“Projekti ka një kosto prej rreth 72 milionë dollarë që do të financohet nga Fondi i Kuvajtit për Zhvillimin Ekonomik Arab në vlerën rreth 42 milionë dollarë dhe nga Fondi Saudit për Zhvillim në vlerën rreth 30 milionë dollarë”
TIRANË (AA) – Ministri i Financave i Shqipërisë, Arben Ahmetaj, nënshkroi sot në emër të Qeverisë së Shqipërisë, marrëveshjen me Fondin Saudit për Zhvillim, përfaqësuar nga Mohammad Aljenaidel, për financimin e projektit “Rehabilitimi i Rrugës së Lumit të Vlorës”, transmeton Anadolu Agency (AA).
Projekti parashikon ndërtimin e rrugës në jug të Shqipërisë, që fillon nga Bypassi i Vlorës – Ura e Peshkëpisë, Ura e Laskos – Qeparo si dhe degëzimi Ura e Peshkëpisë – Selenicë – Superstrada Levan – Tepelenë, një segment prej 94 km.
Në një njoftim zyrtar nga Ministria e Financave e Shqipërisë thuhet se kredia nga Fondi Saudit për Zhvillim parashikohet të rehabilitohet pjesa e dytë e kësaj rruge me gjatësi 30 kilometra, parashikuar për të përfunduar në fund të vitit 2020.
“Projekti ka një kosto prej rreth 72 milionë dollarë që do të financohet nga Fondi i Kuvajtit për Zhvillimin Ekonomik Arab në vlerën rreth 42 milionë dollarë dhe nga Fondi Saudit për Zhvillim në vlerën rreth 30 milionë dollarë”, thuhet në njoftimin e Ministrisë së Financave.
