10 arsye pse duhet të mbështesni bizneset në pronësi të muslimanëve

Një gjë që fillimisht më tronditi rreth botës së biznesit është konkurrenca shkatërruese pavarësisht se është mjaft e madhe për të gjithë që të prosperojnë në të. Të gjithë duan të jenë në krye, të fitojnë më shumë para dhe të bëjnë gjithçka që të jetë e mundur që të kontrollojnë gjithcka. Ajo që është më ngushëlluese është që bizneset në pronësi të muslimanëve nuk duket se janë të tilla.

Ne nuk ishim të motivuar duke fituar më shumë para; ne ishim të motivuar duke u marrë me drejtësi, duke dhënë çmimin më të mirë, dhe duke shitur produkte me cilësi të lartë, thjesht sepse ne po ndiqnim shembullin e Profetit Muhamed (paqja dhe mëshirë e Allahut qoftë mbi të) që prodhoj praktikat më të mira të biznesit. Ajo që vazhdon të më befasojë, megjithatë, është aq sa komunitetet tona duan të ndërtojnë institucione, ne po e lëmë pas dore një gjë që mund të financojë më lehtë ato institucione: bizneset në pronësi të muslimanëve. Ne duket se kemi shumë të vështirë të blejmë nga bizneset tona.

Ne blejmë rroba nga Forever 21, por jo nga motra me tezgë të veshjeve në xhami. Ne blejmë shalle nga Ross, por jo nga biznesi musliman që i shet ato me të njëjtin çmim në një pjesë tjetër të qytetit. Ne shkojmë dhe hamë burgera në një restorant luksoz duke kaluar përskaj vendit të burgerave hallall gjatë rrugës për atje.

Ka kaq shumë arsye për të mbështetur bizneset në pronësi të muslimanëve, si anëtarë të një komuniteti musliman, këto janë disa.

  1. Ju prodhoni pasuri të komunitetit duke blerë nga njëri-tjetri dhe duke mbështetur anëtarët e komunitetit tuaj që duan të jenë sipërmarrës të suksesshëm.
  2. Shumica e muslimanëve bëjnë produkte të përshtatshme posaçërisht për muslimanët e tjerë, kështu që ne mund të blejmë sende që janë krijuar me neve në mendje (p.sh. kasapët hallall, veshje modeste, art me kaligrafi).
  3. Në vend që të blini nga kompani ku nuk e dini se ku po shkojnë paratë tuaja, ju mund të mbështetni bizneset e vogla muslimane, në të cilat jeni i sigurt se blerja juaj do të ndihmojë një familje të vendosë ushqim në tryezë.
  4. Duke blerë produkte nga bizneset e vogla, të cilat shesin në mënyrë hallall, etike, ne mund të ndryshojmë mënyrën e zhvillimit të biznesit dhe të promovojmë praktika të shëndetshme, etike, të bërjes së parave.
  5. Kur tregojmë se mbështesim tonën, inkurajojmë ngritjen e valës tjetër të sipërmarrësve të rinj muslimanë të cilët mund të ndryshojnë hapësirën e biznesit.
  6. Kur blini nga bizneset që ishin shpikësit origjinal të gjërave si hixhabi sportiv, ju po u tregoni atyre se idetë e tyre kanë rëndësi, dhe ata do të jenë të motivuar të vijnë me mënyra të shkëlqyera për të përmbushur nevojat e reja.
  7. Dëshironi për vëllain / motrën tuaj atë që dëshironi për veten tuaj. Nëse ju vetë jeni një pronar musliman i biznesit të vogël, atëherë ju i dini vështirësitë. Ndani njohuritë tuaja, pasurinë tuaj (investimin) ose kohën tuaj për të ngritur bizneset e tjera me ju. Ju nuk humbni asgjë duke mbështetur bizneset e tjera muslimane.
  8. Zanati dhe tregtia janë një aspekt historik i bashkësisë muslimane. Për momentin, ne si komunitet nuk e kemi as gjysmën e këtij lloji të ndikimit siç kemi bërë historikisht, por gjithashtu nuk kemi qenë kurrë më të lidhur me muslimanët e tjerë përmes teknologjisë. Ne duhet të vazhdojmë atë trashëgimi të tregtisë si brenda ashtu edhe jashtë komuniteteve tona duke mbështetur bizneset tona lokale në pronësi të muslimanëve.
  9. Profeti Muhamed (paqja dhe mëshira e Allahut qoftë mbi të) ishte një biznesmen, siç ishte edhe gruaja e tij Hatixhja (Allahu qoftë i kënaqur me të). Të dy praktikuan sjellje të ndershme në biznes, dhe çdo pronar i afarizmit musliman që ndjek sunetin(rrugën e profetit) do të jetë po aq i nderuar. Ti e di që nuk do të mashtrohesh nga një musliman për një produkt.
  10. Të gjithë në komunitet përfitojnë duke mbështetur një biznes në pronësi të muslimanëve. Konsumatori është i lumtur të pranoj një produkt të prodhuar mirë, me burim etik, me çmim të duhur dhe i shitur me nder. Pronari i biznesit është në gjendje të ushqejë familjen e tij ose të saj dhe të shfrytëzojë ato para në ndërtimin e institucioneve në komunitet siq janë xhamitë, shkollat ​​islamike, apo edhe të investojë në një biznes tjetër musliman. Për shkak të kësaj, komuniteti është në gjendje të lulëzojë, rritet dhe zgjerohet./muslimgirl/
Artikulli paraprakGënjeshtar pesë yjesh
Artikulli tjetër150 Sihariqe nga njerëzit më të suksesshëm