Banka Qendrore Evropiane (ECB) sot hodhi poshtë mundësinë e shlyerjes së borxheve të qeverisë, të cilat disa ekonomistë po propozojnë për të trajtuar pasojat e pandemisë.
“Unë dëgjova një debat në Francë për shlyerjen e borxheve të bankës qendrore, por kjo nuk është një mundësi për ECB,” tha Fabio Panetta, një anëtar i bordit ekzekutiv të BQE-së, për gazetën L’Mond.
Përveç kufizimeve ligjore që ndalojnë praktikat e tilla, “qytetarët do të rrezikonin të humbnin besimin në monedhë” dhe do të kishte “përçarje financiare”, shpjegon Panetta.
Panetta nuk dëshiron të përsërisë përvojën e Gjermanisë nga vitet 1920, një periudhë hiperinflacioni kur qytetarët “transportonin para në karrocë për shkak se humbi vlerën”.
“Nuk është një mënyrë për të krijuar prosperitet” dhe kjo është arsyeja pse “marrëveshjet ndalojnë financimin monetar,” shtoi ai.
Në një kohë kur vendet e eurozonës duhet të huazojnë masivisht për shkak të recesionit të shkaktuar nga pandemia e virusit korona, ECB ka rritur programin e ndihmës urgjente për blerjen e bonove qeveritare dhe private, fillimisht të subvencionuara me 750 miliardë euro, me 600 miliardë euro.
