Për dallim nga periudha e njëjtë e vitit të kaluar, në 6 mujorin e këtij viti të hyrat nga diaspora janë ulur për 5,7 milionë euro apo 5%. Njohësit e ekonomisë, thonë se kjo po ndodhë, për shkak të pandemisë dhe rritjes së çmimeve. Nga ana tjetër, qytetarët thotë se me rritjen e vetëdijes për të punuar, nuk ka nevojë edhe aq për të ardhurat e diasporës. Ndërsa, mërgimtarët i kanë kritikuar kosovarët se remitencat po i shfrytëzojnë për gjëra luksoze.
Edhe pse viteve të fundit, është thënë se ekonomia e Kosovës ka shënuar rritje, njëjtë nuk po ndodhë edhe me remitencat.
Gjatë këtij viti, të ardhurat nga diaspora kanë pësuar ulje për 5%.
Sipas të dhënave të Bankës Qendrore të Kosovës, në periudhën janar-qershor 2022, vlera e remitencave ka arritur në 548.7 milionë euro.
Ndërsa, në periudhën e njëjtë të vitit të kaluar, të hyrat nga mërgimtarët kanë qenë 554.4 milionë euro apo 5.7 milionë euro më shumë.
Njohësit e ekonomisë kanë thënë se remitencat gjithnjë kanë luajtur rol të rëndësishëm në stabilizimin e gjendjes sociale, duke i quajtur ato infuzion për ekonominë e vendit.
Mirëpo, sipas tyre rënia e vlerës po ndodhë, për shkak të pandemisë dhe rritjes së çmimeve.
Nga ana tjetër, ata thonë se shumica e të hyrave nga diaspora më së shumti shfrytëzohen për patundshmëri dhe jo në investime kapitale.
Edhe qytetarët thonë se të ardhurat nga diaspora janë ulur.
Mirëpo, mërgimtarët i kanë kritikuar qytetarët e Kosovës, pasi që sipas tyre të ardhurat nga ta po shfrytëzohen për gjëra luksoze.
Nga BQK-ja, kanë thënë se këtë vit aktiviteti ekonomik do të shënojë rritje më të ngadalësuar rreth 3 për qind./kanal10/
