Maqedonia po tenton që t’ia marrë Kosovës investitorët

Kosova rrezikohet edhe nga largimi i atyre pak bizneseve prodhuese që ka, raporton KTV.

Bizneset po joshen në mënyra nga më të ndryshme nga Maqedonia, e cila po dërgon gati çdo javë zyrtarë te kompanitë kosovare për t’ua mbushur mendjen që të investojnë atje.

Drejtori i Trepharmit që merret me prodhimin e ilaçeve thotë se oferta e Maqedonisë ka lëkundur planin për ndërtimin edhe të disa linjave të prodhimit në Kosovë, ku do të punësoheshin 100 punëtorë.

Ai thotë të jetë duke paguar penallti ndaj prodhuesit të makinerive, të cilat është i detyruar t’i lërë në Gjermani, pasi që për sjelljen e makinerisë po i duhet të paguajë një shumë të madhe për TVSH dhe Doganën.

Qeveria ka kohë që ka paralajmëruar lirim të shumë taksave për nxitje të investimeve, ndërsa Ministria e Punës dhe e Mirëqenies Sociale po planifikon të japë edhe fonde për rritje të punësimit.

Artikulli paraprak2500 euro për biznes idetë më të mira në Bujqësi dhe Ekoturizëm
Artikulli tjetërTe drejtat e punëtorit