Asnjëherë mos u ndal nga komunikimi me Zotin tënd. Lutju Atij çdo moment për gjërat që dëshiron, sepse “lutja është adhurim”. Dhe mos harro që ‘zëri’ i bindjes tënde (se Allahu i përgjigjet lutjes) të jetë më i lartë se ai i gjuhës tënde.
Shejhu i nderuar Sad El-Khathlan (Allahu e ruajttë!) në mësimin “Et-Tealik ala Kitab Letaif El-Fauaid” ka thënë: “Kur Shejh Iben Bazi (Allahu e mëshiroftë!) humbi shikimin, nëna e tij u pikëllua shumë dhe qau. Fqinja e saj e këshilloi që t’i kërkonte ndihmë Allahut; të merrte abdes, të falej dy rekate namaz dhe t’i lutej Allahut të Madhëruar se ‘ashtu siç ia more shikimin, jepi dije që të ketë dobi ai dhe t’u bëjë dobi muslimanëve!’ Dhe nëna e tij (shejhut) ashtu veproi. Ndoshta asaj i është pranuar lutja (ngase Shejh Iben Bazi u bë nga dijetarët e mëdhenj). Ky veprim ka bazë në Sunet.”
Profetin alejhis-selam, kur e pikëllonte ndonjë çështje, nxitonte për të falur namaz. Kërkohet që kjo të jetë rruga e muslimanit: sa herë përballet me ndonjë problem apo e godet ndonjë fatkeqësi, të marrë abdes, të falë dy rekate dhe t’i lutet Allahut që t’i japë rrugëzgjidhje e lehtësim. Vërtet, nëse vepron kështu, ka për të parë gjëra mahnitëse.
Allahu thotë: “Kur robërit e Mi të pyesin për Mua, Unë jam afër, i përgjigjem lutjeve të lutësit, kur ai më lutet Mua.” (El-Bekare: 186)
Dhe thotë: “Zoti juaj ka thënë: ‘Lutmuni Mua, se do t’ju përgjigjem!’” (El-Gafir: 60)
“Rregulla të arta për ambicie të larta”
🔗 https://t.me/islamiautentik
