Organizata e Vendeve Eksportuese të Naftës (OPEC) dhe aleatët e saj pritet të diskutojnë rritjen e prodhimit të naftës për të përmbushur rritjen e kërkesës globale gjatë takimit të tyre, i planifikuar të mbahet javën e ardhshme.
Rusia pritet të propozojë që OPEC + të ndërmarrë hapa për të ulur një deficit global të furnizimit, shkruan Bloomberg.
Anëtarët e tjerë të grupit thuhet se po diskutojnë një rritje të mundshme të furnizimit në gusht.
Grupi OPEC + ka shkurtuar prodhimin për të forcuar çmimet globale të naftës, pasi pandemia rrëzoi kërkesën në vitin 2020.
Çmimet globale të naftës bruto u rritën mbi 75 dollarë për fuçi për herë të parë në më shumë se dy vjet, pasi ekonomitë e mëdha po rifillojnë të hapen gradualisht pas një viti pauze për shkak të pandemisë.
OPEC dhe aleatët e tij thuhet se janë në proces për rikthimin në treg të rreth dy milion fuçive në ditë. Sidoqoftë, më shumë zbutje e frenave të prodhimit është e nevojshme mes rritjes së çmimeve.
Më herët këtë muaj, Agjencia Ndërkombëtare e Energjisë (IEA) i bëri thirrje grupit dhe aleatëve të tij “të hapin çezmat për të mbajtur tregjet botërore të naftës të furnizuar në mënyrë adekuate”.
Ndërkohë, bisedimet për marrëveshjen bërthamore midis Uashingtonit dhe Teheranit janë zvarritur më gjatë sesa pritej, duke thyer shpresat për kthimin e naftës së papërpunuar iraniane në tregjet globale.
