Strategjia e duhur për një sistem financiar islam

Mësimet që mund të nxirren nga përvoja e kaluar, kur dizajnohet një strategji për të avancuar procesin e islamizimit, janë mjaft të qarta nga diskutimi i mëparshëm. Suksesi i përpjekjeve të ardhshme do të varet në mënyrë të theksuar nga shmangia e pengesave që janë përjetuar në përpjekjet e kaluara.

Le të përshkruajmë veçoritë e gjera të një strategjie që ka mundësinë e suksesit në implementimin e vërtetë të një sistemi financiar islam. Këto janë si më poshtë:

1. Procesi duhet të udhëhiqet nga një përpjekje ligjore themelore që mbulon të gjitha elementet thelbësore të programit të propozuar;
2. Legjislacioni do të përcaktojë kamatën dhe do të ndalojë transaksionet që lidhen me kamatën.
3. Aplikimi i ligjit do të jetë i pandryshuar dhe pa përjashtime; kështu që i gjithë sektori financiar, përfshirë bankat, financat e qeverisë dhe transaksionet e huaja do të përfshihen në fushën e tij;
4. Duke pasur parasysh vështirësinë relative në pastrimin e këtyre tre kategorive të transaksioneve, mund të lejohet një fazë që do të kufizohet në 12 muaj;
5. Duke pasur parasysh natyrën e pandryshuar dhe pa përjashtime të ligjit të propozuar, edhe marrëdhëniet ekzistuese do të duhet të kthehen në forma të lejuara, për të cilat do të lejohet një kohë e përshtatshme, brenda periudhës së kësaj faze;
6. Ligji duhet të parashikojë gjithashtu krijimin e një bordi të Sheriatit që do të ndihmojë SBP-në në formulimin e mënyrave të lejuara të financimit. Mënyrat e tilla, të specifikuara me miratimin paraprak të bordit, do të jenë vetëm ilustrative dhe nuk do të vendosin kufizime për bankat dhe institucionet financiare për të dizajnuar mënyra financimi që janë të lira nga kamata;
7. Një pjesë e madhe e ligjit do të duhet t’i dedikohet një plani për ristrukturimin e politikës fiskale që përfshin një skemë për privatizimin e aseteve të sektorit publik dhe përdorimin e të ardhurave të tij për likuidimin e borxhit publik të pazgjidhur.
   Strategjia e propozuar bazohet në një njohje të qartë të fushës që nënkuptohet nga ndalimi i kamatës Kjo është kritike, sepse përndryshe zgjidhja do të vazhdojë të na shpëtojë. Ekziston një literaturë e gjërë përfshirë raporte të paraqitura nga komitetet dhe komisionet e ngritura nga qeveria, që tregon se një qasje e tillë nuk do të paraqesë probleme të pamundura për t’u kapërcyer.