Feith: Korrupsioni po dëmton ekonominë

Përfaqësuesi i Zyrës Civile Ndërkombëtare Piter Feith, ka thënë se si pasojë e korrupsionit po dëmtohet ekonomia e Kosovës.

“Ekonomia nuk mund të zhvillohet, sepse nuk do të ketë investime direkte. Nëse një vend ka reputacion të keq, nuk do të ketë investime”, ka thënë Feith në një intervistë për Irish Times.

“Ekziston problemi për normat dhe vlerat për të cilat njerëzit e këtushëm ndjehen të lidhur. Kjo vjen nga vitet e shtypjes, vitet e diskriminimit dhe vitet e dhunës që kanë përjetuar në të kaluarën kosovarët. Njerëzit nuk janë mësuar që të pranojnë se duhet të ketë sundim të ligjit dhe se rregulloret, ligjet duhet të respektohen, sepse përndryshe nuk mund të funksionojë si duhet shoqëria”, është cituar të ketë thënë Feith.

“Kjo nuk është unike për Kosovën, kjo mund të shihet gjithandej në Ballkan dhe më gjerë në rajon. Është një fenomen i cili do të marrë kohë derisa të zhduket tërësisht”, ka thënë Feith./koha/kohaislame

Artikulli paraprakÇereku i bizneseve “profesionale” s’kanë paguar kurrë tatime
Artikulli tjetërShahini: Të shpallen bizneset pro serbe