Edhe pse të kesh oferta të shumta pune është një gjë fantastike, ka mundësi që një fakt i tillë mund të shndërrohet në diçka vërtet stresuese.
Është shumë e lehtë të zhytesh e të mos dalësh dot në analizën e arsyetimeve të vazhdueshme.
Mënyra më e mirë për të lënë mënjanë stresin është që të analizoni secilën prej ofertave që ju është bërë në bazë të disa kritereve të caktuara.
Zbuloni më të mirat dhe më të këqijat e secilës ofertë – Ju duhet të identifikoni saktësisht se cilët janë faktorët që e bëjnë një punë të caktuar më të mirën për ju, anët pozitive por edhe në ato negative. Zbuloni atë që ka më shumë rëndësi për ju.
Vendosni prioritetet tuaja – Pagesa, kultura e kompanisë dhe shumë gjëra të tjera të cilat për ju janë shumë të rëndësishme. Nënvizoni pesë prej arsyeve që për ju kanë më shumë rëndësi.
Vendosni një notë – Një gjë e tillë do t’ju ndihmojë në përzgjedhjen që do të bëni.
Mendoni për të ardhmen – Është e lehtë që të bëni zgjedhjen e gabuar nëse do të mendoni vetëm për avantazhet që kjo punë ju ofron në një periudhë të shkurtër kohore dhe jo në një periudhë afatgjatë. Pyetja është: A do t’ju krijojë mundësinë një ofertë e tillë pune që pas një periudhe të caktuar kohe ju të rriteni profesionalisht, apo jo? /eo/
