Administrata Tatimore e Kosovës (ATK) njofton se sot ka lansuar aplikacionin elektronik për verifikimin e punëtorëve nëse janë të regjistruar dhe të deklaruar nga punëdhënësi i tyre.
Në një postim në facebook, ATK bënë të ditur se aplikacioni në fjalë është shumë i thjeshtë, kërkon pak të dhëna për ta verifikuar një punëtor veten.
Ndonëse përveç pjesës së verifikimit, ATK-ja poashtu tregon se ka dizajnuar edhe pjesën tjetër brenda këtij aplikacioni, ku në rast se punëtori gjatë verifikimit nuk e gjen vetën në listat e deklarimit, ai mund ta denoncojë punëdhënësin e tij.
Sipas tyre, në pjesën ku punëtori identifikon mos-deklarimin e tij nga punëdhënësi, ka mundësi të klikojë në butonin “Raporto punëdhënësin”, i cili shpije në formën për denoncim/raportim.
ATK-ja gjithashtu njofton se aplikacionin mund ta gjeni në ueb faqen e ATK-së https://www.atk-ks.org/ ose në vegzën https://bit.ly/3FJYXNw
“Ftojmë të gjithë punëtorët që ti bashkohen kampanjës së ATK-së, duke shfrytëzuar këtë aplikacion, pasi që vetëm në këtë mënyrë do të arrijmë që t’i zbusim statistikat e punëtorëve të pa formalizuar, duke mundësuar realizimin e të drejtës tuaj për një të ardhme me një pensionim të sigurtë”, përfundon njoftimi i tyre./BE/
