“Shumica e vendeve në zhvillim, duke përjashtuar Kinën, nuk po shohin ende kthim të pasurisë”, thotë drejtoresha e FMN-së, Kristalina Georgieva
Drejtoresha e Fondit Monetar Ndërkombëtar (FMN), Kristalina Georgieva të martën vonë tha se parashikimet e rimëkëmbjes globale që bëri trupi janë vetëm “të pjesshme dhe të pabarabarta”, transmeton Anadolu Agency (AA).
Në një video-konferencë, Georgieva bëri disa vlerësime në lidhje me ekonominë botërore në epokën e COVID-19 dhe më gjerë.
“Ne po shohim disa shenja të rimëkëmbjes në ekonominë botërore”, tha ajo, duke vënë në dukje se parashikimet për një numër ekonomish të përparuara nuk është aq keq sa pritej.
Nga ana tjetër, ajo paralajmëroi se shumica e tregjeve dhe vendeve në zhvillim, duke përjashtuar Kinën, nuk po shohin ende një përmbysje të pasurisë.
“Në fakt, disa do të shohin ulje të vlerësimit në parashikimet tona”, tha ajo.
Georgieva theksoi se vendet e vogla me ekonomi të varura nga turizmi janë në gjunj dhe se ekonomitë me nivele të larta të borxhit janë në telashe të tmerrshme.
Lidhur me prioritetet e FMN-së mes pandemisë, ajo tha: “Ne vazhdojmë mbështetjen derisa të shohim kthimin e ekonomisë. Jemi në një moment kur mund të themi se ekonomia botërore do të humbasë 12 trilionë dollarë këtë vit dhe vitin e ardhshëm”.
Georgieva përsëriti se disa vende do të kenë nevojë për ristrukturim për të ulur borxhin në një nivel të qëndrueshëm.
“Unë bëj thirrje për transparencë të borxhit si prioritet. Nëse i dimë nivelet e borxhit, atëherë kjo çështje është shumë më e lehtë për t’u trajtuar”, tha drejtoresha e FMN-së.
“Kjo krizë po i thotë botës të ndërtojë qëndrueshmëri për të ardhmen që do të thotë të investosh në arsim, kapacitete dixhitale dhe kapital njerëzor, sisteme shëndetësore dhe sisteme të mbrojtjes sociale”, potencoi Georgieva.
“Për ta bërë këtë, ne duhet të kujdesemi për taksat në atë mënyrë që transformon dhe ndërton qëndrueshmëri për të ardhmen”, përfundoi ajo./AA/
