Pavarësisht nëse bëni festë të madhe apo jo, Bajrami zakonisht përfshin shpenzime të caktuara dhe kështu një planifikim sado i vogël rreth tij mund të kushtojë shumë.
Në shumicën e vendeve muslimane, është praktikë e zakonshme blerja e rrobave të reja për Bajram si shenjë e fillimeve të reja dhe për shkak se shton gëzim dhe kënaqesi veshja e diçkaje të re gjatë festës . Megjithatë, shumë njerëz janë larguar nga ky zakon dhe thjesht veshin çdo gjë me stil nga veshjet e tyre.
Këshillë e shpejtë: Në varësi të gjendjes së financave tuaja, ju mund të blini rroba të reja për veten dhe familjen tuaj – ose thjesht zgjidhni veshjet më të mira që keni tashmë.
Ju gjithashtu mund të dëshironi të dekoroni shtëpinë tuaj për të gjallëruar atmosferën me gjëra të tilla si balona, pankarta dhe zbukurime tjera.
Këshillë e shpejtë: Kontrolloni rreth shtëpisë tuaj për të parë nëse keni tashmë ndonjë nga këto artikuj përpara se t’i shtoni në listën tuaj të blerjeve.
Pritja dhe vizita e familjes dhe miqve për festë dhe ofrimi i ëmbëlsirave si bakllavaja është një tjetër traditë e njohur e Bajramit. Nëse jeni duke pritur, bëni një listë të gjërave që dëshironi të blini, kontrolloni dollapët e frigoriferit dhe kuzhinës dhe planifikoni menutë që dëshironi të përgatisni.
Këshillë e shpejtë: Kur bëni blerje, përmbajuni listës; mos u tundoni të shpenzoni për gjëra që nuk keni planifikuar të blini.
Kur bëhet fjalë për aspektin më të rëndësishëm të Bajramit – të qenit bujar – ia vlen edhe të planifikohet. Në komunitetet myslimane, të rriturit zakonisht u japin fëmijëve karramele ,pako dhuratash ose shuma të vogla parash,varësisht nga traditat lokale.
Këshillë e shpejtë: Vizitoni dyqanet tuaja lokale ose qendrën e këmbimit valutor përpara festës së Bajramit për të shëndrruar kartëmonedhat tuaja të letres ne monedha të hekurta, që ti gëzoni sa më shume fëmije.
Shpenzimet specifike të Bajramit
Ka edhe kosto që duhet të përfshihen në buxhetin tuaj në varësi se cili Bajram është. Për shembull, Kurban Bajrami përfshin blerjen dhe shpërndarjen e mishit.
Tradicionalisht, muslimanët në mbarë botën blejnë një lopë dele ose dhi javë më parë dhe e therin atë në ditën e parë të Bajramit,si shenje adhurimi dhe sakrifice per Allahun. Por shumë prej tyre që kanë te ardhura më vogla të blejnë mishin e tyre nga një mishtore ose supermarket.
Është një praktikë e zakonshme islame që mishi i kurbanit të ndahet në të tretat – për familjen, miqtë dhe të varfërit.
Nga ana tjetër, Fitër Bajrami, i cili shënon fundin e muajit të agjërimit të Ramazanit, përfshin një akt të detyrueshëm bamirësie të njohur si Zekat Al Fitr.
Para faljes së namazit të Bajramit, të gjithë muslimanët dhe muslimanët që zotërojnë më shumë se nevojat e tyre, pavarësisht nga mosha e tyre, duhet të dhurojnë para për të varfërit dhe nevojtarët. Për shkak të gamës më të gjerë të njerëzve që duhet të paguajnë zekatin e fitrit, është përgjegjësi e kryefamiljarit të paguajë për ata që janë nën kujdesin e tyre.
Në fund të fundit, Bajrami është një kohë gëzimi dhe lumturie. Dhe mënyra më e mirë për të përhapur lumturinë është duke u mbledhur me familjen, duke vizituar të afërmit dhe miqtë, duke shkëmbyer dhurata, duke dhënë bamirësi dhe mbi të gjitha, duke qenë mirënjohës për bekimet e panumërta.
Burimi : moneysmart
Përktheu dhe përshtati : EkonomiaIslame
