Islami dhe sfidat ekonomike të sotme janë një temë me rëndësi të madhe për njerëzit në mbarë botën. Argumenti që vijon nuk do ta trajtojë këtë çështje vetëm nga perspektiva e një ekonomisti, por do të shqyrtohet edhe nga këndvështrimi islam. Qëllimi përfundimtar është të sugjerohen mënyra për të përballuar këto sfida, jo domosdoshmërisht zgjidhja përfundimtare e tyre.
Detyra është e vështirë, pasi mbulon një fushë shumë të gjerë brenda një kohe shumë të shkurtër. Nuk do të ishte e papërshtatshme të thoja që në fillim se esenca e asaj që kam nxjerrë nga angazhimi im i thellë në mësimdhënie dhe kërkim në ekonomiks është se ‘edhe pse ekonomiksi është i rëndësishmëm, përsëri ekonomiksi nuk mjafton’. Njeriu nuk jeton vetëm me bukë. Dimensioni ekonomik është shumë i rëndësishëm, por dimensioni moral dhe njerëzor është më i rëndësishëm.
