Sfidë për SHBA: Nënshkruhet marrëveshja më e madhe tregtare në botë me lider Kinën: ç’është RECP?

Pesëmbëdhjetë vende Azi-Paqësor formuan aleancën më të madhe tregtare në botë të dielën, nën kujdesin e Kinës dhe pa pjesëmarrjen e Shteteve të Bashkuara, të cilat braktisën bisedimet për një shoqatë të ngjashme nën Presidentin Trump.

Nënshkrimi i Partneritetit Ekonomik Rajonal Gjithëpërfshirës (RCEP) në një takim në Hanoi, vjen tre vjet pas rënies së Marrëveshjes së Tregtisë Trans-Paqësor (TTP) e cila do të ishte një nga trashëgimitë kryesore të qeverisë së ish-Presidentit të SHBA Barack Obama.

Pasardhësi i tij, Donald Trump, u tërhoq nga marrëveshja në vitin 2017, në ditën e parë të mandatit të tij, e cila, nëse hynte në fuqi, do të mbulonte pothuajse një të tretën e tregtisë botërore.

RCEP tani mund të forcojë më tej ndikimin e Kinës në Azi, duke i dhënë asaj një pozicion më të mirë për të formuar rregullat e tregtisë së rajonit.

Ai u nënshkrua nga 15 vende – 10  anëtarë të Shoqatës së Kombeve të Azisë Juglindore (ASEAN), të tilla si Malajzia, Filipinet, Indonezia dhe Vietnami, si dhe Australia, Kina, Japonia, Zelanda e Re dhe Koreja e Jugut.

Marrëveshja është e rëndësishme sepse fuqitë rivale rajonale Kina, Japonia dhe Koreja e Jugut janë pjesë e një marrëveshje të përbashkët tregtare për herë të parë. India u tërhoq nga marrëveshja e vitit 2019.

Marrëveshja u nënshkrua virtualisht, në një samit të ASEAN për të diskutuar tensionet në Detin e Kinës Jugore dhe planet për rimëkëmbjen ekonomike pas pandemisë së virusit koronar.

Qëllimi i marrëveshjes, i cili është negociuar për më shumë se një dekadë, është që gradualisht të ulë tarifat në vitet e ardhshme dhe disa do të shfuqizohen menjëherë.

RCEP do të mbulojë 30 përqind të ekonomisë botërore, e njëjta përqindje e popullsisë së botës dhe do të mbulojë 2.2 miliardë konsumatorë, tha Vietnami, nikoqiri i takimit.

Marrëveshja hyn në fuqi kur një numër i mjaftueshëm shtetesh e ratifikojnë atë brenda dy viteve të ardhshme, tha ministri indonezian i tregtisë javën e kaluar. /tesheshi.com/

Artikulli paraprakSërish ka rënie të inputeve bujqësore
Artikulli tjetërFitime miliardëshe për kompanitë e teknologjisë së informacionit gjatë pandemisë COVID-19