Një burrë erdhi te Profeti (paqja dhe bekimet e Allahut qofshin mbi të) dhe i kërkoi atij (Paqja dhe bekimi i Allahut qofshin mbi të!) një këshillë. Ai (Paqja dhe bekimet qofshin mbi të) tha:
“Mos u zemëro.” Burri përsëriti kërkesën e tij për këshillë dhe çdo herë, Profeti u përgjigj me këtë frazë të vetme që përmbledh të gjitha qëndrimet dhe sjelljet e mira: “Mos u zemëro”. (Buhariu)
Ndërsa mund të mos jeni në gjendje të shmangni zemërimin dhe qëndrimet agresive të njerëzve, ju me siguri mund t’i përballoni situata të tilla në një mënyrë të mençur dhe produktive.
Zemërimi mund të jetë si një zjarr. Dhe ju nuk mund ta luftoni zjarrin me një shkëndijë tjetër zjarri, ose duke derdhur karburant mbi të – kjo do të rezultojë në një zjarr masiv që do të gëlltisë të gjithë, përfshirë edhe veten tuaj. Ndërsa derdhja e ujit në zjarr do ta frenojë atë, nëse nuk do ta shuajë plotësisht. Të kesh një temperament të qetë dhe tolerant mund tu ndihmojë të luftoni zemërimin ashtu siç uji e shuan zjarrin.
Reagimi me qetësi dhe tolerancë ndaj një situate të zemëruar mund të duket fillimisht pasiv – por kujt i intereson! Nëse doni thjesht t’i hidhni benzinë zjarrit, situata me siguri do të dalë jashtë kontrollit dhe do të përfundojë në një luftë me përmasa të paparashikueshme.
Jam dakord që të jesh një person i qetë dhe tolerant kërkon shumë vetëdisiplinë, e cila zakonisht është “e vështirë”.
Këtu janë disa këshilla të testuara me kohë për të shmangur zemërimin:
- Duhet të kuptoni se zemërimi nuk është çështje fuqie apo aftësie.
“Njeriu i fortë nuk është ai që mund të luftojë, por është ai që mund të kontrollojë veten kur është i zemëruar.” (Buhariu)
- Merreni zemërimin si një infeksion
Mbani distancën e duhur nga ata njerëz me natyrë të keqe, pavarësisht nga shtrirja e zemërimit të tyre dhe arsyeja që mund të qëndrojë pas tij. Mos reagoni në një mënyrë që do të sinjalizojë urrejtje. Duke vepruar kështu, ndoshta thjesht do të përkeqësoni zemërimin dhe do të acaroni situatën.
- Mos ngurroni të vononi reagimin tuaj
Nuk do ta dëmtojë dinjitetin tuaj dhe as nuk do të dëmtojë imazhin tuaj. Ju mund ta përfundoni praninë tuaj në këtë situatë. Qoftë fizikisht ose nëse është një bisedë telefonike, apo një prani virtuale me bisedë, dhe reagoni më vonë kur të jeni mendërisht gati për t’u përballur pozitivisht me situatën.
- Mbani parasysh interesin e komunitetit mysliman
“Mos u zemëroni me njëri-tjetrin dhe mos e keni zili njëri-tjetrin dhe mos u largoni nga njëri-tjetri dhe jini robër të Allahut, vëllezër. Nuk është hallall që muslimani t’i shmanget vëllait të tij më shumë se tre netë.” (Muvatta e Imam Malikut)
- Reagoni me një deklaratë qetësuese
Për shembull, “Unë e kuptoj se si ndihesh, e di që duhet të jesh i zemëruar, etj. Përpiquni ta shmangni personin e zemëruar nga mendimet që vazhdojnë ta zemërojnë atë.
- Disa fjalë të mira mund të kenë një efekt befasues
Rikthimi i të gjithë situatës në një ton të këndshëm do të ndihmojë në uljen e tensioneve. Nga ana tjetër, fjalët e ashpra shkaktojnë hakmarrje. Shikoni fjalët tuaja sepse ato mund të vendosin tonin për një situatë të tërë.
- Mos u bëni ai person
Nëse e urreni qëndrimin e personit që është i zemëruar, dijeni se reagimi në mënyrë të ashpër do t’ju bëjë shumë të ngjashëm me të, kështu që më mirë të jeni të kujdesshëm.
Jini të fortë dhe bëni që mënyra juaj e qetë të ndihmoj që të përmbani situatën. Bëhu i mençur. Vetëkontrolli është gur themeli për të frenuar zemërimin e njerëzve.
Mos harroni se Profeti ynë i dashur (Paqja dhe bekimet e Allahut qofshin mbi të) nuk u hakmor kurrë për një çështje personale.
Transmetohet se “Profeti asnjëherë nuk u hakmor për hir të tij, por nëse shkelen ligjet e Allahut, ai do të hakmerrej për hir të Allahut.”
Qëndroni të mençur dhe zbatoni virtytin e durimit, i cili është mjeti juaj kryesor për të shmangur qëndrimet agresive dhe të zemërimit.
Mos harroni, marrëdhëniet dhe qëndrimet që kultivoni në jetën tuaj do të ndikojnë në produktivitetin tuaj.
Pra, qëndroni pozitivë dhe shmangni negativitetin!
Autori: Maha Youssuf
Në shqip: Kohaislame.com
