Në prill të këtij viti, një degë e McDonald’s kërkoi falje për mungesën e punonjësve në ndërmarrjen e tij. Një tabelë e postuar përmes një videoje të TikTok lexonte “Ne kemi mungesa në staf. Jini të durueshëm me stafin që ju shërben. Askush nuk dëshiron të punojë më”.
Megjithatë, tani ka dalë në dritë një imazh ku një degë tjetër e restorantit të ushqimit të shpejtë ofron të paguajë 21 dollarë në orë për ata që aplikojnë për punë dhe punësohen. Gjithçka duket se tregon se kjo është pasojë e një krize për shkak të mungesës së fuqisë punëtore me të cilën po përballen industri të ndryshme në Shtetet e Bashkuara.
Rrjeti i ushqimit të shpejtë kishte paralajmëruar më parë një rritje pagash për punonjësit e saj në SHBA, me qëllim rritjen e punësimit dhe mbajtjen e punonjësve. McDonald’s është zotuar të rrisë pagat e më shumë se 36,500 punonjësve me një mesatare prej 10%.
Deri atëherë, pagat për ekipin e përgjithshëm ishin 12 dollarë dhe midis 16 dhe 18 dollarë për mbikëqyrësit, sipas informacioneve nga The Wall Street Journal.
Çfarë po ndodh?
Sipas raporteve të CNN, disa nga ligjvënësit republikanë fajësojnë mungesën e fuqisë punëtore për rritje të përfitimeve, të papunësisë në vendin e Amerikës së Veriut, ndërsa kundërshtarët e tyre propozojnë një rritje pagash.
Sipas BBC, punëtorët nuk janë të gatshëm të kthehen për disa arsye të tjera, duke përfshirë frikën e marrjes së COVID-19, një dëshirë për fleksibilitet më të madh të punës, etj.
Ndër bizneset që janë prekur nga kjo mungesë punëtorësh janë restorantet, zinxhirët e shitjes me pakicë, supermarketet, hotelet dhe industria e argëtimit.
