Dyqani juaj online është aseti juaj më me rëndësi tashmë, por si ta bëni të lulëzojë?!
Për pjesën më të madhe të markave, 2020 kishte të bënte me mbijetesën. Kompanitë u bënë inovative, sipërmarrëse dhe pothuajse heroike në krijimin e modeleve të biznesit, rilidhjen me klientët dhe përshtatjen me aftësi të reja. Shumë firma shitën produktet e tyre në internet, direkt tek konsumatori, për herë të parë. Këto marka krijuan dyqane të reja digjitale dhe u “zhytën me kokë” në proceset e pagesave, llogaritë e klientëve, logjistikë, logjistikë e kundërt, abonime dhe shumë më shumë. Viti paraardhës ishte një “përplasje e çmendur” për t’u përshtatur me një realitet të ri ku, pothuajse brenda natës, tregtia elektronike u bë kanali kryesor i shitjeve për shumë biznese.
Përveç bazave themelore, 2021 përsa i përket tregtisë elektronike do të duket shumë më ndryshe. Do të jetë viti i diferencimit. Në një det me zgjedhje të pafundme dhe ngjashmëri, shumë marka po pyesin veten: Si të biem në sy? Çfarë na bën të jemi zgjedhja e duhur për të ndihmuar klientët të përmbushin qëllimet e tyre?
Lajmi i mirë është se puna bëhet gjithnjë e më interesante, krijuese dhe më e dobishme nga këtu e tutje. Bëhet fjalë për të patur një qasje unike, diçka të përshtatur për markën tuaj. Këtu janë tre rezolucione të Vitit të Ri për dyqanin tuaj në internet, të dizajnuara për ta bërë atë të lulëzojë.
Krijoni përvoja të markës.
Mos i krijoni klientit shpërqendrime ose pengesa, thotë shprehja tradicionale. Kjo do të zvogëlojë shitjet! Megjithatë, tregtia e suksesshme elektronike është më shumë sesa thjesht butonat “Shto në Shportë” dhe “Arka”, sidomos tani. Për të vazhduar të qëndroni të rëndësishëm për klientët gjatë kësaj periudhe të zgjatur të distancimit social, dyqani juaj në internet duhet të ofrojë një përvojë më të plotë të markës: edukimin, angazhimin, krijimin e besimit dhe krijimin e lidhjeve emocionale me konsumatorët. Këtu hyn stili, perspektiva, vlerat, kultura dhe komuniteti individual i markës suaj. Këto janë gjërat që sjellin në jetë një dyqan në internet.
CAMP, një zinxhir kombëtar me pakicë, i specializuar në aktivitete dhe përvoja familjare, humbi të gjitha të ardhurat e saj brenda natës kur Covid goditi. Themeluesi Benjamin Kaufman dhe ekipi i tij hynë thellë në qëllimin e markës së tyre dhe pyetën veten: si ta angazhojmë komunitetin tonë virtualisht? Përgjigja ishte të angazhoheshin për të organizuar festat më të mira të ditëlindjes për fëmijët, virtualisht. Kjo u përputh me bazën e tyre dhe CAMP vazhdoi me integrimin e përmbajtjes së arsimit dhe tregtisë në një linjë videosh artizanale, ku furnizimet mund të bliheshin lehtësisht përmes një partneriteti me Walmart. Ata tani po vazhdojnë të krijojnë shkëmbime virtuale dhuratash dhe ahengje për hapjen e dhuratave.
Përdorni headless e-commerce.
Duke nxituar për të ngritur një dyqan në internet vitin e kaluar, shumë marka zgjodhën të njëjtat modele dhe zgjidhje të gatshme si të gjithë të tjerët. Megjithëse këto mjete sigurojnë qasje të shpejtë në funksionalitete të fuqishme, e meta është se markat duhet t’i përmbahen manualit që u është ofruar. Sidoqoftë, ju mund të krijoni përvoja të diferencuara të markës edhe brenda kufijve të sistemeve ekzistuese, kur përdorni tregtinë headless, ose “decoupling”.
Tregtia elektronike headless ju lejon të merrni kontrollin e plotë të përvojës parësore të klientit, ndërkohë që ende shfrytëzoni platformat e fuqishme të palëve të treta, si Shopify, që fuqizojnë dyqanin tuaj. Me një qasje headless ndaj tregtisë elektronike, ju po merrni kontrollin dhe pronësinë e dizajnit dhe përvojës në faqen që përballet me klientin, duke e ndërtuar atë ashtu si çdo faqe tjetër. Por ju gjithashtu jeni duke kuruar dhe licensuar shërbimet e tregtisë që u lihen ekspertëve të jashtëm: përpunimi i pagesave, sistemet e menaxhimit të porosive, menaxhimi i përmbajtjes, vërtetimi, rishikimet etj. Këto shërbime themelore duhet të funksionojnë, por ekipi juaj nuk ka nevojë t’i ndërtojë ose mirëmbajë ato.
Kur ekipi i Pharrell Williams shfaqi hyrjen e tyre të re në kategorinë e kujdesit për lëkurën, Human Race, ata e dinin se përvoja e markës do të vendoste shembullin për të tjerët. Ata krijuan një arkitekturë headless që ndante mjetet e tregtisë nga identiteti i markës dhe përvoja e klientit. Rezultati është një faqe e mrekullueshme, praktike dhe e pasur me tipare, që frymëzon blerësit të angazhohen dhe të blejnë, të drejtuar nga një model i fuqishëm, që mbështet trafikun e madh dhe integron klasën më të lartë të shërbimit.
Bisedoni me klientët si individë.
Përvojat e markave spikasin më së miri kur janë të personalizuara. Pesë vite më parë, personalizimi ishte vetëm për kompanitë e mëdha të teknologjisë si Google, Netflix dhe Spotify, të cilët mund të punësonin ushtri të shtrenjta të PhD-ve për të krijuar motorë rekomandimesh komplekse. Këto kompani me magji ju dhanë gjënë më të mirë për të bërë, shikuar ose dëgjuar. Por tani, kompanitë e të gjitha madhësive dhe buxheteve mund të zbatojnë personalizimin dhe t’i angazhojnë klientët një nga një. Duke kuptuar se për cilat të dhëna të konsumatorëve ka nevojë marka të ofrojë shërbime të diferencuara dhe si t’i përdorin ato të dhëna në mënyrat që vlerëson konsumatori, markat në mënyrë efektive mund të marrin hapat e tyre të parë kuptimplotë drejt personalizimit. Personat dhe segmentet e audiencës, janë bërë të tepërta, dërgoni mesazhe individuale për secilin nga klientët tuaj, bazuar në interesat dhe veprimet që ata kanë ndërmarrë me markën tuaj.
