duhet themeluar dhe formuar me qëllim që të përmisohen rezultatet, ashtu që ta nxisim njëri-tjetrin, ta ndihmojmë dhe të ndërtojnë një ambient dhe atmosferë të këndshme.
Ekipi duhet themeluar dhe formuar me qëllim që të ofrojmë raste për përmisimin e raporteve ndërmjet anëtarëve të ekipit dhe njerëzve udhëheqës të ekipit, ashtu që ata me fuqinë e përbashkët t’i realizojnë projektet e caktuara.
Ekipi duhet themeluar dhe formuar me qëllim që t’i zgjidhim disa probleme me të cilat një numër i vogël i ekipit nuk dëshiron të merret, ndërsa numri më i madh i anëtarëve të ekipit dëshiron t’i zgjidhë.

Arsye më pak të fuqishme për formimin e ekipit

Ekipi duhet themeluar dhe formuar me qëllim që t’i zvogëlojmë punët dhe ta lehtësojmë punën e menaxhuesve dhe drejtorëve, sepse në të kundërtën, njerëzit janë vetëm makina dhe vegla të rëndomta.
Ekipi duhet themeluar dhe formuar me qëllim që t’iu ndihmojmë anëtarëve të ekipit që të përparojnë dhe t’i këmbejnë dituritë dhe aftësitë, e kështu të kursejmë kohën dhe mundin.
Ekipi duhet themeluar dhe formuar vetëm që të tregohen dhe të theksohen rezultatet më të mira, që të tjerët të na lavdërojnë neve dhe që unë ta ndiej se unë jam si faktor i rëndësishëm dhe anëtar i ekipit.
Ekipi duhet themeluar dhe formuar me qëllim që t’u tregojmë të tjerëve shembullim efikas se si duhet të punohet, që udhëheqësi i ekipit ta dijë se atë e ka bërë ekipi, që udhëheqësi ta dijë se ekipi është formalisht i bashkuar dhe unik…
Të gjitha këto janë arsye formale për themelimin dhe formimin e një ekipi, arsye përmes së cilave do të dëshironim t’i mashtronin dhe gënjenim njerëzit e tjerë.

Duhet të dish se në raportet me njerëzit e tjerë prej teje kërkohet që të qëndrosh mjaft i shkathët dhe të kesh raporte të shkëlqyeshme.

Gjithashtu, prej teje kërkohet që t’i përvetësosh dhe t’i njohësh në mënyrë të shkëlqyer dallimet e caktuara tek njerëzit, si dhe duhet të dish se si mund të ndërtohet një ekip i fuqishëm si kështjella, pavarësisht nga fakti se anëtarët e atij ekipi janë me karakteristika të ndryshme, Qendra e suksesit të ekipit, që është i fuqishëm si kështjella, është ndërtimi i pikave të fuqishme dhe zbutja e atyre që janë të dobëta.

UDHËHEQËSI I PROJEKTIT TË NDËRITIMI

Pikërisht nga ky vend, nga vetë maja, zgjidhet udhëheqësi i cili do ta udhëheqë ekipin si kështjellë e fuqishme, e që shumë më herët
është thënë: “Ushtria e lepujve të cilën e udhëheq luani është më e mirë se ushtria e luanëve të cilen e udhëheq lepuri”.
Ndërsa udhëheqësi i vërtetë është personalitet i cili i shfrytëzon aftësitë dhe fuqitë e tij me qëllim që t’i këshillojë dhe të ndikojë në sjelljen e anëtarëve të ekipit të tij, ashtu që të arrijnë rezultatet të cilat i kanë planifikuar më parë.
Formimi i ekipit do të të ofrojë një rast të shkëlqyer që t’i theksosh dhe t’i nxjerrësh në dukje veçoritë ekzistuese tek njerëzit e tjerë dhe, në atë mënyrë, do t’i zgjidhësh problemet shumë lehtë.

Misioni i udhëheqësit të ekipit fillon me përsosjen e alfabetit të njëzetenjë veçorive, me qëllim që ai të bëhet udhëheqësi i cili do të ndërtojë një ekip.

Veçoria numër një: udhëheqësi psikolog, kjo është veçoria që udheheqësi të marrë pjesë në ndërtimin e marrëdhënieve të mira me anëtarët e ekipit, që udhëheqësi të posedojë shkathtësi që të ndikojnë në zemrat e anëtarëve të ekipit, që të jetë në gjendje që të mbjellë farën e dashurisë dhe vëllazërisë në zemrat e anëtarëve të ekipit, të marrë pjesë në zgjidhjen e problemeve të disa anëtarëve të ekipit, të qëndrojë me ta dhe të ketë durim.

Veçoria numër dy: është ajo që udhëheqësi të jetë i dashur për anëtarët e ekipit, të jetë i mëshirshëm dhe t’i pranojë faljet. Zemra e tij duhet të jetë e gjerë, ai duhet të jetë me karakter të butë, të flasë fjalë të këndshme, të jetë i aftë që t’ju japë edhe të tjerëve nga vetja e tij, e që më pas të mos presë asgjë si kundërvlerë, të jetë udhëheqës i cili dashuron pa kurrfarë kushtesh dhe interesash.

Veçoria numër tre: udhëheqësi i cili do t’i përcjellë dhe mbikëqyrë. Nga ky udhëheqës pritet që ta përcjellë dhe ta mbikëqyrë zhvillimin shpirtëror dhe përparimin ndërmjet anëtarëve të ekipit, të jetë sentimental me anëtarët e tij, të bartë llogarinë dhe brengën për anëtarët e tij, t’i vizitojë ata, e veçanërisht ata të cilët janë pak më të dobët se ai. Udhëheqësi (menaxhuesi) duhet te ketë kujdes dhe të bartë llogari për anëtarët e tij dhe për problemet e tyre, kështu që motoja e tij të jetë ajeti kuranor:
“Dhe vështroi shpendët e tha: “Ç’është që nuk e shoh pupëzën? Jo, ajo nuk qenka këtu”!
(en-Neml, 20).)

Veçoria numër katër: udhëheqës i cili shërben, pyetja e të cilit vazhdimisht duhet të jetë: “Në çfarë mënyre mund t’ju ndihmoj”? Ai duhet ta harxhojë kohën e tij me anëtarët e ekipit të tij dhe ndërmjet tij dhe anëtarëve të ekipit nuk duhet të ekzistojë ndonjë pengesë, ndërsa motoja e tij duhet të jetë: “Unë jam vëllai juaj, ju ndihmoj për shkak të dashurisë, durimit, ai është vullneti im unë ju dua aq shumë saqë nuk mund t’ju lejoj të veproni dobët por veçse shkëlqyeshëm, megjithatë, unë nuk ju detyroj të punoni, por vetëm ju ftoj në punë”.

Veçoria numër pesë: udhëheqës i cili pushton. Ky është ai udhëheqës i cili pushton gjithçka përreth vetes së tij me aftësitë që posedon. Udhëheqësi duhet të jetë sikurse Omer ibn Hattabi (radijAllahuanhu), kur në një rast iu tha shokëve të tij: “A dëshironi diçka?”, e pasi çdo njëri prej tyre shprehu dëshirën për diçka, Omer ibn
el-Hatabi (r.a.) tha: “Unë dëshiroj një shtëpi që do të ishte përplot (me burra) sikurse Ebu Ubejdi dhe Salim ebu Hudhejife.

Veçoria numër gjashtë: udhëheqësi që është i qëndrueshëm.
Udhëheqësi medoemos duhet të jetë durimtar gjatë realizimit të ëndrrës së tij. Udhëheqësi duhet të jetë i shkathët, të ketë një strategji dhe vizion të qartë. Po ashtu, udhëheqësi duhet të dijë se puna mundimplote e cila nuk bëhet me vizion, shndërrohet në skllavëri, ndërsa vetë vizioni pa një punë mundimplote mbetet vetëm një ëndërr e parealizuar. Vizioni im karakterizohet me punën praktike që ngadalë do të realizohet për arsye se vizioni im është fryt i entuziazmit tim që e lëviz dhe e liron energjinë time.

Pyetje: Cili baba është më i miri?
Babai numër një: është babai i cili i bërtet të birit të tij dhe i thotë: “Kryeje detyrën tënde”, e më pas largohet nga i biri. (Ky është shembulli i robërimit ose mënyra ku nuk ekziston vizioni).

Babai numër dy: i bërtet të birit të tij: “Ngrihu dhe realizo qëllimin tënd”. (Ky është shembulli për ëndrrën e shkretë, për vizionin i cili nuk përmban ndonjë plan praktik).

Babai numër tre: i thotë të birit të tij: “Detyra jote është që ta kryesh obligimin, sepse mësimi dhe përsëritja është rruga e drejtë për t’i realizuar planet dhe qëllimet e tua”. (Ky është shembulli i vizionit të cilin e përcjell plani praktik i punës dhe realizimit).

Veçoria numër shtatë: udhëheqës i cili stimulon. Për çfarë arsye dhjetëra e qindra kompani nuk arrijnë që t’i realizojnë planet e tyre të parapara? Vallë, a nuk ke dëgjuar për kompanitë të cilat nuk iu ndihmojnë të punësuarve të tyre?! Udhëheqësi i cili nxit është ai i cili i ndihmon anëtarët e vet ekipit të tij në kreativitet dhe në inovacione, i ndihmon në lindjen dhe në lirimin e energjisë së re tek ata. Kështu pra, ai i orienton drejt rezultateve të suksesshnme.

Shembulli më i mirë i sotëm se si duhet t’i nxisim dhe t’i japim kurajë ekipit tonë të punës vjen pikërisht nga themelet e ekonomisë
Megjithatë, në ekonominë e sotme nuk ka vend për miqësi të ngushtë ose për mëshirë; në bazë të këtyre rregullave ndoshta do të mundesh të blesh fjalët dhe intelektin e disa individëve, mirëpo dije mirë se në atë menyrë asnjëherë nuk do të mund t’i blesh zemrat dhe miqësinë e tyre.

Këtu do t’u paraqesim nxitjet më të rëndësishme për njeriun, sipas teorisë së njërit prej psikologëve më eminentë, të quajtur Maslow.

Këto forma të stimulimeve, ai i ka ndarë në pesë nevoja njerëzore:
Nevoja e njeriut për t’u respektuar;
Nevoja e njeriut për besim;
Nevoja e njeriut për t’u ndier pjesë e diqkaje;
Nevoja e njeriut për plotësimin e dëshirave;
Nevoja fiziologjike.

Atëherë kur të arrish në mënyrë të drejtë dhe korrekte plotësimin e këtyre nevojave në shpirtrat e njerëzve të tjerë, atëherë ata do të mahniten në mënyrë të papërshkruar.
Veçoria numër tetë: udhëheqësi i vlefshëm. Udhëheqësi duhet të ndikojë që të punohet në mënyrën më të vlefshme dhe më të mirë.

Po ashtu, ai duhet të ndikojë që të gjithë anëtarët e ekipit të kënaqen me punën dhe frymën ekipore e harmonike. Gjithashtu, udhëheqësi duhet të kërkojë mendimin e atyre që janë përreth tij.

Veçoria numër nëntë: udhëheqësi i lë të tjerët të kenë duar të lira. Ai duhet t’iu ofrojë të tjerëve që të marrin pjesë në sukses.
Ai duhet t’iu ofrojë atyre hapësirë që vetë ata të logjikojnë dhe të sjellin vendime. Udhëheqësi duhet të bëjë që ata të cilët i udhëheq ta ndiejnë dhe ta marrin përgjegjësinë për atë që bëjnë, si dhe duhet t’u mundësojë anëtarëve të tij kushte të volitshme për punë, e assesi t’iu ofrojë punë të sigurt dhe pa kokëçarje.

Veqoria numër dhjetë: udhëheqësi zemërgjerë. Ai duhet t’iu sigurojë atyre të cilët i udhëheq mbështetje sa më të vogël. Ai duhet t’ua bëjë me dije atyre të cilët i udhëheq që të presin sa më pak ndihmë për punët e mëdha, por edhe për punët e vogla. Udhëheqësi duhet të sigurojë logjistikë të domosdoshme për një punë të caktuar, duhet t’i stimulojë anëtarët e tij që të ndërmarrin iniciativë dhe përgjegjësi individuale. Gjithashtu, udhëheqësi i ekipit duhet t’iu sigurojë anëtarëve të tij të ekipit kushte të atilla që ata vetë të mund ta ndiejnë rolin e udhëheqësit dhe ta ndiejnë dashurinë dhe ndihmën reciproke.

PUSHIM PËR TË MOS BESUAR

Në revistën USA TODAY është publikuar studimi i një ankete të realizuar me disa biznesmenë, për atë se çfarë mendojnë ata për kërkesat dhe nevojat e të punësuarve të tyre. Rezultati i kësaj ankete ishte kjo që vijon:

Numër një: të punësuarve iu nevojiten paga të larta;
Numër dy: të punësuarve iu nevojitet punë e sigurt; dhe
Numër tre: të punësuarve iu nevojiten raste dhe kushte për progresin dhe përparimin e tyre.

Mirëpo, pasi që të punësuarve iu është parashtruar e njëjta pyetje, përgjigjja ishte kjo që vijon:
pagat e larta ishin në vendin e shtatë;
rastet dhe kushtet për progres dhe përparim ishin në vendin e dymbëdhjetë;
puna e sigurt ishte në vendin e trembëdhjetë.

Nevoja primare për ta kishte qenë puna ku do të kënaqeshin;
nevoja numër dy për të punësuarit ishte ajo që t’iu vlerësohej dhe merrej parasysh rezultati dhe të arriturat e tyre në punë;
nevoja numër tre për të punësuarit ishte ajo që ata të ndiheshin se ishin bashkëpunëtorë të vërtetë në sjelljen e vendimeve.

E drejta e çdo punëtori në kompaninë Toledo është që të përfitohet shuma deri më 500 dollarë amerikanë në cilindo projekt eksperimental për të cilin ai konsideron se mund ta përmirësojë prodhimin, e pastaj të mos e ketë të domosdoshme të marrë leje nga drejtoria për atë projekt.

Veçoria numër njëmbëdhjetë: udhëheqësi i cili e obligon veten që do të jetë anëtari ekipit. Ai duhet të ofrojë kontributin e tij në punën e përbashkët së bashku me anëtarët e tjerë të ekipit të cilin ai e udheheq: Gjithashtu, udhëheqësi i ekipit duhet që t’i bindë anëtarët e tij për parullën: “Së bashku jemi dhe në vështirësi, edhe në gëzime, së bashku fitojmë dhe së bashku humbim”.

Veçoria numër dymbëdhjetë: udhëheqësi i cili gëzon mirëkuptim. Ai duhet t’iu ofrojë anëtarëve të ekipit të tij raste për të mësuar dhe duhet t’i anashkalojë gabimet e tyre, mirëpo nuk duhet të lejojë që të përsëriten të njëjtat gabime. Po ashtu, ai duhet t’ua lejojë anëtarëve të tij shprehjen e ambicieve dhe qëllimeve të tyre.

Veçoria numër trembëdhjetë: udhëheqësi që nxit përparimin.
Ai duhet t’i stimulojë anëtarët e ekipit të tij për progres dhe përparim.
Ai duhet t’iu lejojë atyre që vetë ata ta dominojnë vetveten e tyre. Të arriturat e tij flasin për të dhe ai duhet medoemos të jetë i dashur tek të gjithë anëtarët.

Veçoria numër katërmbëdhjetë: udhëheqësi i cili i respekton bashkëpunëtorët e tij. Ai duhet që anëtarëve të ekipit të tij t’iu shprehë sinqerisht falënderime, respekt, si dhe lëvdata për vlerat e tyre. Ata duhen respektuar, madje duhen respektuar edhe detyrimet e tyre dhe takimet e realizuara.

Veçoria numër pesëmbëdhjetë: udhëheqësi i cili shpjegon në mënyrë precize. Ai duhet që anëtarëve të ekipit te tij të punës t’ua tregojë vlerat e vërteta, si dhe t’iu tregojë se çka është e rëndësishme, per çfarë luftojnë dhe pse angazhohen ata. Detyrë e tij është që ta shpjegojë në mënyrë të saktë dhe të plotë vizionin, strategjinë, qëllimet dhe planet e tij. Kështu që ai do ta informojë në mënyrë mjaft efikase dhe korrekte ekipin e tij dhe do t’ua parashtrojë atyre dituritë dhe informacionet e duhura.

PUSHIM PRANË REKLAMAVE

Disa nga kompanitë publikojnë konkurs për vendin e punës së drejtorit, gjë që paraqet një rast të ri në sferën e politikës redaktuese.
Si kusht për drejtor të ri kërkohet:
përmirësimi i parullës dyert janë të hapura. Nga drejtori i ri kërkojmë që t’i hapë dyert, t’i mbyllë veshët e tij në mënyrë efikase dhe të plotë, si dhe t’i presë të gjitha rrugët të cilët shpien deri te zemra e tij; të përmirësohet parulla kulla e lartë e mendjemadhësisë. Nga drejtori i ri kërkojmë që t’i dijë të gjitha gjërat dhe ta përcjellë në mënyrë konsekuente politikën ‘unë dhe askush me’. Dëshirojmë drejtor i cili e ka shlyer nga fjalori i tij fjalën: ‘Unë nuk e di’. Dëshirojmë një drejtor i cili do të ndjekë pikërisht politikën e mënjanimit dhe eliminimit të të gjithë individëve të cilët do t’i dalin në rrugë.

Kjo kompani, në princip kërkon atë që nuk dashuron askënd dhe që nuk dashurohet nga askush; pra kërkohet ai të cilit nuk i bëhet asnjëherë e tepërt zhurma, shtypja dhe keqtrajtimi i të punësuarve.
Ja, një i këtillë do të mund të gjendet vetëm në klubin e të urryerve.

Veçoria numër gjashtëmbëdhjetë: udhëheqësi i cili mendon.
Ai duhet të mbajë llogari për mbledhjen e të gjitha informacioneve, ashtu që te logjikojë dhe mendojë hollësisht për to. Udheheqësi i ekipit duhet të planifikojë dhe ndërtojë imazhin dhe shenjën njohëse të ekipit të tij; ai duhet të jetë novator dhe duhet të ofrojë vazhdimisht inovacione, duher të jetë kreativ dhe ambicioz, ashtu që t’i përmirësojë rezultatet e ekipit të tij. Udhëheqësi i ekipit medoemos duhet të jetë personalitet i cili planifikon dhe i çon përpara teoritë e mira, teoritë të cilat posedojë dimensionin e tyre strategjik dhe që sigurojnë sukses për ta. Gjithashtu, udhëheqësi i një ekipi duhet ta dashurojë të menduarit që ka të bëjë me ndryshimin aktual të gjendjes drejt më të mirës dhe më efikases.

Veçoria numër shtatëmbëdhjetë: udhëheqësi i cili lëviz. Udhëheqësi ka për obligim të kujdeset për ndërtimin e personalitetit dhe karakterit të anëtarëve të ekipit të tij dhe ai duhet t’iu ndihmojë individëve me qëllim që të përparojnë drejt zhvillimit, e kështu të gëzojnë mundësi për përsosje. Udhëheqësi i një ekipi orvatet që të sillet ndaj anëtarëve të tij sikurse me individët të cilët posedojnë energji dhe potenciale shumë të fuqishme që duhet të lirohen në mënyrë të drejtë. Detyra e vërtetë e udhëheqësit të një ekipi është edhe që ai ta njohë energjinë dhe potencialin e fshehur (tek anëtarët e ekipit të tij) e kështu t’i orientojë ato drejt rezultateve më të mira. Veprat e tij janë më të zëshme dhe më prezente se sa fjalët e tij. Udhëheqësi i një ekipi duhet të jetë shembull i cili duhet të ndiqet nga të tjerët.

Veçoria numër tetëmbëdhjetë: udhëheqësi i cili lë gjurmë. Udhëheqësi i një ekipi duhet rë përsoset në shkathtësitë e dëgjimit të anëtarëve të ekipit të tij. Ai duhet ta përsosë të kuptuarit e gjuhës së
ndjenjave dhe duhet t’i kuptojë të tjerët para se ata ta kërkojnë një gjë të tillë prej tij. Udhëheqësi duhet të besojë se suksesi i individit është edhe sukses i ekipit; udhëheqësi duhet të flasë për vlerat dhe parimet e vërteta. Ai duhet të jetë personalitet i cili do të posedojë aftësi dhe
shkathtësi të mëdha shpirtërore, siç janë vetëpërmbajtja, durimi, të kuptuarit e të tjerëve, bashkëpunimi me të tjerët krahas gabimeve të
tyre, etj. Dhe udhëheqësi i suksesshëm i një ekipi, thjesht, duhet të mendojë mirë dhe në mënyrë pozitive për anëtarët e ekipit të tij.
Veçoria numër nëntëmbëdhjetë: udhëheqësi i cili është i qartë. Ai duhet t’ua tregojë të tjerëve vlerat dhe parimet e tij të vërteta dhe ata duhet t’iu përmbahen dhe t’i praktikojnë ato. Assesi nuk guxojmë ta rrënojmë atë që është ndërtuar. Udhëheqësi duhet ta publikojë planin e tij; vizioni dhe udhëzimet e tij duhet të jenë të qarta edhe
për të tjerët. Zakonisht, udhëheqësi korrekt i një ekipi duhet të jetë i qartë dhe preciz, e assesi i komplikuar dhe i paqartë. Asgjë nuk duhet të mbetet e fshehur për ekipin e tij. Udhëheqësi i vërtetë duhet të ndjekë politikën e hapur dhe politikën e gatishmërisë së vërtetë për
marrëveshje; ai duhet medoemos t’i dëgjojë anëtarët e ekipit të tij. Udhëheqësi i suksesshëm duhet medoemos të ketë raporte të qarta dhe komunikim të qartë me anëtarët e tij, ashtu që vërtet të ndikojë tek ata dhe të lërë gjurmë pozitive pas vetes së tij.
Veçoria numër njëzet: udhëheqësi i guximshëm. Ai duhet të pranojë në mënyrë të guximshme se edhe ai posedon dobësitë e tij. Thjesht, duhet medoemos ta mësojë dhe ta përsërisë vazhdimisht fjalën: “Unë jam i paditur”, e assesi nuk guxon të jetë njëri nga ata që i fsheh mangësitë e tij, e as nga ata që zemërohet nga gabimet e tij. Udheheqësi i suksesshëm i ekipit të tij duhet të jetë i guximshëm, ashtu që anëtarëve të ekipit të tij t’ua lejojë lirinë për t’u orvatur dhe për të gabuar ai medoemos duhet të jetë i gatshëm të mësojë nga ekipi i tij ai medoemos duhet të jetë vazhdimisht i disponuar dhe i buzëqeshur, e nëse ndonjëri e hidhëron, atëherë ai duhet t’ia kthejë me falët: “Ju faleminderit”. Udhëheqësi i vërtetë duhet të sjellë iniciativa. Ai duhet të jetë i ndjeshëm ndaj përgjegjësisë, e assesi t’i kritikojë vetëm të tjerët. Udhëheqësi i vërtetë duhet të dijë se kur ai e ngre gishtin e tij tregues me qëllim që ti qortojë të tjerët, atëherë le ta dijë se gishtat e tjerë të tij qëndrojnë kundër tij. Udhëheqësi i vërtetë i ekipit të tij duhet të jetë i guximshëm që të mos u shkaktojë fatkeqësi dhe dhembje të tjerëve, përkundrazi, udhëheqësi i vërtetë i ekipit duhet të jetë ai i cili do të mund ta mbajë dhe durojë edhe goditjen.

PAUZË PËR PUSHIM

Proklamatë: Nëse të thuhet se gjithçka rrjedh shumë lehtë sipas planit, atëherë ji i sigurt se je duke dëgjuar ose ndonjë tepër të marrë, ose ndonjë tepër gënjeshtar.
Mbytja e lejuar: Ajo që është më vrasëse ndaj moralit dhe mentalitetit të njerëzve të tjerë, si dhe fatkeqësia më e madhe që mund të ndodhë, është që njerëzit të futen në një mision të rëndësishëm pa ndonjë përgatitje paraprake, si dhe pa diturinë dhe njohurinë e nevojshme për atë se si duhet të realizohet ai mision.
A mund të besosh se kompania hotelierike Ritz Carlton përgjegjësinë në sjellen e vendimeve për shpenzimet në shumë deri më 2000 dollarë ia besoi një të punësuari të ri, e që të mos kërkojë
pajtueshmëri për të, e as që do të kërkojë përgjegjësi po qe se ai plan ose projekt nuk realizohet me sukses.
Veçoria numër njëzetenjë: udhëheqësi optimist. Ai duhet të ketë dijeni për teorinë e kallamit kinez, duhet të dijë vlerën e vërtetë të tokës dhe mjeshtërinë e mbjelljes së farërave. Udheheqësi optimist i ekipit duhet të dijë se si hidhet plehu dhe uji dhe se si mbrohen të mbjellat nga ndonjë sëmundje eventuale. Udhëheqësi korrekt i ekipit
duhet të jetë durimtar dhe optimist, e jo të vërsulet drejt rezultateve dhe fryteve, sepse udhëheqësi është ai i cili e di vlerën e vërtetë të
optimizmit të tij dhe është ai që duhet ta dijë se suksesi përfundimtar dhe fryti i vërtetë do të vijë në fund. Ky është ligji i mbjelljes me optimizëm i cili shkëlqen sikurse dielli.

SHTATË KARAKTERISTIKA TË EKIPIT I CILI ËSHTË I FUQISHËM SI KËSHTJELLA

Karakteristika numër një: punë me qëllim

Domethënie
Së pari duhet të përcaktohet qëllimi, e më pas secilit anëtar duhet t’i përcaktohet roli i tij në mënyrë mjaft të qartë dhe precize, e kështu në fund së bashku të arrihet deri në cakun e planifikuar. Shembulli me i mirë për kërë është ekipi i futbollit. Lojtarët e ekipit të futbollit janë kompaktë, të përgatitur dhe synojnë vetëm drejt një qellimi, e ajo është fitorja.

Karakteristika numër dy: mosekzistimi i egoizmit

Domethënie
Rezultatet të cilat i realizon një ekip, në të vërtetë, janë rezultate të çdo pjesëtari të ekipit dhe ata e përdorin parullën dhe e përcjellin moton NE… e assesi atë UNË.

Karakteristika numër tre: çdo anëtari ekipit e plotëson tjetrin, e nuk është oponent i tij

Domethënie
Ekziston një proverb i njohur amerikan i cili thotë: “Nëse pajtohesh çdoherë dhe pa kurrfarë kushti me kryetarin tënd, atëherë ji i sigurt se njëri prej jush nuk ka ilaç”. Është e domosdoshme që
secili anëtar i ekipit të posedojë vlerën e tij të qartë. Sërish shembulli më i mirë është ekipi i futbollit: gjatë ndeshjes futbollistike në një portë nuk mbrojnë dy portierë.

Karakteristika numër katër: motivi kryesor është suksesi

Domethënie
Karakteristikë e ekipit që është i fuqishëm sikurse një kështjelli është se anëtarët e tij flasin pak. Madje është e kundërta, karakteristikë e tyre është se ata idetë dhe teoritë e tyre i zbatojnë në vepra, në realitet, që të arrijnë rezultate të përbashkëta përmes kreativitetit dhe shkathtësive në ekip. Ata nuk ua vënë veshin rezultateve sipërfaqësore dhe rezultateve të përkohshme.

Karakteristika numër pesë: kënaqësi në ndihmën dhe frymën ekipore

Domethënie
Parulla e ekipit që është i fuqishëm sikurse një kështjellë është besimi.
Besimi është vlera e vërtetë, e assesi ndjenjat dhe simpatia.
Besimi është një karakteristikë e cila nuk posedon formën e saj, përkundrazi, besimi është boshti i veprave tona.

Besimi është krediti themelor në zemrat tona. Suksesi i çdo ekipi është suksesi në shtigje të gjata; anëtarët e tij e ruajnë me fanatizëm frymën e tyre të vërtetë, si dhe ndihmën ndaj të tjerëve. Ata i mbrojnë me vendosmëri anëtarët e ekipit të tyre.
Besimi është burim; besimi nxit dhe stimulon që anëtarët e ekipit të veprojnë dhe punojnë së bashku, madje edhe të bashkëpunojnë përmes ndjenjave dhe simpative reciproke.

Karakteristika numër gjashtë: çdo anëtar i ekipit, krahas roleve të tyre të ndryshme në ekip, gëzon të drejta të barabarta

Domethënie
Të drejtat e barabarta në ekip nuk do të thotë edhe paga të barabarta, por e drejtë e barabartë në respekt, vlerësim.

Karakteristika numër shtatë: qasje e lirë në informacionet dhe në të dhënat të cilat i përkasin ekipit

Domethënie
Të ekzistuarit e ndonjë fshehtësie argumenton mosekzistimin e besimit. Është njëlloj sikur shpirti të durojë diçka që nuk mund ta bartë, sepse shpirti dëshiron që ta njohë të panjohurën. Ndërsa ekipi që është i fuqishëm sikurse një kështjellë nuk ka ndonjë fshehtësi ndermjet anëtarëve të tij; sinqeriteti i tyre dhe lidhjet e drejtpërdrejta ndërmjet tyre nuk kanë kufij.

Pauzë me qëllim që të theksojmë një shembull i cili duhet ndjekur

Njërën nga gratë e fisit Benu Abdi-ddar e kishin informuar se bashkëshorti i saj, vëllai dhe biri i saj kishin renë dëshmorë (shehidë) në një betejë, e ajo pyeste: “Cfarë ndodhi me të Dërguarin e Allahut salallahu alejhi ue selem”?
lu përgjigjën: “Ai është mirë”. Ajo ua ktheu: “Çdo fatkeqësi përveç teje, o i Dërguari i Allahut, është e parëndësishme”.

Çfarë shembulli mahnitës i një gruaje të devotshme dhe besimtare për një ekip pune, ku zemrat do të dridheshin! Në një ekip të këtillë zemrat janë përgatitur dhe të mbjellat janë ujitur me ujë nën udhëheqjen e njeriut dhe edukatorit më të përpiktë – nën udhëheqjen e Muhamedit (salAllahu alejhi ves sel-lem).
Ky është shembulli i vetëm dhe më praktik për ngritjen e gjeneratës e cila do të arrijë sukses në shekullin e njëzetenjëtë.

TAKIMI NUMËR TRE

Suksesi ka të dashuruarit dhe ithtarët e tij… Suksesi e ka skalitur thellë gjurmën e tij në shpirtrat e atyre të cilët flasin për suksesin.
Duhet ditur se ekzistojnë suksese të mëdha, si edhe suksese të përkohshme. Megjithatë, suksesi në shekullin e njëzetenjëtë ngërthen shijen, sharmin, aromën dhe bukurinë e tij të veçantë. Prandaj, për një kohë do të dalim në stacionin me titull “Ata flasin për suksesin”.

Në kapitujt e këtij lloji do të paraqesim alfabetin e suksesit përmes shembullit të njerëzve të cilët kanë pasur role kyçe dhe të individëve të cilët kanë arritur rezultate të konsiderueshme, dituri dhe përvojë, ashtu që të kenë dobi të gjithë ata të cilët dëshirojnë sukses në shekullin e njëzetenjëtë. Do të takohemi me profesorin e nderuar Fejsal ebu el-Hajr, me qëllim që të udhëtojmë me të dhe me vellezërit tanë lexues përmes rrugës së suksesit. Në atë udhëtim bashkudhëtari ynë do të na ofrojë disa këshilla mjaft të dobishme.

DISA NGA FSHEHTËSITË E SUKSESIT NË JETË

“Me të vërtetë, suksesi në jetë vjen vetëm pas ndihmës së Allahut të Lartëmadhëruar. Pikërisht për atë arsye, ne kemi vërejtur se në histori njerëzit e suksesshëm kanë qenë njerëz të cilët posedonin disa veçori dhe karakteristika të përbashkëta, siç janë: dëshira dhe ambiciet për t’i realizuar qëllimet dhe planet e mëdha, të ekzistuarit e vetëbesimit të thellë dhe, në fund, njëra nga karakteristikat e përbashkëta të njerëzve të suksesshëm gjatë historisë ka qenë edhe aftësia dhe shkathtësia për t’i ngritur dhe për t’i ndërtuar virtytet shpirtërore njerëzore.

Po ashtu, është e ditur se ekzistojnë edhe disa faktorë të jashtëm të cilët ndihmojnë në zgjerimin e numrit të njerëzve të suksesshëm në një shoqëri, siç janë p.sh.: rrethi i shëndoshë ku jeton, familja e shëndoshë e cila posedon tradita të bukura dhe të dobishme, prezenca e disa problemeve të caktuara në një shoqëri, të cilat tek disa individë të asaj shoqërie do ta stimulojnë frymën e të mirës, si dhe të ekzistuarit e stabilitetit shpirtëror tek individët e asaj shoqërie, si dhe te mbarë shoqëria në përgjithësi”.

Si të arrihet suksesi | Fejsal Omer Mahfuz Bashrahil

Për shkak të koronavirusit Trusti humbi 8.5 milionë euro

Pandemia e shkaktuar nga virusi COVID-19, ka krijuar tashmë krizë jashtëzakonisht të rëndë për tregjet financiare globale. Kriza është duke i prekur edhe paratë e taksapaguesve të Kosovës që po ruhen në Fondin e Kursimeve Pensionale të Kosovës.Efekte e pandemisë kanë reflektuar në tregjet financiare globale.

Fondi i Kursimeve Pensionale të Kosovës (FKPK), i cili ka nën menaxhim kontributet e obligueshme pensionale (dhe vullnetare) të të punësuarve në Kosovë po pëson një rënie të investimeve të parave jashtë Kosovës, shkruan lajmi.net.Me datë 30 mars 2020, Trusti deklaroi se ka nën menaxhim 1,904,429,229 euro. Vetëm një ditë më pas, me datë 1 prill, Trusti ka deklaruar se ka nën menaxhim 1,895,829,608 euro. Pra, brenda një dite, ky institucion pati një humbje të madhe nga kthimi i investimeve në vlerë prej 8, 599, 621 euro.

Trusti e kishte mbyllur vitin 2019 me gjithsej mjete nën menaxhim 1,966,956,583 euro. Për katër muaj, humbje nga investimet kanë qenë 71, 126, 975 euro.FKPK-ja për vitin 2019 ka arritur një perfomancë pozitive nga investimet prej 8.9%, ndërkohë që e ka mbajtur luhatshmërinë e ulët. Kthimi bruto shkoi në rreth +161 milionë euro në total, duke qenë kështu në vlerë nominale më i larti ndonjëherë.

Forbes: Për shkak të COVID-19, 226 persona nuk janë më miliarderë

Në gjysmën e parë të muajit mars, 226 persona e kanë humbur statusin e miliarderit, si rezultat i luhatjes ekonomike, të shkaktuar nga pandemia e koronavirusit, theksoi revista “Forbes”.

Jef Bezos është në krye të listës së pasanikëve botërorë, për të tretin vit me radhë, por pandemia botërore e ka ndryshuar listën e miliarderëve të “Forbes”, e prej këtu shumë prej tyre më nuk janë në këtë listë.

Pasuria e Bezosit vlerësohet në 113 miliardë dollarë, por ajo ka shënuar rënie prej 18 miliardë dollarë amerikanë në krahasim me vitin e kaluar, më së shumti nga “dëmshpërblimi” për shkak të divorcit nga ish-bashkëshortja e tij, por aksionet e kompanisë së tij Amazon janë rritur me 15 %.

Bashkëthemeluesi i “Microsoft”, Bill Gates mban vendin e dytë me pasuri prej 98 miliardë dollarë, 1,5 dollarë amerikanë më shumë se vitin e kaluar. Nga miliarderët tjerë, 51 % janë më pak të pasur se vitin e kaluar.

Miliarderët botërorë gjithsej “peshojnë” rreth tetë trilionë dollarë, që është ulje për 700 miliardë dollarë në krahasim me vitin 2019, njofton “Forbes”.

Në listën më të re të “Forbes ka gjithsej 2 095 miliarderë.

COVID-19 zbraz buxhetin, Qeveria kërkon leje nga Kuvendi

Qeveria e Kosovës do të kërkojë leje nga Kuvendi i Kosovës për tejkalimin e rregullës fiskale në rast që gjatë implementimit të pakos emergjente do të detyrohen të rrisin deficitin buxhetor apo të ulin bilancin bankar nën përqindjet e parapara. Kjo kërkesë vije pasi parashihet një rënie e të hyrave të planifikuara për rreth 198 milionë euro për shkak të ndikimit të COVID-19.

Përvec rënies së të hyrave, Qeveria ka planifikuar një pako emergjente në vlerë 170 milionë euro. Uljen e të hyrave dhe nevojën për shpenzime shtesë për tu përballur me COVID-19, Qeveria po synon të mbylojë përmes kredive dhe zvogëlimit të bilancit bankar.

Pra, Qeveria synon që deficitin buxhetor ta financojë përmes borxheve të brendshme dhe të jashtme duke mos prekur projektet kapitale të cilat janë planifikuar me buxhetin e vitit 2020.

Ministri në detyrë i Financave dhe Transfereve, Besnik Bislimi ka thënë se ministria e drejtuar nga ai e ka dërguar në Qeveri për aprovim kërkesën për ndryshimet e kërkuara nga Kuvendi i Kosovës, në mënyrë që pakoja emergjente të mund të implementohet në tërësi.

“Ne mund të fillojmë me implementimin e secilës pikë të pakos edhe pa marrë pëlqimin nga ana e Kuvendit të Kosovës”, ka shtuar Bislimi.

Në buxhetin e vitit 2020, i cili është miratuar në Kuvendin e Kosovës në muajin mars, është paraparë që deficiti buxhetor të jetë 2%, kurse nëse Kuvendi e lejon këtë tejkalim të deficitit, atëherë ai është planifikuar të jetë 6.2%.

Sa i përket bilancit bankar të shfrytëzueshëm, i njëjti në buxhetin e miratuar për vitin 2020 ka qenë 4.5% kurse me këtë vendim është kërkuar që ai të ulet në 4.0%.

Sipas buxhetit të miratuar të vitit 2020, të hyrat e këtij viti ishin planifikuar të jenë 2 miliardë e 20 milionë euro (2,020,000,000 euro). Nëse Kuvendi e miraton kërkesën e Qeverisë atëherë të plani i të hyrave buxhetore do të ulen për 198 milionë euro dhe do të jenë 1 miliard e 822 milionë euro (1,822,000,000 euro).

Në kërkesën e qeverisë nuk është paraparë ulja e shpenzimeve. Shpenzimet në buxhetin 2020 janë paraparë të jenë 2 miliardë e 357 milionë euro (2,357,000,000 euro), ndërsa me ‘rishikimin’ e propozuar nga Qeveria e Kosovës shpenzimet do të rriten për 29 milionë euro, apo në total do të jetën 2 miliardë e 386 milionë euro (2,386,000,000 euro).

Ministri në detyrë Bislimi ka thënë për KALLXO.com se nuk është kërkuar rishikim të buxhetit, pasi rishikimi do të bëhet në muajin qershor.

Bislimi thotë se nga Kuvendi është kërkuar vetëm lejim për tejkalimin e rregullës fiskale.

“Kjo nuk do të thotë që tejkalimet do të ndodhin, por kemi kërkuar leje për çdo eventualitet, në rast se gjatë implementimit të pakos do detyrohemi të rrisim deficitin buxhetor apo ulim bilancin bankar nën përqindjet e parapara”, ka theksuar Bislimi për KALLXO.com.

Qeveria e ka obliguar Ministrinë e Financave dhe Transfereve që brenda 6 muajve nga kalimi i situatës së pandemisë të hartojë një plan afatmesëm brenda të cilit do të përshtat kufirin e tejkalimeve të përkohshëm të autorizuara nga Vendimi i Kuvendit të Republikës së Kosovës dhe t’i sjell ato në përputhje me nenin 22A të ligjit për Menaxhimin e Financave Publike dhe Përgjegjësitë.

Në paragrafin e parë të nenit 22A – Vendosja dhe përshtatja e kufirit të deficitit thuhet se “asnjë Ligj për ndarjet buxhetore nuk duhet të përfshijë një deficit të përgjithshëm që kalon nivelin prej 2% të Bruto Produktit Vendor (GDP) së parashikuar”.

Sipas vendimit të Qeverisë, bazuar në situatën e pandemisë si dhe në zbatim të Pakos Fiskale Emergjente të aprovuar më 30 mars, disa nga masat e pakos mund të zbatohen nga buxheti aktual përmes alokimeve të parakohshme, ose/dhe me disa rregullime që bëhen nga Qeveria e Kosovës bazuar në autorizimet e Ligjit për Menaxhimin e Financave Publike dhe Përgjegjësitë si dhe Ligjit për ndarjet buxhetore për vitin 2020.

“Megjithatë, për disa elemente tjera kërkohet rregullimet buxhetore, të cilat mund të ndodhin në proces, por kjo nuk e pengon zbatimin e pakos në elemente të caktuar”, thuhet në vendim.

Vendimi i Qeverisë, i cili pritet të shkoj në Kuvend, nënvizon se nuk ka ndryshime në ndarjet buxhetore. Gjithashtu thuhet se Ministria e Financave dhe Transfereve ka identifikuar burime shtesë të financimit të deficitit, i cili pritet të financohet nga burimet e brendshme dhe të jashtme të financimit, përmes letrave me vlerë, kredive ndërkombëtare si dhe granteve. Pra, Qeveria synon që të hyjë në borxh për të financuar pakon emergjente.

Ministri në detyrë i Financave dhe Transfereve, Besnik Bislimi ka thënë se deri më tani asnjë projekt i vetëm kapital nuk është anuluar.

Por, Bislimi thotë se i kanë udhëzuar organizatat buxhetore që të dakordohen me Ministrinë e Financave dhe Transfereve para se të iniciojnë ndonjë projekt të ri kapital.

“Presim që për shkak të vështirësive në aktivitetin ekonomik, do të ketë ngecje si në inicim ashtu edhe ekzekutim të një pjese të projekteve kapitale që pastaj do të përkthehej në nën-shpenzim nga kjo kategori. Ky nën-shpenzim pastaj do të jetë në dispozicion për të mbuluar koston e një pjese të mirë të pakos emergjente (si dhe të asaj për rimëkëmbje)”, është shprehur Bislimi për KALLXO.com.

Në të njëjtën mbledhje të Qeverisë së Kosovës kur është aprovuar vendimi për tejkalimin e rregullës fiskale, është aprovuar edhe nisma e Ministrisë së Financave dhe Transfereve për negocimin e paketës së marrëveshjeve ndërkombëtare me qëllim të sigurimit të financimit publik për përballimin e situatës së krijuar nga coronavirusi, me disa institucione ndërkombëtare financiare.

Këto institucione janë, Banka Ndërkombëtare për Rindërtim dhe Zhvillim dhe anëtarët e tjerë të Bankës Botërore, Banka Europiane për Rindërtim dhe Zhvillim, Fondi Monetar Ndërkombëtar, Banka Islame për Zhvillim, Agjencitë zyrtare për përkrahjen (financimin) e eksportimit, Institucionet zyrtare financiare bilaterale të vendeve të jashtme ose të Bashkimit Europian, Banka Europiane e Investimeve.

Kufiri i përgjithshëm i autorizimit të dhënë për marrëveshjet financiare të huasë është 250 milionë euro ose ekuivalent, me afat dispozitave të Kushtetutës së Kosovës, të Ligjit për Marrëveshjet Ndërkombëtare dhe dispozitave tjera në fuqi.

Ndërkohë, ministria e Financave ka njoftuar se tashmë është aprovuar një kredi në vlerë 51.6 milionë euro nga Fondi Monetar Ndërkombëtarë.

Qeveria e Kosovës ka miratuar Pakon Fiskale Emergjente në vlerë 170 milionë euro për adresimin e problemeve ekonomike të bizneseve dhe sektorit privat të shkaktuara nga coronavirusi.

Në muajin mars mbi 98 mijë qytetarë janë përfshirë skemën sociale, duke marrë një asistencë shtesë mujore. Njëjtë do të veprohet edhe në dy muajt e ardhshëm, duke e arritur vlerën e intervenimit në 7.6 milionë euro.

Bizneset private të cilat e kanë ndërprerë apo kufizuar veprimtarinë e tyre ekonomike gjatë masave të Qeverisë kundër COVID-19 do të jenë përfitues të pakos emergjente.

Sipas Ministrisë së Financave, kompanitë që janë prekur nga masat, Qeveria ka vendosur që t’i asistojë me tri ndërhyrje: Mbulimin e shpenzimit të pagave, me pagën minimale prej 170 euro për dy muajt e ardhshëm, deri në maksimumin e 41 milionë eurove; subvencionimin e qerasë deri në maksimumin e mundshëm prej 50% për ndërmarrjet e vogla dhe të mesme, për dy muajt e ardhshëm me një total prej 12 milionë eurove; si dhe do t’u paguhen kontributet pensionale punëtorëve të sektorit privat që janë prekur nga masat për dy muajt e ardhshëm, në total prej 8 milionë eurove.

Për stafin mjekësor, policët dhe zjarrfikësit janë ndarë një shpërblim shtesë në shumën fikse prej 300 eurove, për secilin nga dy muajt e ardhshëm.

Përkundër faktit që masat e Qeverisë nuk kanë qenë të plota për marketet, furrat dhe barnatoret, Qeveria ka paraparë shpërblim edhe për punëtorët e këtyre sektorëve. Për këtë qëllim janë ndarë 3 milionë euro, ku do të ketë nga një pagesë shtesë për punëtorët për dy muajt e ardhshëm, në vlerë prej 100 euro në muaj.

Pako emergjente ka përfshirë edhe kompanitë vet-prodhuese, komunitetet pakicë do të subvencionojë edhe bujqësinë, kulturën dhe sportin.

Njoftim për tatimpagues – Përfito nga Pakoja Fiskale Emergjente!

Bazuar në vendimin e Ministrit të Financave dhe Transfereve, datë 03.04.2020, lidhur me aprovimin e Planit Operacional për Pakon Fiskale Emergjente dhe obligimin e institucioneve për zbatimin e këtij Plani, Administrata Tatimore e Kosovës, ju njofton se ka bërë përgatitjet dhe tashmë punëdhënësit dhe qiramarrësit mund të parashtrojnë kërkesat e tyre për të përfituar nga kjo pako.

Sipas Planit Operacional për Pakon Fiskale Emergjente, personat të cilët do të përfitojnë sipas Masave, si: 3a; 3b; 8 dhe 14, kërkesat e tyre do t’i dërgojnë përmes Sistemit Elektronik EDI, më së largu deri më 15 maj 2020.

Për përfituesit nga Masa 3a; 8 dhe 14, punëdhënësit, përmes Sistemit Elektronik EDI duhet të plotësojnë formularin “Kërkesë për kompensim të pagave të punëtorëve”, të bashkëngjisin listën e të punësuarve, ashtu siç është dizajnuar nga ATK, si dhe për të punësuarit e rinj (masa 14) duhet të bashkëngjisin kontratën e punës. Formulari gjendet në Sistemin EDI, në linkun Shërbimet – Kërkesë për kompensim të pagave të punëtorëve, ndërsa lista mund të shkarkohet në të njëjtin link, në butonin – Shkarko mostrën, si dhe në butonin Shto dokumente duhet bashkangjitur dëshmitë dhe kontratat e punëtorëve.

Për qëllime të përfitimit sipas Masës 3a; 8 dhe 14, duhet të keni parasysh identifikimin e të punësuarve, si:

Punëtor aktiv – nënkupton punëtorin i cili është në marrëdhënie pune të vazhdueshme në biznes, mirëpo, për shkak të situatës së emergjencës shëndetësore, punëdhënësi nuk ka arritur t’ia paguaj pagën. Në listën e të punësuarve, ky i punësuar duhet të jetë i evidentuar me statusin “A”. Ky i punësuar, për të përfituar nga kjo pako duhet të ishte i përfshirë si i punësuar primar në listë pagesën mujore për periudhën shkurt/2020.
Punëtor jo-aktiv – nënkupton punëtorin i cili është larguar nga puna si rezultat i rënies së aktivitetit të ndërmarrjes për shkak të situatës së emergjencës së shëndetit publik. Në listën e të punësuarve, ky i punësuar duhet të jetë i evidentuar me statusin “B”. Ky ish i punësuar, për të përfituar nga kjo pako duhet të ishte i përfshirë si i punësuar primar në listë pagesën mujore për periudhën shkurt/2020.
Punëtor i ri – nënkupton punëtorin e regjistruar gjatë periudhës së situatës së emergjencës së shëndetit publik, me kontratë pune së paku një (1) vjeçare, të nënshkruar pas datës zyrtare të fillimit të pandemisë në Kosovë. Në listën e të punësuarve, ky i punësuar duhet të jetë i evidentuar me statusin “C”.

Përfituesit nga Masa 3b, përmes Sistemit Elektronik EDI duhet të plotësojnë formularin “Kërkesë për kompensim të qirasë”, si dhe të bashkëngjisin listën e qiradhënëseve, ashtu siç është dizajnuar nga ATK. Po ashtu, qiramarrësi duhet të ngarkojë çdo kontratë të qirasë në mes të qiradhënësit dhe qiramarrësit, e cila duhet të jetë e lidhur para datës 1 Mars 2020. Formulari gjendet në Sistemin EDI në linkun Shërbimet – Kërkesë për kompensim të qirasë, ndërsa lista mund të shkarkohet në të njëjtin link, në butonin – Shkarko mostrën, si dhe në butonin Shto dokumente duhet bashkangjitur dëshmitë dhe kontratat me qiradhënësit.

Përmes formularëve të lartcekur, punëdhënësi dhe qiramarrësi, duke evidentuar dëshmitë për vështirësitë financiare duhet të deklarojnë se veprimtaria e tyre është ndikuar negativisht nga situata e emergjencës shëndetësore me vendimet e Qeverisë së Kosovës për parandalimin e përhapjes së virusit COVID-19.

Ju lutemi, klikoni në linqet në vijim dhe shkarkoni udhëzuesit ku janë evidentuar hapat që duhet t’i ndjekni për të parashtruar kërkesat tuaja lidhur me kompensimet nga Pakoja Fiskale Emergjente:

Udhëzuesit për kompensim të pagave të punëtorëve dhe kompensim të qirasë, i gjeni në ueb-faqe të ATK-së www.atk-ks.org në linkun Multimedia – Manuale & Prezantime ose drejtpërtdrejtë në:

Linku për udhëzuesin për kompensim të pagave të punëtorëve dhe

Linku për udhëzuesin për kompensim të qirasë

ATK, çdo herë e gatshme në ofrimin e shërbimit për tatimpagues!

Administrata Tatimore e Kosovës

Kosova, nga një krizë virusi në një krizë ekonomike

Kosova është në krizë ekonomike, por pas pandemisë të shkaktuar nga virusi COVID-19, do të futet në një krizë edhe më të thellë, thonë ekspertë të fushës së ekonomisë.

Kosova e cila ka pasur një rritje ekonomike mesatarisht rreth 4 për qind ka qenë e pamjaftueshme për të zbutur papunësinë dhe problemet ekonomike dhe sociale.

Pas pandemisë së Coronavirusit, problemet do të përkeqësohen thonë ekspertë, pasi që sipas parashikimeve edhe të Bankës Qendrore të Kosovë do të ketë një ulje të rritjes ekonomike nga minus 2 për qind deri në minus 4 për qind.

Masat e marra deri më tani nga Qeveria e Kosovës për të ndihmuar ekonominë konsiderohen të pamjaftueshme dhe me vonesa në zbatimin e tyre.

Drejtori ekzekutiv i Odës Ekonomike Amerikanë në Kosovë, Arian Zeka, thotë për Radion Evropa e Lirë se struktura e Pakos Emergjente Fiskale nuk shkon në drejtim të ruajtjes së sektorit privat, mbijetesës të një numri më të madh të ndërmarrjeve private dhe ruajtjes të sa më shumë vende të punës.

“Në një situatë të tillë edhe ndërhyrja dhe infuzioni financiar nga ana e shtetit duhet të jetë shumë më i madh dhe nuk duhet të eksperimentojmë në këtë fazë. Kemi kërkuar një shumë më të madhe. Është aprovuar gati gjysma e 300 milionë që e kemi kërkuar”, thotë Zeka.

Banka Botërore në një raport të saj të publikuar gjatë kësaj jave po ashtu ka theksuar se edhe Kosova, ashtu si edhe vendet e tjera të rajonit, do të pësojë tkurrje ekonomike në vitin 2020, si pasojë e masave parandaluese ndaj Coronavirusit.

Për t’i dalë në ndihmë bizneseve, përmes Pakos Emergjente e cila kap shumën e rreth 180 milionë euro, Qeveria e Kosovës ka paraparë disa masa si ndihmë për bizneset.

“Disa nga këto masa kanë filluar të zbatohen, por disa nga masat që kanë të bëjnë me bizneset”, thotë Zeka, duke shtuar se ka shumë paqartësi dhe vonesa në zbatim.

Ai kritikon institucionet e vendit për moskoordinim të duhur lidhur me masat që po merren për të ndihmuar ekonominë e vendit. Moskoordinimi i institucioneve, shton Zeka, do të ketë pasoja edhe më të mëdha në ekonomi.

“Si asnjëherë më parë vendi ka nevojë për një konsensus politik pasi që jemi në krizë. Zgjatja e pandemisë do të thellojë krizën. Mënyra se si do të përballojmë krizën dhe të dalim me sa më pak humbje pas përfundimit të pandemisë, do të varen nga veprimet e menjëhershme që duhet të merren e që mund të konkludoj që jemi vonë”, thotë Zeka.

Herolinda Xhuli, shefe e kabinetit në Ministrinë e Financave dhe Transfereve, tha për Radion Evropa e Lirë se disa nga masat e pakos janë zbatuar e disa prej tyre do të fillohet gjatë ditëve në vijim.

Për të zbatuar të gjitha masat e kësaj pakoje kërkohen mjete financiare për të cilat Qeveria e Kosovës ka paraparë t’i mbulojë me grante dhe borxhe.

Xhuli sqaron se për huamarrje ndërkombëtare kërkohet aprovimi i Kuvendit të Kosovës.

“Për momentin po e shfrytëzojmë buxhetin aktual derisa të realizohet kredia. Dyfishimi i asistencës sociale është realizuar, te bizneset së shpejti këto ditë fillon aplikimi online që do të bëhet përmes sistemit të Administratës Tatimore të Kosovës pastaj fillon procesi. Ekzekutimi i pagesave bëhet në fund të muajit”, thotë ajo.

Pasi që të definohen edhe dëmet që i janë shkaktuar ekonomisë nga pandemia, Xhuli thotë se do të ketë edhe një pako tjetër stimuluese nga qeveria.

Për t’u përballur me virusin e ri, që shkakton sëmundjen COVID-19, Bashkimi Evropian ka ndarë 68 milionë euro për Kosovën.

Sipas BE-së, 5 milionë do të shkojnë për nevoja të menjëhershëm për ta luftuar COVID-19, 50 milionë për ta përballuar krizën ekonomike si dhe 13 milionë do të transferohen në buxhet të Kosovës.

Shtetet e Bashkuara të Amerikës i kanë ofruar Kosovës 1.1 milion euro për luftimin e Coronavirusit.

Në Kosovë rastet e parë me Coronavirus janë shënuar më 13 mars.

Qeveria e Kosovës menjëherë ka marrë masat për parandalimin e përhapjes së Coronavirusit duke bërë kufizime të aktiviteteve ekonomike. /REL/

4 këshilla thelbësore për të punuar nga shtëpia gjatë pandemisë së koronavirusit

Në mes të pandemisë së re të koronavirusit, shumë kompani po zbatojnë politika vullnetare ose të detyrueshme nga shtëpia. Kjo do të thotë që shumë prej nesh janë përpara një sfide të pazakontë: duke punuar nga shtëpia për herë të parë, me kohë të plotë.

Të gjithë po e shohim se sa e vështirë është të balancojmë çdo përgjegjësi, pavarësisht se kemi akses 100% në botën online. Dhe kjo mbi të gjitha për shkak të nivelit të lartë të stresit dhe informacionit që marrim 24/7.

Këshillat që po ndajmë më poshtë me ju do t’ju ndihmojnë të siguroheni që jeni të suksesshëm, si në kryerjen e punës suaj ashtu edhe në ruajtjen e mirëqenies mendore:

1. Vishuni mirë 😛

Mund të duket si një sugjerim i thjeshtë, por është një çështje thelbësore.
Ju nuk keni nevojë të visheni aq zyrtarisht sa për punë, sigurisht, por thjesht ndryshimi i rrobave shërben si një sinjal se është koha të zgjoheni dhe të nisni me përgjegjësitë e ditës. “Mos e nënvlerësoni fuqinë e veshjes së rrobave të përshtatshme për punë. Kjo ju bën të ndjeheni me vetëbesim dhe ju ndihmon të bëni ndarjen mes të qenit në punë dhe të qenit në shtëpi.

2. Caktoni një hapësirë pune ose “zyrë” të brendshme

Një nga sfidat e mëdha kur bëhet fjalë për të punuar në distancë është krijimin e ndarjes së veçantë mes punës dhe shtëpisë tuaj. Nëse nuk shkëputeni plotësisht nga puna pas orarit që i keni vendosur vetes ose që keni rënë dakord me supervizorin tuaj, atëherë produktiviteti juaj do të jetë edhe më i ulët por edhe jeta juaj në shtëpi mund të marrë një “goditje” gjithashtu.

Megjithëse mund të duket qejf të jesh në gjendje të lëvizësh nga tavolina në shtrat në divan, nëse e lejon laptopin të zvarritet në hapësirën tënde joproduktive, e bën më të vështirë ta ruash këtë ndarje.
Kjo sigurisht lidhet drejtpërdrejt dhe me orarin tuaj të punës. Do të merrni maksimumin dhe do të jeni më të gatshëm për t’u “transferuar” përsëri në zyrë nëse përmbaheni me orët tuaja të rregullta.

Dallimi më i madh midis punës nga shtëpisë dhe punës në zyrë është se ju jeni përgjegjës për mjedisin tuaj dhe duhet ta trajtoni veten si një punonjës, por edhe të dish te vendosësh limite, ashtu si një menaxher i mirë do të bënte.

3. “Rruga për në punë”

Rruga në mëngjes për në punë, nuk vlen vetëm për të lëvizur nga një vendndodhje fizike në tjetrën — por gjithashtu i jep kohë trurit tuaj të përgatitet për punë. Vetëm se nuk po levizni, nuk do të thotë që nuk duhet të krijoni disa rutina ekuivalente edhe ne shtepi.
Ndoshta ju zakonisht dëgjoni muzikë ose podcast gjatë rrugës për në punë. Ju mund t’i bëni këto edhe në shtëpi. Ose mbase mund të kaloni pak kohë me një kafshë shtëpiake ose familjarët tuaj. Një opsion ideal është edhe stërvitja ose të kaloni kohën duke u marrë me një hobi që keni kohë që e keni lënë pas dore. Por mos harroni, kjo nuk duhet t’ju marrë gjithë ditën e ditës 😛 Mos u shperqendroni!

4. Mos harroni të socializoheni!

Kur e gjithë zyra fillon papritur të punojë nga shtëpia, ju ndërprisni shumë ndërveprime sociale të rastësishme që keni zakonisht gjatë gjithë ditës, të cilat ju ndihmojnë të ndjeheni më pak të vetmuar dhe të prishni monotoninë e punës. Ne harrojmë ndonjëherë se duhet të jemi të rrethuar me njerëz. Shpesh janë “alarmet” e vogla kur komunikojmë dhe rastësitë që i bëjnë ditët tona të jenë unike. Dhe sidomos në këto ditë, kemi më shumë nevojë se kurrë për këtë “dozë” pozitiviteti dhe komunikimi.

Burimi: https://www.themuse.com/advice/coronavirus-work-from-home-tips

Ekonomia Islame

Ripërtërije jetën tënde: ylli i nëntë që duhet kuptuar nga nëntë yjet e suksesit

Dialogu i zhvilluar me sukses: ylli i tetë që duhet kuptuar nga nëntë yjet e suksesit

Dashuria ndaj kreativitetit: ylli i shtatë që duhet kuptuar nga nëntë yjet e suksesit

Ekipi i fortë si kështjella: ylli i gjashtë që duhet kuptuar nga nëntë yjet e suksesit

Për shkak të koronavirusit Trusti humbi 8.5 milionë euro

Forbes: Për shkak të COVID-19, 226 persona nuk janë më miliarderë

COVID-19 zbraz buxhetin, Qeveria kërkon leje nga Kuvendi

Njoftim për tatimpagues – Përfito nga Pakoja Fiskale Emergjente!

Kosova, nga një krizë virusi në një krizë ekonomike

4 këshilla thelbësore për të punuar nga shtëpia gjatë pandemisë së koronavirusit

Moti

Na ndiq

Moti