Vonesat e stërzgjatura në kompletimin e bordeve, siç është Bordi i AKP-së dhe Bordi i Autoritetit Kosovar të Konkurrencës, bazuar në vlerësimet e njohësve të kësaj fushe dhe përfaqësuesve të opozitës janë veprime të qëllimshme të koalicionit qeveritar, i cili do ta ndajë kulaçin mes tyre dhe t’i rehatojnë militantët partiakë, shkruan Kosova Sot.
Deputetja Donika Kada – Bujupi (AAK), tha se bordet dhe agjencitë e pavarura sot janë të okupuara. “Mosfunksionim i AKP-së dhe Autoritetit të Konkurrencës bëhet qëllimisht, sepse fundja të gjitha bordet e agjencive, sot janë të okupuara nga militantët partiakë”, thotë ajo.
